1 Timoteo 1:4 - Tokelauan New Testament

⁴ Fakatonu ki ei ke tīaki a lātou tala fāgogo mai te vavau, ma nā gafa loloa o nā tupuna o ki lātou. Ko nā mea iēnā e tutupu ai nā fīnauga, ma e hē fehoahoani ki te fakatinoga o fuafuaga a te Atua, iēia e fātoā iloa oi oti kāfai te tino e talitonu ki a Keliho.

1 Timoteo 1:4 ပူးပေါင်းရင်းမြစ်များ

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

Efeho 3:2

E talitonu au kua fakalogo koutou ki te alofa tūnoa o te Atua kua ia tuku maia ai ki a te au te gāluega tēnei ke fai, kae ke maua ai e koutou he fehoahoani.

1 Timoteo 3:16

Kua iloa uma lele e ki tātou, te uiga kehe o te mealilo e uiga ki to tātou talitonuga: Na hau ia i tona tino tagata, na fakamāonia te hako o ia e te Agaga, ma na kitea ia e agelu. Na tālaki e uiga ki a te ia ki nukukehe, na talitonu ki a te ia te lalolagi, ma na kavake ki te lagi e te Atua.

1 Timoteo 4:7

Kae tau mamao ma nā tala fāgogo mai anamua, auā e hē paia ma hēai he aogā. Tokaga oi koleni ke maua e koe he ōlaga e fiafia ki ei te Atua.

1 Timoteo 6:11

Kae e vē la ki a te ko koe, ko koe ko he hui e o te Atua. E tatau la koe ke kalo kehe ma nā mea uma iēnei, kae tauivi mo te āmiotonu, te fakatuatua, te fakamāoni, te alofa, te onohai, ma te agamalū.

1 Timoteo 6:20

Timoteo, tauhi lelei ki te mea kua fōki atu e te Atua ke kikila e koe. Ia koe nahe fakalogo ki nā tino e faia nā fakamatalaga valea ma hē mīgao, iē e lea iētahi tino ko te “poto.”

2 Timoteo 2:14

Fakamanatu te mea tēnei ki a te ki lātou, ma lapataki mālohi ki ei i mua o te Atua, ke nahe ki lātou fai fīnauga ki te uiga o nā kupu. E hēai lele he mea lelei e maua ai, kae nā ko te āfāina lahi ai o nā tino e fakalogo ki ei.

2 Timoteo 2:22

Tau mamao ma nā manatu fakataulealea, ma tauivi mo te āmiotonu, te fakamāoni, te alofa ma te fīlēmū, fakatahi ma ki lātou e tāpuaki atu ki te Atua ma te loto mamā.

2 Timoteo 2:23

Tau mamao ma nā fīnauga valea ma hēai he uiga; e iloa e koe ko te ikuga o nā mea iēnei ko te tauaimiha.

2 Timoteo 4:4

Ka liliu kehe ki lātou ma hē toe fakalogo ki te meamoni, kae ka fano lava o lātou māfaufau ki nā talakakai mai te vavau.

Tito 1:1

Mai ia Paulo, he kaukauna e a te Atua ma ko he apohitolo e a Iehu Keliho. Ko au na filifilia ke fehoahoani ki tagata o te Atua ke tūmau to lātou fakatuatua ma takitaki ki lātou ki te meamoni e akoako e te tātou talitonuga,

Tito 1:14

ma hē toe tauhihi ai ki a lātou talakakai Iutaia mai te vavau, ma nā fakatonuga fakatetagata mai nā tino kua teteke ki te meamoni.

Tito 3:9

Kae kalo kehe mai nā tauaiga kupu valea, nā talagā gafa, nā fefīnauakiga, ma nā tauaimihaga e uiga ki te Tūlāfono. Ko nā mea iēnei e hēai he uiga ma hēai he aogā.

Epelu 13:9

Ia koutou nahe takitaki kehea mai te auala moni ona ko te mau akoakoga kehekehe. E lelei te maua o te loto mākeke mai te alofa tūnoa o te Atua, kae hē mai te uhitaki ki nā tūlāfono e uiga ki nā meakai; ko nā tino e uhitaki ki nā tūlāfono iēnei e hēki ki lātou mauagia he fehoahoani ona ko to lātou uhitaki ki ei.

2 Petelu 1:16

Ko ki mātou e hēki fakalagolago ki ni tala fatu, i te ki mātou fakailoa atuga ki a te koutou e uiga ki te mana ma te haele mai o to tātou Aliki ko Iehu Keliho. Na kikila lelei lava o mātou mata ki tona mamalu lahi.