1 Timoteo 4:16 - Tokelauan New Testament

¹⁶ Kikila lelei tau āmio ma te faiga o au akoakoga. Fakamālohi oi fai nā mea kua fakatonu atu ai koe e au. Kāfai e fai e koe nā mea iēnei, ka fakaolagia koe e te Atua vēnā ma nā tino e fakalogo atu ki a te koe, e ala i au gāluega.

1 Timoteo 4:16 ပူးပေါင်းရင်းမြစ်များ

Maleko 13:9

“Koutou lava ke kikila lelei. Ko koutou ka puke ma kave ki te fakamahinoga. Ka kini i loto o nā hūnako; ka tutū i mua o nā kōvana ma nā tupu ona ko au, ke fakailoa atu ki a te ki lātou te Tala Lelei.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Gāluega 26:22

Kae e pa mai lava ki te aho nei, e fehoahoani mai lava te Atua ki a te au, ma ko au la e tū atu i kinei ke kavatu taku molimau ki tagata uma, ki nā tino e he tāua ma nā tino e tāua. Ko te mea e lea ai au ko te mea foki lava tēnā e tahi na lea ia Mohe ma te kau pelofeta, e taunuku:

Gāluega 6:4

Kae ke tukutahi lava o mātou taimi ki te tatalo ma te tālakiga o te kupu a te Atua.”

Loma 11:14

kae ke fai ma mea e tupu ai te lotokino i oku tagata, ma mafai ai ke fakaola ni tino o ki lātou.

Loma 16:17

Ko au e fakatagi atu ki a te koutou, oku uho: koutou ke mataala ma tau mamao ma nā tino e fakatupua te fevaevaeaki, ma fai ma fakalavelave ki te fakatuatua o tagata ma teteke ki nā akoakoga kua uma te akoako ai o koutou. Koutou nā fakapipiki ki ei.

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 9:22

I te mea e i ei nā tino e vāivai to lātou fakatuatua, ko au foki e vāivai e vē ko ki lātou, kae ke kō maua ai ki lātou. Oi e fai la e au ho he mea e kō mafaia, kae ke mafai ai oi fakaola ni tino o ki lātou.

1 Kolinito 9:27

E fakamākeke e au toku tino i te tatuki ma pūlea ki toku loto kātoa, nā ia au e fakahala ma tuli kehe ma te tākaloga, tēia kua uma toku kalaga ki iētahi tino ke ōmamai oi tākakalo ai.

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

Kolohe 4:17

Ma lea ki a Alihipo, “Ke mautinoa e uma te gāluega na tuku atu ki a te koe ke tautua ai ki te gāluega a te Aliki.”

1 Tehalonia 2:16

Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

1 Timoteo 1:3

Ko au e fofou ko koe ke nofo i Efeho, e vē lava oi lea atu ai au ki a te koe ka koi faimalaga atu au ki Maketonia. E i ei nā tino i Efeho e akoako e ki lātou ni matākupu hehē, ma e tatau ke fakatonu e koe nā tino iēnei ke tuku loa te lātou mea tēnei e fai.

1 Timoteo 4:15

Fai nā tiute iēnei o koe ma te fakamāoni, kae ke kitea e tagata uma te tuputupu o koe, i te ōlaga faka-Kelihiano.

1 Timoteo 4:6

Kāfai e tuku atu e koe nā fakatonuga iēnei ki nā tino kua talitonu, ka kavea koe ma kaukauna lelei a Keliho Iehu. Ka fakaalia e koe ko koe kua matua i nā akoakoga e uiga ki to tātou talitonuga ma nā takitakiga kua mulimuli koe ki ei.

2 Timoteo 2:10

Ma ko au e onohai i nā mea uma iēnei mo te lelei o nā tino kua filifilia e te Atua, kae ke mafai ai foki ke ki lātou maua te fakaolataga e ala ia Keliho Iehu ma maua ai nā vīkiga e fakavavau.

2 Timoteo 3:14

Kae e vē la ki a te koe, pipiki mau pea lava ki nā mea na akoako ai koe ma kua talitonu lelei koe ki ei. E iloa e koe nā tino na akoakoa koe,

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Tito 1:9

E tatau ke tāofi mau e ia te kupu moni e vē ona akoakogia ai ia, kae ke ia mafaia oi fakaako ia tagata i te talitonuga moni ma fakailoa te hehē o nā tino e teteke ki ei.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Filemoni 1:19

Tēnei ka tuhi e au ki lalo i toku lima: Ko au ko Paulo, ka toe totogi atu e au taku kaitālafu ki a te koe. (E hē tau kō fakamanatu atua foki ko koe e nofo kaitālafu mai ki a te au e ala i tō ōlaga fou ia Keliho.)

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

Iakopo 5:20

ke koutou manatua te mea tēnei: ko ai lava e ia toe kaumaia he tino agahala mai te auala hehē, ka fakahao e ia te agaga o te tino tēnā mai te oti ma ka fai tēnā ma auala e fakamāgalo ai ia agahala e lahi.