1 Timoteo 3:6 - Tokelauan New Testament

⁶ E tatau ko he tino kua matua i te fakatuatua, auā e i nā ka fefete tona loto i te fāfia ma fakahalagia ai, e vē ko te fakahalaga o te Tiāpolo.

1 Timoteo 3:6 ပူးပေါင်းရင်းမြစ်များ

Luka 10:18

Kua tali atu ia Iehu, “Na kō kitea te pakū ifoga o Hātani mai te lagi e vē ko te napa a te uila.

1 Kolinito 3:1

Ko te meamoni, oku uho, e hēki kō mafaia oi tautala atu ki a te koutou e vē oi tautala au ki nā tino kua ia te ki lātou te Agaga; nae tautala atu au ki a te koutou, ko koutou ni tino e o te lalolagi, ni fānau e i loto o te talitonuga faka-Kelihiano.

1 Kolinito 8:1

E vē ko te mea na tuhi mai ai koutou e uiga ki nā meakai kua ofo atu mo nā tupua: E hako e “ia te ki tātou uma te mālamalama,” e vē oi lea ai ki lātou. Ka ko he mālamalama vēnā, e fefete ai he tino i te fāfia; kae ko te alofa, e fakatau fehoahoani ai tētahi ki tētahi.

2 Kolinito 12:7

Kae ke tāofiofi ai au ke nahe hona mimita ona ko te lahi o nā mea mānanaia na kitea e au, na tuku mai ai ki toku tino he tauale tīgāina, ke galue e vē he kavefekau e a Hātani, ke fai ma fakahoehā ma ke nahe hona fiafia ai au.

1 Timoteo 3:7

E tatau ko he tino e fakaaloalogia e nā tino e hē i loto o te Ekalehia, kae ke nahe takuvalea ai ia ma pakū ai ki loto o te māilei a te Tiāpolo.

1 Timoteo 6:4

kua fefete i te fāfia kae e hē ia iloa he mea e fokotahi. E fiafia oi fakavevehi ma fai fīnauga ki te uiga o nā kupu, ma fakatupu ai te lotokino, te tauaimiha, te tau fakakino, te māhalohalo kino,

2 Timoteo 3:4

ka hē fakamāoni, hē manatunatu lelei, ma tumu i te mimita; ka fiafia atu ki fiafiaga o te ōlaga i lo ki te Atua;

1 Petelu 2:2

Ke vē koutou ni pepe fātoā fānanau mai, e fia inu pea lava ki te huhu mamā fakateagaga, kae ke tutupu ake ai koutou ma fakaolagia ona ko koutou e inu ki ei.

1 Petelu 5:5

E vēnā foki koutou te tupulaga, e tatau koutou ke uhitaki lelei ki toeaina. Ma e tatau koutou uma ke maua i te loto maulalo ma fehoahoani tētahi ki tētahi, e vē oi lea mai te tuhituhiga paia, “Ko te Atua e teteke ki nā tino fakamaualuga, kae alofa ki nā tino loto maulalo.”

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.

Iuta 1:6

Ke manatua e koutou ko nā agelu e hēki tauhihi ki te tūlaga e gata mai ai te pule na tuku ake ki a te ki lātou e te Atua, na tīaki e ki lātou to lātou nofoaga tōtino; kua fakatonu e te Atua ke haihai ki lātou i ni filifili ke pa ki te fakavavau i te pōgihā i lalo, te mea e tuku ai lava ki lātou ke pa ki te fakamahinoga i te Aho lahi.