1 Timoteo 4:12 - Tokelauan New Testament

¹² Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

1 Timoteo 4:12 ပူးပေါင်းရင်းမြစ်များ

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

1 Kolinito 11:1

Fakatakitaki mai la ki a te au, e vē oi fakatakitaki au ki a Keliho.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

1 Tehalonia 1:6

Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

1 Tehalonia 2:10

Ko koutou a mātou molimau vēnā ma te Atua, ko a mātou faiga nae fai ki a te koutou tagata Kelihiano, nae mamā lava ma hako, ma hēai he mea na hehē ai.

1 Timoteo 1:14

Na fakatumulia au i te alofa tūnoa o to tātou Aliki ma ia fōki maia ki a te au te fakatuatua ma te alofa, e ala i te māfutaga ma Keliho Iehu.

2 Timoteo 2:15

Taumafai ki mea e gata mai ai tō mafai ke talia kātoatoa koe i mua o te Atua, e vē he tino faigāluega e hē mā i tana gāluega, ma e akoako hako e ia te kupu moni a te Atua.

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

2 Timoteo 2:7

Māfaufau ki nā mea e lea atu ai au, auā ka fehoahoani te Aliki ke fakamālamalama atu ki a te koe nā mea uma iēnei.

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Tito 2:7

E tatau koe ke kavea ma fakatakitakiga ki tagata i taimi uma lava, e tuha ai ma te faiga o nā gāluega lelei. E tatau koe ke fakamāoni ma loto naunau lahi i au akoakoga e fai.

Iakopo 3:13

Ko ai te tino o koutou e poto ma mālamalama? E tatau ke ia fakamāoniagia e ala i tona ōlaga lelei, ma ana gāluega lelei e fai i te loto maulalo ma te poto.

Iakopo 3:17

Kae ko te poto mai te lagi e mamā, ma e fakatupuagia te fīlēmū, te agamalū ma te loto fiafia; e tumu i te tīgā alofa ma e fua mai ai nā fua o nā gāluega lelei e lahi; e hē i ei he loto kino ma hē fakagutugutulua.

1 Petelu 5:3

Nahe koutou taumafai ke pule mālohi ki nā tino e koutou kikilagia, kae taumafai ke fai koutou ma fakatakitakiga ki te lafu māmoe.