1 Timoteo 3:7 - Tokelauan New Testament

⁷ E tatau ko he tino e fakaaloalogia e nā tino e hē i loto o te Ekalehia, kae ke nahe takuvalea ai ia ma pakū ai ki loto o te māilei a te Tiāpolo.

1 Timoteo 3:7 ပူးပေါင်းရင်းမြစ်များ

Maleko 4:11

Kua tali atu ia Iehu ki a te ki lātou, “Kua uma te fakailoa atu ki a te koutou te mealilo e uiga ki te Mālō o te Atua, kae ko iētahi tino, e iloa oioti e ki lātou nā mea uma e ala i nā talafakatuha

Gāluega 10:22

Kua tali mai ki lātou, “Ko ki mātou na uga mai e Konelio te Takitaki o he Toka Helau fitafita. Ko he tino lelei e tāpuaki ki te Atua ma e taku leleia e tagata Iutaia uma. Na fakatonu e he agelu a te Atua ke valakaulia koe ki tona fale, kae ke mafai ke fakalogo ia ki nā mea e tautala ai koe.”

Gāluega 22:12

“Nae i te kakai tēnā he tino e igoa ki a Anania, he tino lotu nae uhiuhitaki ki te tātou Tūlāfono, ma nae fakaaloalogia lahi lele e nā tino Iutaia e nonofo i kinā.

Gāluega 6:3

Ko te mea ia te kau uho, filifili mai ko ni tino o koutou e toka fitu ke ki lātou faia te gāluega tēnei. Ni tino kua fakamoemoegia ma e iloa e tagata kua fakatumulia ki lātou i te Agaga Paia ma i te poto.

1 Kolinito 10:32

Nahe koutou faia he mea e tauhūai ai nā tino Iutaia pe ko tagata nukukehe pe ko te Ekalehia a te Atua.

1 Kolinito 5:12

Auā he ā nei taku fekau e fakamahino ai e au nā tino i fafo ma e hē i loto o te Ekalehia? E hē ko nā tino nei i loto o te Ekalehia te tatau ke koutou fakamahinoa?

2 Kolinito 6:3

Ko ki mātou e hē fofou ke faitio he tino ki a mātou gāluega, oi e hē faitiogia foki la e ki mātou he gāluega a he tino.

2 Kolinito 8:21

Ko te mea e fofou ki mātou ki ei, ke fai te mea e hako, e hē gata i te hilafaga a te Aliki, kae vēnā foki i te kikila a tagata.

Kolohe 4:5

Ke koutou iloa oi fai te koutou āmio i te va feagai ma tagata hē talitonu, ma ke fakaaogā lelei nā avanoa vēnā.

1 Tehalonia 4:12

Kā koutou faia nā mea tēnei, ka fakaaloalo atu ai foki ki a te koutou nā tino e hē talitonu ki te Atua, ma ka hē toe fakalagolago ai foki koutou ki he tino, e tuha ai ma nā mea e manakomia e koutou.

1 Tehalonia 5:22

kae kalo kehe mai nā mea kino uma.

1 Timoteo 3:6

E tatau ko he tino kua matua i te fakatuatua, auā e i nā ka fefete tona loto i te fāfia ma fakahalagia ai, e vē ko te fakahalaga o te Tiāpolo.

1 Timoteo 5:14

Ko au la e fofou ko nā fafine tamaiti kua oti a lātou tāne, ke āvavaga ma fai ni a lātou fānau, ma kikila lelei o lātou kāiga, kae ke nahe i ei ai he avanoa ke fai mai ai ni tala fakakino e nā tino e fili ki a te ki tātou.

1 Timoteo 6:9

Kae ko nā tino e fofou ke lahi ni a lātou koloa, e maua ki lātou i nā fakaohoohoga ma lave i te māilei a nā tuinanauga valea e fakakino ai ki lātou, ma toho ai ki lalo ki te mea e fakatāugā ma fakaumatia ai ki lātou.

2 Timoteo 2:26

ma ka mafai ki lātou ke hōhola kehe mai te māilei a te Tiāpolo, tē na ia pukea ki lātou ke mulimuli ake ki te mea e fofou ia ki ei.

Tito 2:5

ke ola pūlea ma mamā, ma ke kavea ma āvaga lelei i te kikilaga o te kāiga ma uhitaki ki a lātou tāne, kae ke nahe takukinoa ai te fekau e hau mai te Atua.

Tito 2:8

Tautala i nā kupu mamā kae ke nahe faitiogia ai koe e he tino. I te faiga tēnei, ka hē mafai ai e nā tino e fai koutou ma o lātou fili oi fai ni kupu ke teteke mai ai ki a te ki tātou ma ka lagona ai lava e ki lātou te māhiahi.

3 Ioane 1:12

E tutuha lelei lava nā molimau a nā tino ki te lelei o Temetilio; e molimau foki lava te meamoni ki a te ia. Ma e fakaopoopo foki ki ei ma ta mātou molimau, ma e iloa lelei e koe ko te mea e lea ai ki mātou e hako.