1 Timoteo 5:20 - Tokelauan New Testament

²⁰ Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

1 Timoteo 5:20 ပူးပေါင်းရင်းမြစ်များ

Gāluega 19:17

Kua lagona te tala tēnei e nā tino Iutaia uma, vēnā ma nā tino nukukehe uma nae nonofo i Efeho; oi na mātataku uma lele ai ki lātou, ma fakaatili ai oi vīkia lahi e ki lātou te igoa o te Aliki ko Iehu.

Gāluega 5:11

Ko te Ekalehia kātoa ma nā tino uma lele na fakalogo ki te mea tēnei, na mātataku lahi lele.

Gāluega 5:5

Na lagona atu lava e Anania te fakakupuga tēnei, oi pakū loa lava ki lalo kua mate; ko nā tino uma na fakalogo ki te mea tēnei na mātataku lahi lele.

2 Kolinito 7:11

Kikila ki te mea na fai e te Atua ki te loto fakanoanoa o koutou: kua fakaatili lele ai te koutou naunau ke fakamāonia e hēai he hehē o koutou! Te lahi o te koutou hē fiafia, te loto popole, te atuatuvale, te lagolago mālohi mai ki a te au, ma te naunau ke fakahalagia o tē kua faia he mea hehē. Kua fakamāonia lava e koutou te hako o koutou, i te mea kātoa tēnei.

Efeho 5:11

Ia koutou lele nahe kau ki nā mea e hēai he uiga e fai e tagata; nā mea e fai i te pōuliuli. Kae kaumai ki fafo ki te mālamalama.

1 Timoteo 1:20

Ko iētahi o ki lātou iēnei e i ei ai ia Himenaio ma Alehana. Kua uma te kō tuku atua o te toka lua tēnei ke pule ai ia Hātani, kae ke fai ma akoakoga ki a te ki lāua ke nahe toe fāifāi ki te Atua.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.