1 Timoteo 6:2 - Tokelauan New Testament

² Ko nā pologa ni Kelihiano o lātou matai, e hē tatau ke feita ki o lātou matai ona ko ki lātou uma ni uho a Kelihiano. Kae e tatau ke hili atu ona lelei te lātou tautua, ona ko nā tino e manuia ia lātou gāluega, ko nā uho a Kelihiano foki lava e alolofa ki lātou ki ei. E tatau ke akoako ma fakamālohia e koe nā tiute iēnei.

1 Timoteo 6:2 ပူးပေါင်းရင်းမြစ်များ

Mataio 23:8

Kae ko koutou e hē takua lele ni ‘Faiakoga,’ auā e tutuha uma koutou, ma e fokotahi oioti lava te koutou Faiakoga.

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 6:24

“E hēai he tino e mafai ke kaukauna ki ni matai e toka lua; auā ka ita ki tētahi kae alofa ki tētahi; ka fakamāoni ki tētahi kae inoino ki tētahi. E hē mafai koe ke kaukauna uma ki te Atua ma nā tupe.

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Loma 11:17

Ko iētahi o lālā o te ōlive e tauhi lelei, kua tagau kehe ma kua hohoko ki ei he lālā o te ōlive ola vale. Ko koutou tagata nukukehe e vē ko te ōlive ola vale, ma i te taimi nei kua maua fakatahi e koutou na fakamanuiaga ona ko koutou kua kavea ma vāega o te ōlive e tauhi lelei.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Efeho 1:1

Mai ia Paulo, te apohitolo a Keliho Iehu, na filifilia e te Atua — Ki tagata o te Atua i Efeho, ki lātou e fakamāoni i o lātou ōlaga i te māfutaga fakatahi ma Keliho Iehu.

Efeho 1:15

Ona ko te māfuaaga tēnei, talu lava te lagona e au e uiga ki te koutou fakatuatua ki te Aliki ko Iehu ma te koutou alolofa ki tagata o te Atua,

Efeho 3:6

Ko te mealilo la ko tēnei. Ona ko Keliho Iehu, kua maua ai e tagata nukukehe he vāega o te tofi na folafola e te Atua ki tagata Iutaia, e ala i te tala lelei. Kua tuku atu foki e te Atua ia tagata nukukehe ke kavea ma vāega o he tino e tahi.

Kolohe 1:2

Ki tagata o te Atua i Kolohe, o mātou uho fakamāoni i te māfutaga fakatahi ma Keliho: Ke ia te koutou te alofa tūnoa ma te fīlēmū mai te Atua to tātou Tamana.

Kolohe 1:4

Auā kua fakalogo ki mātou ki te koutou fakatuatua ki a Keliho Iehu, ma te koutou alolofa ki tagata uma o te Atua.

Kolohe 4:1

Koutou matai, ke tonu ma hako autou faiga e fai ki nā pologa a koutou. Ke koutou manatua, e i ei foki te koutou Matai i te lagi.

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

1 Timoteo 4:11

Fakatonu ma akoako ki ei nā mea iēnei.

1 Timoteo 5:1

Nahe munaia e koe he tamāloa kua matua, kae apoapoaki ki ei e vē ko he tamana ki a te koe. Ke vē nā tamāloa talavou ni uho ki a te koe i au faiga e fai ki ei,

Tito 2:1

Tito, e tatau ke akoako e koe nā mea e talafeagai ma te talitonuga faka-Kelihiano.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

Epelu 3:1

Te kau uho Kelihiano, koutou iēnā kua kalagagia foki e te Atua! Māfaufau ki a Iehu, tēia na uga mai e te Atua ke kavea ma Ulu Ohitāulaga ke fehoahoani ki nā mea uma e tālaki e ki tātou, ma e talitonu ki tātou ki ei.

Epelu 3:14

Auā ko ki tātou uma e gālulue fakatahi ma Keliho, pe kāfai to tātou talitonu nae i ei i te kāmataga, e tūmau pea lava ke pa ki te ikuga.

1 Petelu 5:1

Ko au he toeaina, ma e molimau au e uiga ki nā puapuagā na pa ki ei ia Keliho, ma ka i ei fakatahi au ma ia i tona mamalu i te taimi ka fakaalia ai. Ko au la e aioi atu ki a te koutou nā toeaina o te Ekalehia,

2 Petelu 2:10

kae maihe lava ki lātou e mulimuli ki o lātou tuinanauga mātagā ki te tino, ma teteke lahi ki te pule a te Atua. Ko nā faiakoga pepelo iēnei e hē popoi lele pe mātataku oi fāifāi ki nā agelu mamalu.

Iuta 1:8

E vēnā foki lava nā tino iēnei. Nae ki lātou kitea ni fakaaliga e ala i ni miti ma kua agahala ai ki lātou i o lātou tuinanauga ki te tino; nae teteke ki te pule a te Atua ma fāifāi ki nā agelu mamalu.