1 Timoteo 2:7 - Tokelauan New Testament

⁷ Ko te mea ia na tōfia ai au ma apohitolo vēnā ma faiakoga mo tagata nukukehe, ke kō folafola atua te akoakoga moni e uiga ki a Iehu. Ko au e hē pepelo; ko au e lea atu i te meamoni!

1 Timoteo 2:7 ပူးပေါင်းရင်းမြစ်များ

Ioane 7:35

Kua fakataufai nā takitaki o Iutaia ma lea vē, “Ko fea nei te mea ka fano ki ei te tagata nei kae ke nahe maua ai ia e ki tātou? E i na ka fano nei ki nā kakai i Eleni, nā mea kua takape ki ei o tātou tagata, ma akoako atu ki nā tino e nonofo ai.

Gāluega 14:27

Kua pa atu ki lāua ki Anitioka, oi fakapotopoto ai e ki lāua ia tagata o te Ekalehia, ma fakamatala ai ki ei nā mea na fai e te Atua ki a te ki lāua, ma te auala na ia hāuniagia ke mafai ai ia tagata nukukehe ke talitonu.

Gāluega 22:21

Oi vāgana mai ai te Aliki ki a te au, ‘Fano loa, auā ko koe ka uga kehe e au ke fano ki he mea mamao ki nā tino nukukehe.’ ”

Gāluega 26:20

Muamua i Tamaheko ma Ieluhalema ma vēnā i te fenua kātoa ko Iutea, ma i nā mea e nonofo ai ia tagata nukukehe, na folafola e au ko ki lātou e tatau ke halamō ia lātou agahala ma liliu ki te Atua, ma ke fakatino e ki lātou nā mea e fakailoa ai to lātou halamō moni.

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 1:9

E molimau te Atua ko te mea e lea atu ai au e moni — te Atua e tautua au ki ei ma toku loto kātoa, e ala i te tālaki atu e au o te Tala Lelei e uiga ki tona Ataliki. E iloa e te Atua ko koutou e kō manatua pea lava

Loma 10:14

Kae e kālalaga vēhea ake ki lātou ki a te ia mo he fehoahoani, pe kāfai ko hēki talitonu ki lātou? E talitonu vēhea ake ki lātou, pe kāfai ko hēki fakalogo ki lātou ki te fekau? Ma, e lagona vēhea ake e ki lātou te fekau, pe kāfai te fekau ko hēki folafolagia?

Loma 11:13

Ko au e tautala atu i te taimi nei ki a te koutou tagata nukukehe. Ona ko au ko he apohitolo ki tagata nukukehe, ko au e fāfia lahi i taku gāluega,

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 9:1

Ko au e tautala i te meamoni; ko au e a Keliho ma ko au e hē pepelo. Ko te Agaga Paia tē e pūlea toku lotofuatia, e ia fakamāonia foki ko au e hē pepelo

1 Kolinito 9:1

E hē ia te au nei te haolotoga? E hē ko au nei he apohitolo? E hēki kō kitea nei ia Iehu to tātou Aliki? E hē ko koutou nei kua vēnā ona ko taku gāluega mo te Aliki?

2 Kolinito 11:31

Ko te Atua ma te Tamana o te Aliki ko Iehu — ke fakamanuia tona igoa ke pa ki te fakavavau — e ia iloa ko au e hē pepelo.

Kalatia 1:16

fakailoa mai tona Ataliki ki a te au kae ke mafai ai e au oi tālaki te Tala Lelei a uiga ki a te ia ki tagata nukukehe, e hēki hakili fehoahoani au ki he tino,

Kalatia 1:20

Ko te mea tēnei kua tuhi atu ai au, e moni lava. E iloa e Atua ko au e hē tala pepelo.

Kalatia 2:16

Kae e iloa e ki tātou, oioti lava te auala e mafai ai he tino ke fakalelei tona va ma te Atua, ko te fakatuatua ki a Iehu Keliho, ka e hē ko te faia o nā mea e leamai ai te Tūlāfono na kui mai ia Mohe. Ko ki tātou foki la kua talitonu ki a Keliho Iehu, kae ke fakalelei ai to tātou va ma te Atua e ala i to tātou fakatuatua ki a Keliho, kae hē ona e fai e ki tātou nā mea e leamai ai te Tūlāfono. Auā e hēai he tino e mafai ke fakaleleia tona va ma te Atua e ala i te mulimuli ki nā mea e leamai ai te Tūlāfono.

Kalatia 2:9

Ko Iakopo, ma Petelu ma Ioane, e vē ko ki lātou lava iēnei ko nā takitaki, na iloa e ki lātou ko te gāluega fakapitoa tēnei na fōki mai e te Atua ki a te au; ma na fakamautū ta mātou māliliega ke gālulue fakatahi, i te fakatālofa o ki māua ma Panapa ki ei. Na mālilie fakatahi ki mātou ko ki māua ma Panapa ke gālulue mo tagata nukukehe, kae gālulue ki lātou mo tagata Iutaia.

Kalatia 3:9

Ko Apelaamo na talitonu ma na fakamanuiagia; ko ki lātou uma la e talitonu, e fakamanuia foki e vē ko Apelaamo.

2 Timoteo 1:11

Kua tōfia au e te Atua ke tālaki te Tala Lelei ma ke kavea ma apohitolo vēnā foki ma faiakoga,

2 Petelu 2:5

E hēki fakahaoa e te Atua te lalolagi i nā aho anamua, kae na ia kaumaia te lolo ki te lalolagi o tagata hē mātataku i te Atua; oioti lava nā tino na fakahao e ia ko Noa, tē nae ia tālakia ki tagata ke ola e tuha ai ma te finagalo o te Atua, fakatahi ai ma iētahi tino e toka fitu.