1 Tehalonia 5:8 - Tokelauan New Testament

⁸ Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

1 Tehalonia 5:8 ပူးပေါင်းရင်းမြစ်များ

1 Kolinito 13:13

Ko nā mea la iēnei e tolu, ko te fakatuatua, ko te fakamoemoe ma te alofa; kae ko te mea e hili i nā mea iēnei, ko te alofa.

2 Kolinito 6:7

e ala i to mātou tautatala i te meamoni, ma e ala i te mana o te Atua. Ko ta mātou kaukupega ko te āmiotonu, e tau ma puipuia ai foki ki mātou.

Kalatia 5:5

Kae vē la ko ki mātou, ko te mātou fakamoemoe ke fakalelei e te Atua to mātou va ma ia; ma ko te mea tēnei e hakilikili ki mātou ki ei ona ko te mana o te Agaga o te Atua, e galue ia te mātou e ala i to mātou fakatuatua.

Efeho 6:11

Kokofu i nā kofutau kātoatoa uma e fōki atu e te Atua, kae ke koutou mafaia ai oi teteke atu ki nā togafiti kino a te Tiāpolo

Efeho 6:23

Ke maua e te kau uho Kelihiano uma te fīlēmū vēnā te alofa ma te fakatuatua mai te Atua te Tamana ma te Aliki ko Iehu Keliho.

1 Tehalonia 5:5

Ko koutou uma lele ni tino e o te mālamalama, ni tino e o te ao. Ko ki tātou e hē ni tino e o te pō, pe o te pōuliuli.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

Epelu 6:19

Ko te fakamoemoe tēnei kua ia te ki tātou, e vē ko he taula mo o tātou ōlaga, e mautinoa e haogalēmū ai ki tātou; ma ko te fakamoemoe tēnei ko Iehu, ko tē kua fano kui atu i te kie pupuni i te Mālumalu i te lagi, ki loto o te Nofoaga e Hili te Paia

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 2:9

Kae ko koutou ko nā tino filifilia o te Atua, ko nā ohitāulaga a te Tupu, ko nā tino o te mālō paia, ko nā tōtino o te Atua na filifilia ke fakailoa ki tagata ia gāluega ofoofogia a te Atua, tē na kalagagia koutou ka koi i te pōuliuli ai koutou, ke ōmamai ki te gali o tona mālamalama.

1 Ioane 1:7

Kae kāfai ki mātou e ola i te mālamalama — e vē lava ona i ei ai ia i te mālamalama — ko tona uiga ko ki mātou e māfuta fakatahi, ma ko te toto o tona Ataliki ko Iehu, e fakamamā ai nā agahala uma lele.