1 Timoteo 3:1 - Tokelauan New Testament

¹ Ko te fakakupuga tēnei e hako: Kāfai he tino e fofou ke kavea ia ma takitaki o he Ekalehia, ko tona uiga e naunau ke ia faia he gāluega e lelei.

1 Timoteo 3:1 ပူးပေါင်းရင်းမြစ်များ

Luka 15:10

E lea atu au ki a te koutou, ka fiafia lahi ia agelu a te Atua, ona ko he tino agahala e fokotahi kua halamō.”

Gāluega 1:20

“Auā e tūhia i te tuhi o te Halamo, ‘Ke fakagaogaogia tona fale; ke nahe i ei lele he tino e nofo ai.’ E tūhia foki vēia, ‘Ke i ei he tino ke ia hui ia i tana gāluega.’

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Loma 11:13

Ko au e tautala atu i te taimi nei ki a te koutou tagata nukukehe. Ona ko au ko he apohitolo ki tagata nukukehe, ko au e fāfia lahi i taku gāluega,

Efeho 4:12

Na fai e ia te mea tēnei ke hāunia ai ia tagata uma o te Atua mo nā gāluega faka-Kelihiano, kae ke ati ake ai te tino o Keliho.

Filipi 1:1

Mai ia Paulo ma Timoteo, nā kaukauna a Keliho Iehu — Ki nā tino uma o te Atua i Filipi e i te māfutaga fakatahi ma Keliho Iehu, vēnā ma nā takitaki o te Ekalehia ma nā tino fehoahoani:

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

1 Timoteo 1:15

Ko he fakakupuga tēnei e hako, ma e tatau ke talia kātoatoa ma talitonu ki ei: Ko Keliho Iehu na haele mai ki te lalolagi ke fakaola nā tino agahala. Ma ko au te tino agahala e hili atu te kino,

1 Timoteo 4:9

Ko he fakakupuga tēnei e hako lelei lava, ma e tatau ke talia kātoatoa.

2 Timoteo 2:11

Ko te fakakupuga tēnei e moni: “Kāfai ki tātou kua oti fakatahi ma ia, ko ki tātou foki ka ola fakatahi ma ia.

Tito 1:7

Auā ko te takitaki o he Ekalehia e kikila e ia te gāluega a te Atua, ma e tatau ke lelei tana āmio. E hē tatau ke fakamaualuga pe māitaita, pe konā, pe fakahāuā, pe maetupe.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

Epelu 12:15

Tautuanā e hēai he tino e liliu kehe mai te alofa tūnoa o te Atua. Nahe i ei lele he tino e vē he lākau kona e tupu ake ma fai ma fakafītāuli ona ko tona kona.

1 Petelu 2:25

Auā ko koutou nae vē ni māmoe na gagalo, kae nei kua toe kaumai koutou ke mulimuli ki te Leoleomāmoe, tē e kikilagia ma puipuia nā mea uma e lelei i loto ia te koutou.

1 Petelu 4:15

Kae nahe i ei lele he tino o koutou e puapuagā ona kua tāmate tino, pe kua kaihohoa, pe kua holi tūlāfono, pe kua tautala tauanoa ki nā mea a iētahi tino.

1 Petelu 5:2

ke kavea koutou e vē ni leoleomāmoe ma tauhi te lafu māmoe a te Atua kua tuku atu ke koutou kikilagia. Ke koutou faia te mea tēnei ma te loto kātoatoa e vē ona fofou ki ei te Atua, kae nahe faia ma he loto hē kātoatoa. Ke kavea tautou tautua ko he mea e fofou moni koutou ke koutou faia, kae nahe vē ko he mea ke maua ai ni autou tupe.