2 Ioane 1:11 - Tokelauan New Testament

¹¹ Auā ko ai lava e fakafeiloakia ni tino vēnei, kua kavea ia ma o lātou hoa, i nā mea kino a ki lātou e fai.

2 Ioane 1:11 ပူးပေါင်းရင်းမြစ်များ

Efeho 5:11

Ia koutou lele nahe kau ki nā mea e hēai he uiga e fai e tagata; nā mea e fai i te pōuliuli. Kae kaumai ki fafo ki te mālamalama.

1 Timoteo 5:22

Nahe vavevave oi fakauta ō lima ki luga o nā tino ke fakapaia mo te gāluega a te Aliki, pe kau fakatahi i te agahala a he tino; kae e tatau koe ke mamā i taimi uma.

Epelu 5:13

Auā ko te tino e fafaga i te huāhuhu ko he pepe, ko hēki ia iloa te mea e hako ma te mea e hehē.

Iuta 1:23

fakaola iētahi tino i te tahamu kehe mai i loto o te afi o te fakamahinoga; loto alolofa ki iētahi tino ma ko koutou foki ke fakaeteete; kae inoino ki o lātou lākei kua kelekelea i o lātou lava tuinanauga ki te tino.

Fakaaliga 18:4

Oi kō lagona atu ai hētahi leo mai te lagi e lea vē, “Ōmamai ki fafo, oku tagata! Ōmamai ki fafo o Papelona! E hē tatau ke kau fakatahi koutou ma ia i ana agahala; e hē tatau koutou ke lavea tauanoa i te mala kua fakahalagia ai ia.