1 Tehalonia 5:3 - Tokelauan New Testament

³ Kāfai ia tagata e lea vē, “Ko mea uma kua totoka lelei ma haogalēmū,” kae nā lava e teki kua pakē he mea ma fakatāugā ai ki lātou! E fakafuaheki lele te pa mai e vē ko nā tīgā o he fafine kua fakatīgā i te taimi ka fānau ai, ma ka hēai lele he tino e hao mai ai.

1 Tehalonia 5:3 ပူးပေါင်းရင်းမြစ်များ

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Ioane 16:21

Kāfai he fafine e faitama kua tāli fānau, e lagona e ia te fakanoanoa auā ko tona itūlā o puapuagā kua pa mai; kae kāfai kua fānau mai te pepe, kua puli lele i ona puapuagā, auā kua fiafia kua i ei he pepe e fānau mai ki te lalolagi.

Gāluega 13:41

‘Kikila, koutou iēnā e fakatauemu ki taku kupu! Koutou ke ofo ma feoti! Auā ko te mea e kō faia i te aho nei, ko he mea ka hē talitonu lele koutou ki ei, e tuha lava pe fakamālamalama atu e he tino ki a te koutou!’ ”

2 Tehalonia 1:9

Ka puapuagā ki lātou i te fakahalaga ke pa ki te fakavavau, ma kave kehea mai i te mea e i ei te Aliki ma te uiga kehe o tona mālohi,

Epelu 12:23

Ko koutou kua ōmamai ki te fakatahiga fiafia a nā ulumatua a te Atua, iē kua tūhia o lātou igoa i te lagi. Ko koutou kua ōmamai ki te Atua, ko ia ko te fakamahino o tagata uma, ma ko kinei foki te fakalelei kātoatoa ai ia agaga o nā tino e faia nā mea e tonu.

Epelu 2:3

E vēhea nei la ona mafai ke fakahao ki tātou mai te fakahalaga, kāfai e hē ki tātou taliagia te fakaolataga tāua tēnei? Ko te Aliki lava ia te ia mua folafola maia te fakaolataga tēnei, ma ko ki lātou na fakalogo ki ei na ki lātou fakamāonia mai ki a te ki mātou, te hako o tēnei mea.

2 Petelu 2:4

E hēki fakahaoa e te Atua nā agelu na agahala, kae na togi ki heoli, te mea e noanoa ai i nā filifili i te pōgihā, ma fakatalitali ai mo te Aho Fakamahino.