1 Timoteo 1:5 - Tokelauan New Testament

⁵ Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

1 Timoteo 1:5 ပူးပေါင်းရင်းမြစ်များ

Mataio 12:35

Ko te tino lelei, e fakaputu i tona loto nā mea lelei e vē ni koloa tāua, ma e tautala i nā kupu lelei mai te lahi o te lelei i tona loto; ko te tino kino e fakaputu i tona loto nā mea kino e vē ni koloa kino, ma e tautala i nā kupu kino mai te lahi o te kino i tona loto.

Mataio 5:8

Amutia nā tino e loto mamā; auā ka kitea e ki lātou te Atua!

Gāluega 15:9

E hēki fakakehekehea e ia ki tātou ma ki lātou; na fakamāgalo e ia a lātou agahala ona kua talitonu.

Gāluega 23:1

Na kikila hako lava ia Paulo ki te Taupulega ma lea vē atu ki ei, “Te kau uho! Ko toku lotofuatia e mamā lele e tuha ai ma te ōlaga kua ola ai au i mua o te Atua, ke pa mai lava ki te aho nei.”

Gāluega 24:16

Ma ko au la e taumafai i taimi uma ki te mea e gata mai ai toku mafai, ke mamā toku lotofuatia i mua o te Atua ma tagata.

Loma 10:4

Auā ko Keliho te kua ia fakaumagia te Tūlāfono, kae ke mafai ai e ho he tino kua talitonu, ke fakalelei e te Atua tona va ma ia.

Loma 12:9

Ko te alofa e tatau ke kātoatoa te moni. Inoino ki te mea e kino, tāofi mau ki te mea e lelei.

Loma 14:15

Kāfai e i ei ni uho Kelihiano e āfāina ona ko nā meakai e kai ai koe, ko tona uiga kua hē fakavaea nā mea a koe e fai i luga o te alofa. Nahe kavea nā mea e kai koe ki ei, ma mea e āfāina lele ai he tino na maliu ia Keliho mo ia!

Loma 9:1

Ko au e tautala i te meamoni; ko au e a Keliho ma ko au e hē pepelo. Ko te Agaga Paia tē e pūlea toku lotofuatia, e ia fakamāonia foki ko au e hē pepelo

1 Kolinito 13:1

Kāfai au e tautala i gagana a tagata ola ma agelu kae e hē ia te au te alofa, ko taku lāuga e hēai he mea e kehe ai ma te pakē o he lali pe ko te tatagi o he logo.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

1 Timoteo 1:18

Timoteo, toku ataliki, e tuku atu e au te fakatonuga tēnei ki a te koe, e tuha ai ma nā kupu o te vāloaga i nā aho kua teka e uiga ki a te koe. Fakaaogā nā kupu iēnā ma meatau, ke tau ai te taua lelei,

1 Timoteo 1:19

ma tāofi mau ki te fakatuatua ma te lotofuatia e mamā. Ko iētahi tino kua hē fakalogo ki o lātou lotofuatia, ma kua fakahēaogā ai e ki lātou to lātou fakatuatua.

1 Timoteo 3:9

e tatau ki lātou ke pipiki mau ki te meamoni kua fakaalia e uiga ki te talitonuga, ma te lotofuatia e mamā.

2 Timoteo 1:3

Ko au e fakafetai ki te Atua, tē e kaukauna au ki ei ma te lotofuatia e mamā e vē ona faia e oku tupuna, ma e manatua pea lava koe i aku tatalo i te pō ma te ao.

2 Timoteo 1:5

E manatua e au te moni o tō fakatuatua, te itūkāigā fakatuatua nae ia Loihe te mātua o tō mātua, ma Eunike tō mātua. E mautinoa e au koi tūmau lava koe i te tūlaga tēnā.

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

Tito 1:15

E mamā lava nā mea uma ki a te ki lātou e loto mamā; kae e hēai he mea e mamā ia te ki lātou e kino ma hē talitonu, auā ko o lātou māfaufau ma o lātou lotofuatia kua hē mamā.

Epelu 10:22

Ko te mea ia, tātou olo fakatafapili ki te Atua ma te agaga talitonu moni ma te lotofuatia kino kua fakamamāgia, vēnā ma o tātou tino kua uma te fakatākekele i te vai mamā.

Epelu 13:18

Nahe uma te koutou tatalo mo ki mātou. Ko o mātou lotofuatia e mamā, ma e taumafai lava ki mātou i taimi uma, ke fai te mea e tonu.

Epelu 9:14

Ona ko te mea tēnei e moni, ka hē hili lele atu nei la te lahi o nā mea e mafai ke fakataunuku i te toto o Keliho? Na ia ofo atua ia ia lava ma tāulaga ki te Atua e kātoatoa te lelei, e ala i te Agaga o te Atua e tūmau pea lava ke pa ki te fakavavau. Ko tona toto ka fakamamā ai o tātou lotofuatia mai nā faiga e hēai he aogā, kae ke mafai ai ki tātou ke tautua ki te Atua e ola pea lava.

Iakopo 4:8

Fakatafapili ki te Atua, oi fakatafapili mai ai ia ki a te koutou. Fafano outou lima, koutou nā tino agahala! Fakamamā outou loto, koutou nā tino fakagutugutulua!

1 Petelu 1:22

I te taimi nei, ona ko koutou kua talitonu ki te meamoni, kua fakamamāgia ai koutou mai te agahala, ma ia te koutou ai te alofa moni ki iētahi uho a Kelihiano, ma alofa tētahi ki tētahi ma te loto kātoa.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.

1 Petelu 3:21

Ko he fakailoga tēnā e fakatatau ki te papatihoga, tēia kua fakaola ai nei koutou. E hē ko te fakamamā kehega o nā kelekele mai te tino, kae ko te takutinoga e fai ki te Atua mai te lotofuatia e mamā, te fakaola ai koutou e ala i te toetū o Iehu Keliho,

1 Petelu 4:8

Kae fakahilihili ai, ke tūmau pea lava te alofa o tētahi ki tētahi, auā ko te alofa e kave kehea ai te lahi o agahala.

2 Petelu 1:7

ki te mataku i te Atua, fakaopoopo ki ei te alofa faka-Kelihiano; ki te alofa faka-Kelihiano, fakaopoopo ki ei te alofa ki tagata uma.

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.

1 Ioane 3:23

Ko te Atua e fofou ko ki tātou ke talitonu ki tona Ataliki ko Iehu Keliho, ma ke alofa tētahi ki tētahi. Ko tēnei foki lava te mea na fakatonu mai e Keliho ke fai e ki tātou.

1 Ioane 3:3

Ko nā tino uma e i ei to lātou fakamoemoe ia Keliho, ka fakamamā pea lava ki lātou e ki lātou, e vē foki lava ko Keliho e mamā.