1 Timoteo 1:12 - Tokelauan New Testament

¹² Ko au e fakafetai ki a Keliho Iehu to tātou Aliki, tē kua ia fōki maia te mālohi ke galue ai au. Ko au e fakafetai ona e ia kiteagia toku fakamāoni ma ia tōfia ai au ke galue mo ia,

1 Timoteo 1:12 ပူးပေါင်းရင်းမြစ်များ

Mataio 20:4

oi lea vē atu ai ki ei, ‘Olo oi gālulue i te tōvine kae totogi koutou e au i te totogi e fetaui.’

Ioane 5:23

kae ke vīkia ai e tagata uma te Ataliki e vē oi vīkia e ki lātou te Tamana. Ko te tino e hē ia vīkia te Ataliki, e hē ia vīkia foki te Tamana na ia uga maia te Ataliki.

Gāluega 16:15

Ina kua uma te papatiho o Litia ma nā tino uma o tona kāiga, oi lea vē mai ai ki a te ki mātou, “Ōmai tātou nonofo i toku fale, kāfai koutou kua manatu ko au he tino kua talitonu moni ki te Aliki.” Ma na ia tauanaua ki mātou ke ōake.

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Gāluega 9:22

Kae kua ātili ai te mālohi o te faiga o te tālakiga a Haulo, ma ko te mautū o nā fakamāoniga a ia ko Iehu ko te Mehia, kua hē mau tali ai ki ei nā tino Iutaia nae nonofo i Tamaheko.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 3:5

Kae ko ai nei ia Apolo? Ko ai foki ia Paulo? Ko ki mātou kua nā ni kaukauna na fakaaogā ke auala mai ai te koutou talitonu. Ko ki mātou e gālulue i nā gāluega na tōfia ai ki mātou tau tokatahi e te Aliki:

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

2 Kolinito 4:1

Ko te alofa tūnoa o te Atua kua tuku mai ai e ia tana gāluega ke fai e ki mātou, oi ko ki mātou e hē fakavāivai lele.

Kalatia 3:26

Ko te fakatuatua te mafai ai oi kavea koutou uma ma fānau a te Atua, i te hokotaga ma Keliho Iehu.

Kalatia 3:28

E hēai la he mea e kehekehe ai ia tagata Iutaia ma tagata nukukehe, ia tagata pologa ma tagata haoloto, ia tamāloa ma fafine; e tahi koutou uma i te hokotaga ma Keliho Iehu.

Filipi 2:11

ma ka takutaku atu e ki lātou uma lele ko Iehu Keliho ko te Aliki, ke vīkia ai te Atua te Tamana.

Filipi 4:13

Kua fōki mai e Keliho ki a te au te mālohi, ke talia ai e au ho he mea.

Kolohe 1:25

Ma ko au kua tōfia e te Atua ke fai ma kaukauna ki te Ekalehia, ma ia fōki maia te gāluega tēnei ke fai mo te koutou lelei. Ko te gāluega tēnei, ko te folafolaga kātoatoa o tana fekau,

1 Timoteo 1:1

Mai ia Paulo, he apohitolo a Keliho Iehu na fakatonugia e te Atua to tātou Fakaola ma Keliho Iehu to tātou fakamoemoe —

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 1:2

Ki a Timoteo, toku ataliki moni i te talitonuga faka-Kelihiano: Ke ia te koe te alofa tūnoa, te agalelei ma te fīlēmū mai te Atua te Tamana ma Keliho Iehu to tātou Aliki.

1 Timoteo 6:13

I mua o te Atua, tē e ia fōkia te ola ki mea uma, ma i mua o Keliho Iehu, tē na takutino tona fakatuatua i mua o Ponitiō Pilato, ko au e lea vēnei atu

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

Tito 1:4

Ki a Tito, toku ataliki moni e ala i te talitonuga kua talia fakatahi e ki tāua. Ke ia te koe te alofa tūnoa ma te fīlēmū o te Atua te Tamana ma Keliho Iehu to tātou Fakaola.

Filemoni 1:9

Kae ona ko au e alofa ki a te koe, ka hē kō fakatonua atu ai koe kae ko au ka fakatālohaga atu. E fai e au te mea tēnei e ui lava ko au ko Paulo, te hui o Keliho Iehu, ma i te taimi nei ko he pagotā ona ko toku tautua ki a Keliho.