1 Timoteo 4:6 - Tokelauan New Testament

⁶ Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

1 Timoteo 4:6 ပူးပေါင်းရင်းမြစ်များ

Mataio 13:52

Oi lea vē atu ai ia Iehu, “Ko tēnei la te uiga. Ko nā faiakoga tau tokatahi uma o te Tūlāfono kua akoakogia i nā mea tau te Mālō o te lagi, e fakatuha ki he tino e i ei hona fale, e tuku mai e ia ki fafo nā mea tāua fou ma nā mea tāua tuai a ia mai te potu e teu ai.”

Luka 1:3

Kua manatu ai foki la au, ona kua uma te kō hukehukeagia lelei o nā mea uma iēnei mai te kāmataga, ke kō tuhituhia fakalelei ki lalo nā mea iēnei mo tau afioga,

Gāluega 1:15

Kua teka atu ni nai aho, oi fai ai he fono a nā tino kua talitonu ki a Iehu, e maua te tai 120 fakatahi, oi tū ai ia Petelu oi tautala.

Gāluega 20:31

Koutou la ke mataala, ma ke manatua te lahi o nā loimata na maligi i te pō ma te ao, i te tolu tauhaga nae kō akoakoa ai koutou uma tau tokatahi.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Loma 15:15

Kae e i ei iētahi mea, kua hē popoi lele au oi tuhi atu ai ma fakamanatu atu ki a te koutou. Kua hē popoi au ona ko te avanoa kua tuku mai e te Atua,

1 Kolinito 4:17

Ko te mea ia ka uga atu ai e au ki a te koutou ia Timoteo, toku ataliki pele ma te fakamāoni i te ōlaga faka-Kelihiano. Ka ia fakamanatu atua ki a te koutou nā mea tāua e mulimuli au ki ei i te ōlaga fou fakatahi ma Keliho Iehu, e vē oi akoako atu e au ki nā Ekalehia uma i nā koga kehekehe.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 3:6

ko ia lava te na mafai ai ki mātou ke kavea ma kaukauna ki te feagaiga fou. Ko te feagaiga tēnei e hē ko he tūlāfono tuhituhia, kae ko he feagaiga i te Agaga. Auā ko te tūlāfono tuhituhia e maua ai te oti, kae ko te Agaga e maua ai te ola.

2 Kolinito 6:4

Kae ko nā mea uma e ki mātou faia, e kitea ai ko ki mātou ni kaukauna e a te Atua. Ko ki mātou e onohai pea lava, e ui lava e maua ki mātou i te lahi o puapuagā, fakafītāuli ma lavelave.

Efeho 6:21

Ko Tuhiko, to mātou uho pele ma ko he kaukauna fakamāoni i te gāluega a te Aliki, ka maua ai e koutou nā fakamatalaga uma e uiga ki a te au, kae ke koutou iloa ai te tūlaga e i ei ai au.

Filipi 2:20

Ko ia oioti te tino e tutuha o mā loto, ma e alofa moni atu ki a te koutou.

Filipi 2:22

Ma kua uma te koutou iloa ma fakamāonia ko Timoteo ko he tino fakamoemoegia, e gālulue fakatahi ki māua e vē lava he ataliki ki a te au, i te tālakiga o te Tala Lelei.

Filipi 3:16

Oioti lava te mea, tātou pipiki mau pea ki nā tūlāfono nae mulimuli ki tātou ki ei mai te kāmataga, ke pa mai ki te taimi nei.

Kolohe 2:19

ma kua hē pipiki ai ki a Keliho, te ulu o te Ekalehia. I lalo o te pule a Keliho, ko te tino o te Ekalehia kātoa e fafaga ma tāofi fakatahi e nā hokoga ma nā maho, ma e tupu e vē oi finagalo ki ei te Atua.

Kolohe 3:16

Ko te fekau a Keliho e tatau ke mau i loto ia te koutou, ma fakaaogā te poto ke akoako ma akoaki ai tētahi e tētahi. Lagi nā halamo, nā pehe e uiga ki te ola fakateagaga; pepehe atu ki te Atua ma outou loto fakafetai.

Kolohe 4:7

Ko to mātou uho pele ko Tuhiko, he tino faigāluega fakamāoni, ma ko he uho foki e gālulue fakatahi ki mātou i te gāluega a te Aliki, ka ia kavatua ni tala e uiga ki a te au.

1 Tehalonia 3:2

kae uga atu ia Timoteo, to mātou uho e gālulue fakatahi ki mātou mo te Atua i te folafolaga o te Tala Lelei e uiga ki a Keliho. Kua uga atu e ki mātou ke fakamālohi ma fehoahoani atu ke mautū ai koutou i te fakatuatua,

1 Timoteo 1:10

nā tino fai āmio mātagā, nā tamāloa e nanau ki nā tino o iētahi tamāloa, nā tino e pukea fakamālohi iētahi tino, nā tino tala pepelo ma molimau pepelo, pe faia foki ho he mea e teteke ki ei nā akoakoga moni faka-Kelihiano,

1 Timoteo 4:16

Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

1 Timoteo 6:3

Ko ai lava e ia akoakoa he talitonuga e kehe mai i nā kupu moni a to tātou Aliki ko Iehu Keliho ma nā akoakoga a te tātou talitonuga faka-Kelihiano,

2 Timoteo 1:6

Ko te mea ia e fakamanatu atu ai e au ki a te koe, ke fakaolaola pea lava te meaalofa na fōki atu e te Atua ki a te koe, i te fakaeke atuga o nā lima o oku ki ō luga.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

2 Timoteo 4:3

Auā e hau nā taimi ka hē toe fia fakalogo ai nā tino ki nā akoakoga moni, kae ka mulimuli lava ki o lātou tuinanauga, ma fakamāopoopo ai mo ki lātou lava ni faiakoga ke ki lātou taku akea nā mea e fia fakalogo ki ei o lātou taliga.

Tito 2:1

Tito, e tatau ke akoako e koe nā mea e talafeagai ma te talitonuga faka-Kelihiano.

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

2 Ioane 1:9

Ko ai lava e hē tūmau i nā akoakoga a Keliho, kae fakaopoopo e ia ni mea ki ei, e hē ia te ia te Atua. Ko ai lava e tūmau i nā akoakoga, e ia te ia te Tamana vēnā ma te Ataliki.

Iuta 1:5

E ui lava la kua iloa e koutou nā mea uma iēnei, kae ko au e fofou ke fakamanatu atu ki a te koutou te laveakiga e te Aliki o tagata Ihalaelu mai Aikupito, kae mulimuli ake na fakaumatia e ia nā tino o ki lātou e hēki talitonu.