1 Timoteo 3:8 - Tokelauan New Testament

⁸ Ko nā tiākono e tatau foki ni tino e āmio lelei ma e fakamāoni; e hē fiafia inu lahi ki te uaina pe mānumanu ki te tupe;

1 Timoteo 3:8 ပူးပေါင်းရင်းမြစ်များ

Loma 3:13

Ko o lātou gutu e vē ko he tugamau e matala; e fakaaogā o lātou laulaufaiva e fakahehē ai, ma o lātou laugutu e fakamātakutaku e vē ko te kona o te gata;

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

1 Timoteo 3:12

Ko te tiākono e tatau ke fokotahi oioti tana āvaga, ma ia mafaia oi kikila lelei tana fānau ma tona kāiga.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

1 Timoteo 3:3

e hē ko he tino e fiafia oi inu lahi ma konā, e hē fakahāuā kae e agamalū ma tauhi ki te fīlēmū, e hē mānumanu ki te tupe;

1 Timoteo 5:23

Nahe kē inu oioti ki te vai, kae inu foki hina uaina taigole ke fehoahoani ki tō manava, auā koe e tauale ho.

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

Iakopo 3:10

Ko nā kupu e fakafetai ai ma nā kupu e fetū ai, e hau ki fafo mai te gutu e fokotahi. Oku uho, ko te mea tēnei e hē tatau ke tupu!

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.