1 Tehalonia 5:12 - Tokelauan New Testament

¹² Ko ki mātou e fakatagi atu ki a te koutou, te kau uho, ko koutou ke āva ki nā tino e gālulue mo koutou, ki lātou iēnā e takitakia ma akoakoa koutou i te ōlaga faka-Kelihiano.

1 Tehalonia 5:12 ပူးပေါင်းရင်းမြစ်များ

Luka 10:7

Nonofo i te fale tēnā, kakai ma inu ki ho he mea e fōki atu e ki lātou, auā ko nā tino faigāluega e tatau ke maua e ki lātou o lātou totogi. Nahe koutou nonofo holo ma oatu i tētahi fale ki tētahi.

Ioane 4:38

Kua kō uga atua koutou, ke helehele te fuata i te fatoaga e hēki gālulue ai koutou; nae gālulue ai iētahi tino, ma kua manuia koutou ona ko a lātou gāluega.”

Gāluega 20:28

Ko te mea ia, koutou ke mataala ma kikila lelei te lafu māmoe kua tuku atu e te Agaga Paia ke kikila e koutou. Ke kavea koutou ma leoleomāmoe o te Ekalehia a te Atua, tēia kua ia kavea ke fai mo ia, e ala i te toto o tona Ataliki.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Loma 16:12

E fakafeiloaki atu kinā mātua ki a Tufaina ma Tufohana, e gālulue i te gāluega a te Aliki, vēnā te mātua ma te uō pele ko Peloita, kua lahi ana gāluega e fai mo te Aliki.

Loma 16:6

E fakafeiloaki atu au ki a Malia, tē e galue mālohi mo koutou.

1 Kolinito 12:28

Kua tōfia e te Atua i loto o te Ekalehia: muamua ko nā apohitolo, lua ko nā pelofeta, ma tona tolu ko nā faiakoga; oi hohoko ai nā tino fai vāvega, hohoko ai ki lātou kua tuku ki ei te mana ke fakamālōlō ai nā tauale pe ke fehoahoani ai ki iētahi tino pe ke fakatonu ai ki lātou, pe ke tautatala ai i nā gagana kehekehe.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

1 Kolinito 16:16

koutou ke mulimuli ki te takitakiga a nā tino vēnei, ma ho hētahi tino e gālulue fakatahi ki lātou.

1 Kolinito 16:18

ma kua ki lātou fakafiafiagia au, e vē foki lava ona ki lātou fakafiafiagia koutou. Ko nā tino vēnei e tatau ke amanakia lelei e koutou.

1 Kolinito 3:9

Auā ko ki mātou ni tino e faigāluega fakatahi mo te Atua, ka ko koutou ko te fatoaga a te Atua. Ko koutou foki ko te fale o te Atua.

2 Kolinito 11:23

Ni kaukauna nei ki lātou e a Keliho? Ko au e vē he vale — kae ko au he kaukauna e hili lele atu ia te ki lātou! E hili atu toku galue mālohi, e lahi atu nā taimi nae i te falepuipui ai au, e lahi atu nā taimi na kini ai au, ma e lahi atu nā taimi na mea e mate ai au.

2 Kolinito 5:9

Kae e tuha lava pe ko ki mātou e i ei fakatahi ma te Aliki, pe nonofo kehe ma ia, e fakahilihili lava to mātou naunau, ke fai e ki mātou te mea e fiafia ia ki ei.

2 Kolinito 6:1

I ta mātou gālulue fakatahi la ma te Atua, e aioi atu ai ki mātou ki a te koutou iēnā kua taliagia te alofa tūnoa o te Atua, ke nahe koutou fakamāumauagia.

Kalatia 4:11

Ko au te popole na meake ko aku gāluega uma e fai mo koutou, e fakahēaogāgia?

Filipi 2:16

i nā taimi e folafola ai e koutou te fekau o te ola. Kāfai e koutou faia te mea tēnei, ka fai tēnā ma mea e fāfia ai au i te Aho o Keliho, auā e fakaali mai ai i kinā ko aku taumafaiga uma ma aku gāluega, e hēki māumau.

Filipi 2:19

Kāfai e tuha ai ma te finagalo o te Aliki, ko au e fakamoemoe ka mafai e au oi uga atu ia Timoteo ki a te koutou i he taimi pili mai, kae ke maua mai ai ni tala e uiga ki a te koutou, e fakamākeke ātili mai ki a te au.

Kolohe 1:29

Ko tēia e galue mālohi ma tauivi ai nei au, ma fakaaogā e au te mālohi mai ia Keliho, tēia e galue i loto ia te au.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

1 Tehalonia 4:1

Ko nā toe kupu la te kau uho, kua uma te iloa e koutou mai ia te ki mātou, te ōlaga e tatau ke ola ai koutou, kae ke fiafia ai te Atua. Ko te ōlaga tonu lava tēnā kua ola ai koutou. Ma i te taimi nei, ko ki mātou e fakatagi ma ole atu i te igoa o te Aliki ko Iehu, ke fakaatili oi hili atu iētahi mea e koutou faia.

1 Tehalonia 5:14

Ko ki mātou e ole atu ki a te koutou, te kau uho, ko koutou ke lapataki mālohi atu ki nā tino e nonofo tauanoa e hēai ni gāluega e faia, fakamākeke atu ki nā tino matamumuli, fehoahoani atu ki nā tino vāivai, ma ke lava te koutou onohai ki tagata tau tokatahi uma.

1 Timoteo 5:1

Nahe munaia e koe he tamāloa kua matua, kae apoapoaki ki ei e vē ko he tamana ki a te koe. Ke vē nā tamāloa talavou ni uho ki a te koe i au faiga e fai ki ei,

1 Timoteo 5:20

Tautalagia i mua o te Ekalehia nā tino uma e faia pea lava te agahala, kae ke lagona ai e iētahi tino te mātataku, ma hē fakatakitaki ai ki lātou ki ei.

2 Timoteo 2:6

Ko te faifatoaga na galue mālohi te tatau ke maua muamua tona vāega o te helehelega.

Tito 1:3

ma i te taimi tatau, na ia fakailoa ai te mea tēnei, e ala i tana kupu na tuku mai ki a te au, ma e kō folafolagia e tuha ai ma te fakatonuga a te Atua to tātou Fakaola.

Tito 1:5

Ko koe na tuku e au i Kelete kae ke mafai e koe oi tukutonu nā mea koi fakahētonu, ma tōfia ni toeaina mo nā Ekalehia i nā kakai takitahi uma. Ke manatua e koe nā mea na fakatonu atu e au:

Tito 2:15

Akoako ki tagata nā mea iēnei ma fakaaogā tau pule kātoa ke fakamālohi ma fakatonu ai ki lātou. Nahe i ei lele he tino e hē fakaaloalo atu ki a te koe.

Epelu 13:17

Uhitaki ki nā takitaki o koutou ma fai nā mea e fakatonu atu ai koutou. E hē mapu lele ki lātou i te kikilaga o koutou, auā e tatau ke ki lātou tuku atua ki te Atua he fakamatalaga e uiga ki a lātou gāluega tautua. Kāfai koutou e uhitaki ki ei, ka fiafia foki ki lātou i te faiga o te lātou gāluega; kae kāfai koutou e hē uhitaki, ka gālulue foki ki lātou ma te fakanoanoa, ma e hē ko he mea tēnā e lelei mo koutou.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

Fakaaliga 1:20

Ko tēnei te uiga lilo o nā fetu e fitu e kitea e koe i toku lima taumatau, ma nā tugāmōlī aulo e fitu; ko nā fetu e fitu ko nā agelu ia o nā Ekalehia e fitu, ma ko nā tugāmōlī e fitu ko nā Ekalehia iēnā e fitu.

Fakaaliga 2:12

“Tuhi vēnei ki te agelu o te Ekalehia i Pekamoni: “Ko te fekau tēnei mai tē e ia te ia te pelu e taufai kaha uma nā itū.

Fakaaliga 2:18

“Tuhi vēnei ki te agelu o te Ekalehia i Tuateilo: “Ko te fekau tēnei mai te Ataliki o te Atua, ko ona mata e mumū e vē he afi, ko ona vae e gigila e vē he apamemea kua uma te pōlehi.

Fakaaliga 2:3

E iloa e au ko koutou e onohai ma kua maua i nā puapuagā ona ko au, ma e hē fakavāivai lele ai koutou.

Fakaaliga 2:8

“Tuhi vēnei ki te agelu o te Ekalehia i Himuna: “Ko te fekau tēnei mai tē e takua ko te muamua ma te mulimuli, na mate kae na toe ola mai.

Fakaaliga 3:1

“Tuhi vēnei ki te agelu o te Ekalehia i Hateihi: “Ko tēnei te fekau mai tē e pule i nā agaga e fitu o te Atua ma nā fetu e fitu. E iloa e au autou gāluega e fai; e iloa e au ko koutou e lauiloa i te mālohi o te koutou fakatuatua, kae ko te meamoni ko koutou e vē ni tino kua feoti i te fakateagaga.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Fakaaliga 3:7

“Tuhi vēnei ki te agelu o te Ekalehia i Filatelefeia: “Ko tēnei te fekau mai tē e paia, ma e fakamāoni. E ia te ia te kī a Tavita, ma kāfai e tatala e ia he faitotoka e hēai he tino e ia mafaia oi toe tapuni, ma kāfai e tapuni e ia, e hēai tino e ia mafaia oi toe tatala.