1 Timoteo 1:13 - Tokelauan New Testament

¹³ e ui lava e i ei he taimi kua teka atu nae fāifāi ai au ki tona igoa ma fakahāuā ma fakamātagā ki a te ia. Kae ko te Aliki na alofa fakahao mai ki a te au, ona nae hē kō iloa aku mea nae fai, auā ko hēki talitonu ai au ki a te ia i te taimi tēnā.

1 Timoteo 1:13 ပူးပေါင်းရင်းမြစ်များ

Luka 12:47

“Ko te kaukauna kua ia iloa te mea e fofou ki ei tona matai, kae hē nofo hāuni ki ei, pe ia fakatinoagia te finagalo o tona matai, ka kini lahi lele.

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Gāluega 22:4

Ko au nae fakahāuā lahi ki nā tino na mulimuli ki te Ala, ma na feoti ai lava ni tino o ki lātou. Na puke e au nā taulelea vēnā ma fafine ma togi ki te falepuipui.

Gāluega 3:17

“Ko te mea ia oku uho Ihalaelu, e iloa e au ko te mea a koutou ma outou takitaki na fai ki a Iehu, na māfua ona ko koutou e hē mālamalama.

Gāluega 8:3

Kae ko Haulo nae taumafai lava ke fakahēai te Ekalehia; na fano ki loto o nā fale o tagata takitahi ma toho ki fafo nā tino kua talitonu ki a Iehu, ko taulelea ma fafine, ma fakatonu ke kave oi togi ki te falepuipui.

Gāluega 9:1

I te taimi tēnā, koi fai lava ia hāuāga a Haulo ma fakamataku e ia i te oti, nā tino kua talitonu ki te Aliki. Kua fano ki te Ulu Ohitāulaga

Gāluega 9:13

Kua tali atu ia Anania, “Te Aliki, e tokalahi nā tino kua lea mai ki a te au e uiga ki te tagata tēnei ma ana fakahāuāga ki ō tagata i Ieluhalema.

Gāluega 9:5

Kua fehili atu ia Haulo, “Te Aliki, ko ai koe?” Kua tali mai te leo, “Ko au ko Iehu tē kua fakahāuā koe ki ei.

1 Kolinito 15:9

Auā ko au te pito fakatauva i nā apohitolo uma — e hē aogā foki au ke takua he apohitolo, auā ko au nae fakahāuā ki te Ekalehia a te Atua.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

Kalatia 1:13

Kua fakalogo koutou ki te ōlaga nae ola ai au ka koi i ei au i te tāpuakiga Iutaia, ki aku fakahāuāga nae fai ki te Ekalehia a te Atua, ma aku taumafaiga ke fakauma.

Filipi 3:6

ma ko toku loto tautua mālohi ki te Atua, na fakahāuā ai au ki te Ekalehia. Nae fai e au nā mea uma e fakatonu mai e te Tūlāfono, kae ke fiafia ai te Atua.

1 Timoteo 1:16

kae ko te Atua na alofa fakahao mai ki a te au, kae ke mafai ai ia Keliho Iehu ke fakaalia te kātoatoa o tona onohai ki a te au, te tino agahala e hili atu te kino, ke fai ma fakatakitakiga ki nā tino e talitonu ki a te ia i he taimi mulimuli, ma maua ai e ki lātou te ola e fakavavau.

Epelu 4:16

Ke ia te ki tātou la te loto mākeke, ma fakatafapili atu ki te Atua i tona nofoāliki, e i ei ai te alofa tūnoa. Ka maua ai e ki tātou i kinā, te alofa fakahao ma te alofa tūnoa ke fehoahoani ki a te ki tātou, i nā taimi e manakomia ai e ki tātou.

1 Petelu 2:10

Nae i ei te taimi ko koutou nae hē ni tagata e o te Atua, kae nei ko koutou kua kavea ma tagata o te Atua; nae i ei te taimi nae hē koutou iloa ai te agalelei o te Atua, kae nei kua koutou maua tona agalelei.