1 Timoteo 4:14 - Tokelauan New Testament

¹⁴ Fakaaogā te meaalofa fakateagaga kua ia te koe, na tuku atu e ala i nā kupu a te kau pelofeta, ma i te fakaeke atuga o nā lima o te kau toeaina ki ō luga.

1 Timoteo 4:14 ပူးပေါင်းရင်းမြစ်များ

Gāluega 11:30

Na vēnā lava ona fai e ki lātou, ma na momoli ai te tupe e Panapa ma Haulo, ki nā toeaina o te Ekalehia.

Gāluega 13:3

Kua fakalāina ia tagata o te Ekalehia ma fai talohaga ma fakaeke atu o lātou lima ki luga o te toka lua tēnei, oi uga ai ke olo.

Gāluega 19:6

Na fakaeke atu nā lima o Paulo ki o lātou luga, oi afio ifo ai te Agaga Paia ki o lātou luga; na tautatala ki lātou i nā gagana kehekehe, ma folafola atu e ki lātou te fekau a te Atua.

Gāluega 22:5

E mafai ke fakamāonia e te Ulu Ohitāulaga ma te Taupulega kātoa, te mea tēnei kua lea atu ai au. Na fōki mai e ki lātou ki a te au ni tuhi na tuhi ki nā uho Iutaia i Tamaheko, ma na fano ai au ki kinā ma toku fakamoemoe ke puke e au nā tino iēnei ma noanoa, oi kaumai ai ki Ieluhalema ke fai ai o lātou fakahalaga.

Gāluega 6:6

Kua tuku atu ki lātou iēnei e te fakapotopotoga ki te kau apohitolo, oi tatalo ai te kau apohitolo ma fakaeke atu ki ei o lātou lima.

Gāluega 8:17

Oi fakaeke atu ai nā lima o Petelu ma Ioane ki o lātou luga, ma na ki lātou maua ai te Agaga Paia.

1 Tehalonia 5:19

Nahe koutou tāofiofia te Agaga Paia;

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 4:15

Fai nā tiute iēnei o koe ma te fakamāoni, kae ke kitea e tagata uma te tuputupu o koe, i te ōlaga faka-Kelihiano.

1 Timoteo 5:17

Ko nā takitaki toeaina e lelei te faiga o a lātou gāluega, e tatau ke fakaluaina o lātou totogi e maua, kae maihe lava ki lātou e gālulue fītā i te lāuga ma te akoako atu.

1 Timoteo 5:19

Nahe taliagia he mōliaga o he takitaki toeaina, heiloga e fakamāonia e ni molimau e toka lua pe hili atu.

1 Timoteo 5:22

Nahe vavevave oi fakauta ō lima ki luga o nā tino ke fakapaia mo te gāluega a te Aliki, pe kau fakatahi i te agahala a he tino; kae e tatau koe ke mamā i taimi uma.

1 Timoteo 6:12

Vili mālohi i te tūkuga o te fakatuatua, ma ke maua e koe te fakailoga ko te ola e fakavavau; auā e mo te ōlaga tēnei na kalagagia ai koe e te Atua, i te faiga o te takutinoga o tō fakatuatua i mua o nā molimau e tokalahi.

2 Timoteo 1:6

Ko te mea ia e fakamanatu atu ai e au ki a te koe, ke fakaolaola pea lava te meaalofa na fōki atu e te Atua ki a te koe, i te fakaeke atuga o nā lima o oku ki ō luga.