1 Timoteo 2:1 - Tokelauan New Testament

¹ Ko te mea muamua la, ko au e aioi atu ko koutou ke ole atu ki te Atua mo nā manakoga o tagata uma, ke tatalo mo iētahi tino ma tatalo ma hui o ki lātou, ma ke fakafetai ki te Atua mo tagata uma,

1 Timoteo 2:1 ပူးပေါင်းရင်းမြစ်များ

Gāluega 17:30

Kua hē toe taua e te Atua nā aho nae hē iloa ai ia e tagata, kae i te taimi nei, kua fakatonu e ia ia tagata uma i ho he koga o te lalolagi, ke liliu kehe mai o lātou uiga kino.

Loma 1:8

Muamua, ko au e fakafetai ki toku Atua mo koutou uma lele e ala ia Iehu Keliho, auā ko te koutou fakatuatua kua iloa e te lalolagi kātoa.

Loma 6:17

Kae fakafetai ki te Atua, auā e ui lava nae i ei he taimi na fai ai koutou ma pologa a te agahala, ka kua uhitaki koutou ma te loto kātoatoa ki te tūlaga o nā akoakoga na maua e koutou.

1 Kolinito 15:3

Na kō tuku atua ki a te koutou te mea na kō maua, ko te mea ia e pito hili te tāua; ko Keliho na oti mo a tātou agahala, e vē oi tūhia i nā Tuhituhiga Paia;

2 Kolinito 8:6

Ko te mea ia kua fakamālohi ai ki mātou ki a Tito, ona na ia kamatagia te gāluega tēnei, ke fakaauau pea ma ke fehoahoani atu ki a te koutou ke fakauma te gāluega lelei na ia kamatagia.

Efeho 3:13

Ko te mea ia e lea atu ai au ki a te koutou, ia koutou nahe fakavāivai ona ko au e maua i puapuagā mo koutou; ko te mea tēnei e mo te manuia o koutou.

Efeho 5:20

Ke fakafetai pea lava koutou ki te Atua te Tamana mo nā mea uma lele, i te igoa o to tātou Aliki ko Iehu Keliho.

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Filipi 1:3

Ko au e fakafetai ki toku Atua i nā taimi uma e māfaufau ai au ki a te koutou;

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

1 Tehalonia 3:12

Ke fakatupu pea lava e te Aliki te alofa o tētahi ki tētahi, ma ki tagata uma, ke vē ko te lahi o to mātou alofa mo koutou.

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

1 Timoteo 2:4

tē e fofou ko tagata uma ke fakaolagia, ma ke ki lātou iloa te meamoni.

1 Timoteo 5:5

Ko he fafine kua oti tana āvaga e nofo tautahi ma hēai he tino e ia tauhiagia, kua tukutahi tona fakamoemoe ki te Atua, ma e tatalo pea lava i te ao ma te pō, mo he fehoahoani.

2 Timoteo 2:24

Ma ko te kaukauna a te Aliki e hē tatau ke fai fīnauga, kae e alofa ki ho he tino, ma ko he faiakoga lelei ma lava te onohai,

Tito 2:11

Auā kua fakaalia e te Atua tona alofa tūnoa e ala i te fakaolataga kua ia hāunia mo tagata uma.

Tito 3:2

Lea ki ei ke nahe ki lātou tautatala i ni kupu kino ki ho he tino, kae ke nonofo fīlēmū ma fealofani, ma ke fakaaloalo ki tagata uma.

Epelu 6:11

Ko te mea e pito hili ona fofou ki mātou ki ei, ke mafai ke tūmau pea te koutou loto naunau ke pa ki te ikuga, kae ke mafai ai ona fakataunuku nā mea e fakamoemoe koutou ki ei.

Iakopo 5:16

Ko te mea ia, e tatau ke fakamāhani koutou i te takutaku atu o agahala a tētahi ki tētahi ma tatalo tētahi mo tētahi, kae ke mālōlō ai koutou. Ko te tatalo a te tino lelei, e mālohi ma e fehoahoani lahi lele ki a te ia.