2 Ioane 1:10 - Tokelauan New Testament

¹⁰ Ko te mea ia, kāfai ni tino e oatu ki a te koutou kae hē ia te ki lātou te akoakoga tēnei, nahe koutou taliagia ki loto o outou fale; nahe koutou lea foki vē, “Ke ia te koutou te fīlēmū.”

2 Ioane 1:10 ပူးပေါင်းရင်းမြစ်များ

Gāluega 15:23

oi uga ai ma te tuhi e vēnei: “E fakafeiloaki atu outou uho i kinei, te kau apohitolo ma toeaina vēnā ma te Ekalehia kātoa, ki a te koutou o mātou uho tagata nukukehe uma e nonofo i Anitioka, i Hulia ma Kilikia.

1 Kolinito 16:22

Ko te tino e hē alofa ki te Aliki — ke fakamālaiagia ia! Marana tha — To mātou Aliki, haele mai!

1 Kolinito 5:11

Ko te uiga o taku lea atu, ia koutou nahe fakapipiki ki he tino e lea vē ko ia ko he Kelihiano, kae fai āmio mātagā, pe manatu fakapito, pe ifo ki tupua, pe tau fakakino, pe konā, pe kaihohoa — nahe nonofo foki ki lalo ma kakai fakatahi ma he tino vēnei.

2 Tehalonia 3:14

Ātonu e i ei ni tino i kinā ka hē fia fakalogo ki te fekau kua kavatu e ki mātou i te tuhi tēnei. Kāfai e i ei ni tino vēnā, ke koutou iloa pe ko ai ki lātou, ma nahe koutou toe fakapipiki ki ei kae ke fai tēnā ma mea e lagona ai e ki lātou te mā.

2 Tehalonia 3:6

Te kau uho, ko koutou e fakatonu atu e ki mātou i te igoa o to tātou Aliki ko Iehu Keliho. Koutou ke tau mamao lele ma nā tino e ola i he ōlaga paiē, ma hē mulimuli ki nā akoakoga na tuku atu e ki mātou.

Tito 3:10

Lapataki fakafokotahi pe fakalua ki nā tino e fakatupua nā fekehekeheakiga, kā hēai lava oi tīaki vē loa nahe kē toe amanakiagia.

2 Ioane 1:11

Auā ko ai lava e fakafeiloakia ni tino vēnei, kua kavea ia ma o lātou hoa, i nā mea kino a ki lātou e fai.

3 Ioane 1:10

Kāfai la ia au e fanatu, oi ka kikila totoka ai au ki ana mea uma kua fai; ana tala mātagā e uiga ki a te ki mātou, ma ana tala pepelo. Kae e hē malie ai lava tona loto; ka hē ia taliagia foki nā uho Kelihiano kāfai e ōmamai, ma ia tāofiofia foki nā tino o te Ekalehia e fofou ke ki lātou taliagia, ma taumafai ke tuli kehe nā tino iēnei ma te Ekalehia.