1 Tehalonia 5:6 - Tokelauan New Testament

⁶ Ko te mea ia, ko ki tātou e hē tatau ke momoe e vē ko iētahi tino; ko ki tātou e tatau ke āla ma ke hako te māfaufau.

1 Tehalonia 5:6 ပူးပေါင်းရင်းမြစ်များ

Mataio 13:25

Kua pa ki tētahi pō ka koi momoe ia tagata, kae hau te tino e fai te tamāloa ma ona fili, oi lūlū nā fatu vaokino ki te mea e i ei nā haito, oi toe fano kehe ai.

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Mataio 25:5

Kua tuai mai te tama fakaipoipo, oi kāmata ai oi tulemomoe nā tautiti ma iku ai kua momoe.

Mataio 26:38

Oi lea atu ai ki a te ki lātou, “Ko au e vē he tino ka oti, i te fakanoanoa lahi o toku loto. Nonofo i kinei ma tautuku fakatahi ma au, nā he tino e hau.”

Maleko 13:37

Ko te mea e lea atu ai au ki a te koutou, ko te mea foki ia e lea ai au ki tagata uma: Mataala!”

Luka 12:37

Amutia nā kaukauna e maua mai e to lātou matai, e āla ma hāuni ki tona toe foki mai! E lea atu au ki a te koutou, ka ia ui keheagia tona kofulahi ma fakanonofo ki luga nā kaukauna, oi laulau ai e ia he lātou mea ke kai.

Luka 12:39

Ma e mautinoa lelei lava ka na he mea na iloa e te tino e o ia te fale te taimi e hau ai te tino kaihohoa, e hē ia tukua he avanoa ke kaihohoa ai tona fale.

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Luka 22:46

Oi lea vē atu ai ki ei, “He ā te momoe ai koutou? Nonofo ki luga oi tatalo ke nahe pa koutou ki ni fakaohoohoga”

Gāluega 20:31

Koutou la ke mataala, ma ke manatua te lahi o nā loimata na maligi i te pō ma te ao, i te tolu tauhaga nae kō akoakoa ai koutou uma tau tokatahi.

1 Kolinito 15:34

Toe tuku tonu lelei outou māfaufau, ma ke nahe toe faia e koutou te agahala. Auā e i ei nā tino o koutou e hē ki lātou iloa te Atua. Ko au e lea vēnei atu kae ke lagona ai e koutou te mā.

1 Kolinito 16:13

Koutou ke mataala, tūmau i te fakatuatua, loto tetele ma fakamākekeke.

Efeho 2:3

Ko te mea moni lava, ko ki tātou uma lele nae vē foki lava ko ki lātou. Ko ki tātou nae ola e tuha ai ma o tātou manakoga fakatetagata, ma nae mulimuli ki ho he mea e nanau ki ei o tātou tino ma o tātou māfaufau. I to tātou natula tēnei, ko ki tātou e vē foki lava ko iētahi tino uma lele, na tuku e pa ki ei te tōkahā o te Atua.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Filipi 4:5

Fakaali ki ho he tino te loto agamalū. Ko te Aliki kua toeititi oi hau.

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

1 Tehalonia 4:13

Te kau uho, ko ki mātou e fofou ke iloa e koutou te meamoni e uiga ki nā tino kua oti, kae ke nahe fakanoanoa ai koutou e vē ni tino kua hēai he fakamoemoe.

1 Tehalonia 5:10

tē na mate mo ki tātou, kae ke nonofo fakatahi ai ki tātou ma ia, e tuha lava pe koi ola pe kua oti ki tātou, i te taimi e hau ai.

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

1 Timoteo 2:15

Kae ka maua e fafine te fakaolataga e ala i te fānau mai e ki lātou o tamaiti, pe kāfai e tūmau pea to lātou fakatuatua, te alofa ma te āmiotonu vēnā ma te loto maulalo.

1 Timoteo 2:9

Ko au foki e fofou ko fafine ke loto maulalo ma popoto i te faiga o nā tēuga o ki lātou. E tatau ke fai fakalelei o lātou kofu; nahe fifilia o lātou laulu, pe teuteu i ni aulo pe ni pēnina pe ni kofu taugatā lahi,

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Tito 2:6

Ke vēnā foki oi fakamālohi ki taulelea talavou ke ola pūlea.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”

Fakaaliga 3:2

Āla la ki luga ma gālulue ke fakamautū nā mea koi ia te koutou ka ko hēki mou kehe uma atu. Auā kua kō kitea ko nā mea a koutou kua uma te fai, ko hēki kātoatoa te lelei i te kikila a toku Atua.