1 Timoteo 6:4 - Tokelauan New Testament

⁴ kua fefete i te fāfia kae e hē ia iloa he mea e fokotahi. E fiafia oi fakavevehi ma fai fīnauga ki te uiga o nā kupu, ma fakatupu ai te lotokino, te tauaimiha, te tau fakakino, te māhalohalo kino,

1 Timoteo 6:4 ပူးပေါင်းရင်းမြစ်များ

Gāluega 15:2

Na teteke lahi lele ia Paulo ma Panapa ki te akoakoga tēnei, ma na fai ai te tonu ke olo ia Paulo ma Panapa ma ni tino mai Anitioka ki Ieluhalema, ke talanoa ki te kau apohitolo ma nā toeaina o te ekalehia, e uiga ki te matākupu tēnei.

Gāluega 18:15

Kae ona ko koutou e fai fīnauga e uiga ki ni kupu ma ni igoa ma tautou lava tūlāfono, e tatau la ke fai lava e koutou he fakaikuga ki ei. E hē faia au ma fakamahino ki nā mea iēnā!”

Gāluega 8:9

Nae i te kakai tēnā he tino e igoa ki a Himona nae fai ana mea fakataulaitu i he taimi kua teka atu, ma nae ofo lele ai nā tino Hāmālia. Na lea ko ia ko he tino takutakua,

Loma 12:16

Koutou ke ola fealofani. Koutou nahe fia hihili, kae fakamāhani ki nā tino loto maulalo. Koutou nahe fia popoto.

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Loma 14:1

Talia e koutou nā tino e vāivai i te fakatuatua, kae nahe koutou faitio ki o lātou talitonuga tau tokatahi.

Loma 2:8

Kae ka fakaalia tona ita ma tona tōkahā ki a te ki lātou e manatu fakapito ma teteke ki te mea e hako, kae ke mulimuli ai pea ki lātou ki te mea e hehē.

1 Kolinito 11:16

Kae kāfai he tino e fakafehiligia e ia te mea tēnei, oi oti lava te mea e lea atu ai au, e hēai ni a tātou tū māhani i nā mea tau tāpuakiga, ma e vēnā foki iētahi Ekalehia a te Atua.

1 Kolinito 11:18

Ko te mea muamua, kua fakalogo au kāfai e fai autou māfutaga ko koutou e fevaevaeaki; ma ko au e talitonu e hako he vāega o nā mea iēnei kua fakalogo au ki ei.

1 Kolinito 3:18

Ia koutou lele nahe fakahehēagia. Kāfai he tino o koutou e manatu ko ia e poto i nā mea o te lalolagi nei, e tatau i te tino tēnā ke kavea ma vale, kae ke poto moni ai ia.

1 Kolinito 3:3

auā ko koutou koi ola lava e vē oi ola ia tagata o tēnei lalolagi. Kāfai e i ei te lotokino ia te koutou ma tauaimiha, e hē ko te fakamāoniga nei tēnā ko koutou e o te lalolagi, ma e fai e koutou nā uiga māhani o tagata?

2 Kolinito 11:20

E onohai koutou kāfai koutou e fakapologa e he tino, pe fakavalea, pe honafai, pe manatu fakatauva ki a te koutou, pe fai ni ona uiga hē māfaufau ki a te koutou.

Kalatia 5:15

Kae kāfai koutou e tūmau pea te takati ma te fakaogohia o tētahi ki tētahi e vē ko uiga o nā manu fekai, koutou la ke mataala auā e i na ka fakaumatia kātoa tētahi e tētahi.

Kalatia 5:26

Kae nahe ki tātou fia hili, pe fakatīgā tētahi ki tētahi, pe mata pipiko tētahi ki tētahi.

Kalatia 6:3

Kāfai he tino e manatu e tāua atu ia i lo hētahi tino, kae ko te meamoni e hē ko he tino e tāua, ko tona uiga kua fakahehē lava ia e ia.

Filipi 1:15

E hako e i ei nā tino e tālaki e ki lātou e uiga ki a Keliho ona e loto kino ma teteke mai ki a te au, kae e i ei foki iētahi e tālaki e ki lātou i te agaga moni

Filipi 2:14

Fai autou gāluega uma e aunoa ma te mūimui pe tauaikupu,

Filipi 2:3

Nahe faia lele he mea e koutou e ala i te manatu fakapito pe ko te fāfia, kae fai i te loto maulalo, ma ke fakamuamua lava te manatu, e hili atu te tāua o iētahi tino i lo koutou.

Kolohe 2:18

Nahe talia e koutou ni faitioga mai he tino e lea e hili atu tona tāua i lo koutou ona ko he fakaaliga fakapitoa na ia kitea, ma e fakatagā lotomaulalo ma tāpuaki pea lava ki nā agelu. Ko nā tino vēnei e manatu fakamaualuga ona ko na lagona fakatetagata,

2 Tehalonia 2:4

Ka teteke ia ki ho he itūkāigā atua pe ho he mea e ifo tāpuaki ki ei ia tagata, ma ia fakahilihilia ia i lo nā mea uma iēnei. Ka mafai foki ia ke fano ki loto o te Mālumalu o te Atua ma nofo ki lalo, ma lea ko ia ko te Atua.

1 Timoteo 1:4

Fakatonu ki ei ke tīaki a lātou tala fāgogo mai te vavau, ma nā gafa loloa o nā tupuna o ki lātou. Ko nā mea iēnā e tutupu ai nā fīnauga, ma e hē fehoahoani ki te fakatinoga o fuafuaga a te Atua, iēia e fātoā iloa oi oti kāfai te tino e talitonu ki a Keliho.

1 Timoteo 1:7

E fofou ke kavea ki lātou ma faiakoga o te tūlāfono a te Atua, kae e hē mālamalama ki lātou i nā kupu pe ko nā matākupu e tautatala agai ki ei ma to lātou mautinoa.

1 Timoteo 3:6

E tatau ko he tino kua matua i te fakatuatua, auā e i nā ka fefete tona loto i te fāfia ma fakahalagia ai, e vē ko te fakahalaga o te Tiāpolo.

2 Timoteo 2:14

Fakamanatu te mea tēnei ki a te ki lātou, ma lapataki mālohi ki ei i mua o te Atua, ke nahe ki lātou fai fīnauga ki te uiga o nā kupu. E hēai lele he mea lelei e maua ai, kae nā ko te āfāina lahi ai o nā tino e fakalogo ki ei.

2 Timoteo 2:23

Tau mamao ma nā fīnauga valea ma hēai he uiga; e iloa e koe ko te ikuga o nā mea iēnei ko te tauaimiha.

2 Timoteo 3:4

ka hē fakamāoni, hē manatunatu lelei, ma tumu i te mimita; ka fiafia atu ki fiafiaga o te ōlaga i lo ki te Atua;

Tito 3:9

Kae kalo kehe mai nā tauaiga kupu valea, nā talagā gafa, nā fefīnauakiga, ma nā tauaimihaga e uiga ki te Tūlāfono. Ko nā mea iēnei e hēai he uiga ma hēai he aogā.

Iakopo 1:19

Te kau uho pele, ke koutou manatua te mea tēnei! Ko koutou e tatau ke vave te fakalogo, kae tuai te tautala ma tuai te ita.

2 Petelu 2:12

Kae ko nā faiakoga pepelo iēnei, e hē muamua māfaufau oi fātoā fai e ki lātou he mea. E vē ki lātou ko nā manu tāvao, e fānanau ke tapoki ma tāmate. E fāifāi ki nā mea e hēai ho lātou mālamalama ki ei, ma ka fakaumatia ki lātou e vē ko nā manu tāvao,

2 Petelu 2:18

E fai e ki lātou nā tala mimita ma te valea, ma fakatōhina e ki lātou e ala i nā tuinanauga o te tino, nā tino fātoā mafai ke olo kehe mai i te ōlaga hehē.

Iuta 1:10

Kae ko nā tino iēnei, e fai kupu fakakino ki ho he mea lava e hē mālamalama ai ki lātou; ma ko nā mea iēnei e ki lātou iloa mai o lātou lagona lilo e vē ko manu vaefa tāvao, e fakaumatia ai foki lava ki lātou.

Iuta 1:16

Ko nā tino iēnei e mālohi te taumūimui ma e taku hehē pea lava e ki lātou iētahi tino; e mulimuli ki o lātou lava tuinanauga; e gugutu ma fakavikiviki e ki lātou iētahi tino kae ke mafai ai ke hao a lātou mea e fai.

Fakaaliga 3:17

E lea koutou, ‘Ko au e maukoloa ma tūtūlelei; kua hē toe i ei he mea e fofou au ki ei.’ Kae e hē koutou iloa te kino lele ma te fakaalofa o koutou! Ko koutou e mātitiva, e hē lavalavā ma e tāuaho.