1 Timoteo 2:5 - Tokelauan New Testament

⁵ Auā e fokotahi te Atua, ma fokotahi tē e maua ai te hokotaga i te va o te Atua ma tagata, ko Keliho Iehu tēnā,

1 Timoteo 2:5 ပူးပေါင်းရင်းမြစ်များ

Mataio 1:1

Ko te tuhi tēnei o te gafa o Iehu Keliho, na tupuga mai ia Tavita, ma ko Tavita na tupuga mai ia Apelaamo.

Mataio 1:23

“Ka to he taupou ma fānau mai e ia he tama, ka fakaigoa e ki lātou ki a Emanuelu” (ko tona uiga “Ko te Atua e fakatahi ma ki tātou”).

Luka 14:22

Ma kua lea atu te kaukauna, ‘Te aliki, ko te mea na fakatonu mai e koe, kua uma te fai, kae koi i ei lava nā avanoa.’

Ioane 1:14

Na liu tino tagata te Kupu ma nae mau fakatahi ma ki mātou, ma tumu i te alofa tūnoa ma te fakamāoni. Na kikila ki mātou ki tona mamalu, te mamalu o te Ataliki e tokatahi o te Tamana.

Ioane 17:3

Ma ko te uiga o te ola fakavavau, ko te iloa o koe, te Atua moni e tokatahi, ma te iloa o Iehu Keliho, tē na uga mai e koe.

Gāluega 4:12

Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

Loma 10:12

Ko te mea tēnei e aofia ai ia tagata uma, auā e hēai he mea e kehekehe ai ia tagata Iutaia ma tagata nukukehe; ko te Atua ko te Aliki ia e tahi o tagata uma, ma e ia kavatua nā fakamanuiaga e lahi mo ki lātou uma e kālalaga atu ki a te ia.

1 Kolinito 8:4

Ko te mea ia, e vē ki te kakai ki nā meakai kua ofo mo nā tupua; e ki tātou iloa ko te tupua e hēai hona ola; e ki tātou iloa e fokotahi oioti lava te Atua.

1 Kolinito 8:6

kae mo ki tātou, e fokotahi oioti lava te Atua, ko te Tamana, na ia gaohia ia mea uma, ma ko ki tātou e ola mo ia; ma e fokotahi oioti lava te Aliki, ko Iehu Keliho, e ala ia te ia na gaohiga ai ia mea uma, ma e ala ia te ia kua ola ai ki tātou.

Kalatia 3:20

Ma e hē manakomia he hokotaga pe kāfai e fokotahi oioti te tino; ma e fokotahi oioti lava te Atua.

Efeho 4:6

e tahi te Atua ma te Tamana o ki tātou uma, ko ia te Aliki o tagata uma, e galue i loto o tagata uma, ma e i loto o mea uma.

1 Timoteo 6:13

I mua o te Atua, tē e ia fōkia te ola ki mea uma, ma i mua o Keliho Iehu, tē na takutino tona fakatuatua i mua o Ponitiō Pilato, ko au e lea vēnei atu

Epelu 12:24

Ko koutou kua ōmamai ki a Iehu, tē na ia tapenagia te feagaiga fou, ma ki te toto fakamaligi e maua ai nā mea e hili atu te lelei i lo te toto o Apelu.

Epelu 7:25

Ma e ia mafaia la, i te taimi nei ma taimi uma, ke fakaola ki lātou e ōmamai ki te Atua kui ia te ia, auā ko ia e ola pea ke pa ki te fakavavau, ke fautua ki te Atua mo ki lātou.

Epelu 8:6

Kae nei, kua tuku atu ki a Iehu ke faia te gāluega ohitāulaga, ma e hili lele atu te tāua o tana gāluega i lo nā gāluega a iētahi ohitāulaga, e vē foki lava oi hili lele atu te tāua o te feagaiga na ia faia i te va o te Atua ma ona tagata, ona e fakavae i luga o nā folafolaga mo nā mea e hili atu te lelei.

Epelu 9:15

Ko Keliho la te na fautua ke i ei he feagaiga fou, kae ke mafai ai ke maua ki lātou kua filifilia e te Atua, te fakamanuiaga e fakavavau kua uma te ia folafolagia. E mafai te mea tēnei ke tupu, auā ko Keliho na mate ma ko tona mate, e fakahaoloto ai ia tagata mai o lātou hehē i te taimi o te feagaiga muamua.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.

Fakaaliga 1:13

ma i te mea e i ei nā tugāmōlī, nae i ei ai he mea e vē he tagata ola, e kofu i he kofu tatao loloa e tau ki ona tapuvae, ma he fuhipaku aulo e fuhi ai tona fatafata.