1 Timoteo 3:11 - Tokelauan New Testament

¹¹ Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Timoteo 3:11 ပူးပေါင်းရင်းမြစ်များ

Mataio 4:1

Oi tataki ai ia Iehu e te Agaga ki te vao ke fakaohooho e te Tiāpolo.

Ioane 6:70

Kua tali atu ia Iehu, “Na kō filifilia te koutou toka hefulu lua? Kae ko tētahi o koutou, ko he tiāpolo.”

Loma 1:29

Kua tumu ki lātou i ho he itūkāigā uiga hē lelei, ko te āmio kino, ko te manako lahi ma te fai o nā āmio mātagā; e tumu i te loto kino, te tāmate tino, te tauaimiha, te talapepelo ma te tau fakakino. E faitatala

1 Timoteo 1:12

Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

1 Timoteo 6:2

Ko nā pologa ni Kelihiano o lātou matai, e hē tatau ke feita ki o lātou matai ona ko ki lātou uma ni uho a Kelihiano. Kae e tatau ke hili atu ona lelei te lātou tautua, ona ko nā tino e manuia ia lātou gāluega, ko nā uho a Kelihiano foki lava e alolofa ki lātou ki ei. E tatau ke akoako ma fakamālohia e koe nā tiute iēnei.

2 Timoteo 3:3

ka hē loto alolofa, hē loto fakamāgalo, ka tau fakakino, ka fakahāuā, ma hē pūlea; ka feita ki nā mea lelei;

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Tito 2:3

Ke vēnā foki oi fakatonu e koe ia fafine mātutua ke vē a lātou āmio ko nā āmio a ni fafine kua ola i he ōlaga kua fakapaiagia. Nahe faitala tau fakakino pe fai ma pologa a te uaina. E tatau ke akoako e ki lātou nā mea e lelei,

Tito 3:2

Lea ki ei ke nahe ki lātou tautatala i ni kupu kino ki ho he tino, kae ke nonofo fīlēmū ma fealofani, ma ke fakaaloalo ki tagata uma.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.