1 Timoteo 4:3 - Tokelauan New Testament

³ E akoako e ki lātou ko te fakaipoipo ma te kakai ki ni itūkāigā meakai, e hē ni mea e tatau ke fai. Oi ka ko nā meakai uma iēnei na gaohia e te Atua ke kakai ki ei, kāfai kua uma he tatalo fakafetai, nā tino kua talitonu ma iloagia te meamoni.

1 Timoteo 4:3 ပူးပေါင်းရင်းမြစ်များ

Mataio 14:19

Oi fakatonu ai e ia nā tino ke nonofo ki luga o te mutia; oi tago ai ki nā falaoa e lima ma nā ika e lua, kua tepa ake ki te lagi, ma fakafetai ki te Atua. Kua tavaevae e ia nā falaoa ma fōki ki ona hoko ke tufatufa ki tagata.

Mataio 15:11

E hē ko nā mea e fano ki loto o te gutu o he tino te hē mamā ai i nā tu tau tāpuakiga; kae ko te mea e hau ki fafo mai te gutu.”

Mataio 15:36

Oi tago ai ki nā falaoa e fitu ma nā ika, kua fakafetai ki te Atua, oi tavaevae ai e ia ma foki ki ona hoko; oi fakahoa ai e te kau hoko ki te kaifenua.

Luka 24:30

Kua nofo atu ki lalo ia Iehu ke kakai fakatahi ki lātou, oi tago ai ki te falaoa, kua fakafetai ki te Atua, oi tavaevae ai ma fōki ki te toka lua.

Ioane 6:23

Ka ko iētahi vaka mai Tipelia, na tau ake tafapili ki te mea na kakai ai te kaifenua i nā falaoa, ina kua uma te fai o te fakafetai e te Aliki.

Gāluega 27:35

Kua uma atu tana kupu tēnā, oi tago ai ia Paulo ki ni falaoa, kua fakafetai ki te Atua i mua o ki lātou uma, kua tavaevae ma kāmata oi kai.

Loma 14:17

Auā ko te Mālō o te Atua e hē ko nā mea e kai ma nā mea e inu, kae e fakatatau ki te faia o nā mea e fiafia ai te Atua, e fakatatau ki te maua o te ola fīlēmū, e fakatatau ki te maua o te fiafia moni. Ko nā mea uma iēnei e maua mai i te Agaga Paia.

Loma 14:3

Nahe faitio te tino e kai ki ho he mea ki te tino e kai oioti ki nā fuālakau fatoaga; nahe fakamahino foki te tino e kai oioti ki nā fuālakau fatoaga ki te tino e kai ki ho he mea; auā kua talia e te Atua te tino tēnā.

Loma 14:6

Ko nā tino e fakatāua atu e ki lātou he aho e fokotahi, e fai e ki lātou ke vīkia ai te Aliki; ko nā tino e kakai ki ho he mea, e fai e ki lātou ke vīkia ai te Aliki, auā e kavatu e ki lātou te fakafetai ki te Atua mo nā meakai. Ko nā tino e hē kakai ki he itūkāigā meakai, e fai e ki lātou ke vīkia ai te Aliki, ma e kavatu e ki lātou te fakafetai ki te Atua.

1 Kolinito 6:13

E mafai ke lea vē he tino, “Ko nā meakai e mo te manava, ma ko te manava e mo nā meakai.” Io; kae e fakaumatia e te Atua nā mea uma iēnei e lua. Ko te tino o te tagata e hē fakaaogā mo nā āmioga mātagā, kae e fakaaogā ke tautua ai ki te Aliki; ma e fōki mai e Aliki nā mea e tauhi ai te tino.

1 Kolinito 7:28

Kae kāfai koe e fakaipoipo, e hē ko he agahala te mea tēnā; ma kāfai he teine ko hēki fakaipoipo e fakaipoipo, e hē ko he agahala tana mea tēnā e fai. Kae e hili atu toku fofou ke kō puipuia koutou ke nahe maua i nā fakafītāuli ka feagai ma nā tino e fakaipoipo.

1 Kolinito 8:8

Kae e hē fakaleleia e nā meakai to tātou va ma te Atua; e hēai he āfāina kāfai ki tātou e hē kakai ki nā meakai iēnei, oi e hēai foki he āfāina kāfai ki tātou e kakai ki ei.

Kolohe 2:16

Nahe fakataga la e koutou he tino ke ia faia te tonu e uiga ki nā mea e tatau ke kakai ma inu koutou ki ei, pe e uiga ki nā aho paia, pe ki te fakamanatuga o te Māhina Tū Mai, pe ki te Hāpati.

Kolohe 3:17

Ko nā mea uma la e fai e koutou, e tatau ke fai e koutou mo te Aliki ko Iehu, e vē oi fakafetai koutou kui atu ia te ia, ki te Atua te Tamana.

1 Timoteo 2:4

tē e fofou ko tagata uma ke fakaolagia, ma ke ki lātou iloa te meamoni.

1 Timoteo 4:4

Ko nā mea uma lele na gaohia e te Atua e lelei; e hēai he mea e tiakia, kae ko nā mea uma lele e tatau ke talia ma he tatalo o te fakafetai,

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.