1 Timoteo 5:18 - Tokelauan New Testament

¹⁸ Auā e leamai te tuhituhiga paia, “Nahe lokagia te gutu o te povi kāfai e fakaaogā e koe ke holia te haito ke tuku kehekehe ai nā fuāhaito mai nā fuhi haito” ma “Ko nā tino faigāluega e tatau ke maua ni o lātou totogi.”

1 Timoteo 5:18 ပူးပေါင်းရင်းမြစ်များ

Mataio 10:10

nahe kavea he ato mo te malaga, pe he kofutino fakaleoleo, pe ni hēvae, pe he tokotoko. Ko nā tino faigāluega e tatau ke fōki ki ei nā mea ke ola ai.

Luka 10:7

Nonofo i te fale tēnā, kakai ma inu ki ho he mea e fōki atu e ki lātou, auā ko nā tino faigāluega e tatau ke maua e ki lātou o lātou totogi. Nahe koutou nonofo holo ma oatu i tētahi fale ki tētahi.

Loma 10:11

E lea mai te tuhituhiga paia, “E hēai he tino e talitonu ki a te ia ka maua i te fakanoanoa.”

Loma 11:2

E hēki tetekea e te Atua ona tagata na ia filifilia mai te kāmataga. E iloa e koutou te mea e tūhia i te tuhituhiga paia, ki te fakatagi a Elia ki te Atua e uiga ki a Ihalaelu:

Loma 4:3

E lea mai te tuhituhiga paia, “Ko Apelaamo nae talitonu ki te Atua, ma ko tona fakatuatua na fakalelei ai e te Atua tona va ma ia.”

Loma 9:17

Auā i te tuhituhiga paia, ko te Atua na vāgana ki te tupu o Aikupito, “Na kō faia koe ma tupu kae ke fakaaogā ai koe ke fakailoa ai toku mālohi, ma ke takutaku atu ai toku igoa ki te lalolagi kātoa.”

1 Kolinito 9:14

Na vēnā foki lava ona fakatonu e te Aliki, ko ki lātou e tālakia te Tala Lelei e tatau ke maua he mea e ola ai mai te Tala Lelei.

Kalatia 3:8

Na vavaka e te tuhituhiga paia e fakalelei e te Atua te va o ia ma tagata nukukehe e ala i to lātou fakatuatua. Ma na fakailoa ai te Tala Lelei ki a Apelaamo e ala i te tuhituhiga paia: “Ona ko koe, ka fakamanuia ai e te Atua ia tagata o mālō uma.”

Iakopo 4:5

Koutou nahe vēakē e hē moni te tuhituhiga paia e lea vē mai, “Ko te agaga na tuku mai e te Atua ki a te ki tātou, e tumu i nā manakoga mālolohi.”