1 Tehalonia 5:5 - Tokelauan New Testament

⁵ Ko koutou uma lele ni tino e o te mālamalama, ni tino e o te ao. Ko ki tātou e hē ni tino e o te pō, pe o te pōuliuli.

1 Tehalonia 5:5 ပူးပေါင်းရင်းမြစ်များ

Luka 16:8

“Ona ko te mea tēnei, na fakamālō ai te matai ki tana kaukauna pule, ona ko tona potokino; auā e hili atu te popoto faitogafiti o nā tino o nā aho nei i te kikilaga o a lātou mea, i lo nā tino o te mālamalama.”

Ioane 12:36

Talitonu la ki te mālamalama ka koi ia te koutou, kae ke kavea ai koutou ma tagata o te mālamalama.” Kua uma atu nā kupu iēnei a Iehu, oi fano kehe ai ma kinā, kua fano oi mumuni ke hē iloa ia e ki lātou.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Efeho 5:8

Ko koutou foki nae māhani oi ola i te pōuliuli, kae talu lava te kavea o koutou ma tagata o te Aliki, ko koutou kua i te mālamalama. Ko koutou la e tatau ke ola e vē ko nā tino o te mālamalama,

1 Tehalonia 5:8

Kae ko ki tātou ni tino e o te ao, ma e tatau o tātou māfaufau ke hako. E tatau ke kokofu ki tātou i te fakatuatua ma te alofa e vē he talipupuni fatafata, ma to tātou fakamoemoe ki te fakaolataga e vē he pūloutau.

1 Ioane 2:8

Kae ko te fakatonuga e tuhi atu ai au i te taimi nei, ko he fakatonuga fou, auā ko tona fakamāoniga e kitea e ala ia Keliho ma vēnā foki ia te koutou. Auā ko te pōuliuli e gaholo e matafi kehe, ma ko te mālamalama moni kua huhulu mai.