1 Tehalonia 4:5 - Tokelauan New Testament

⁵ e hē i ni manakoga fakatetino, e vē ko tagata fakapaupau e hē ki lātou iloagia te Atua.

1 Tehalonia 4:5 ပူးပေါင်းရင်းမြစ်များ

Mataio 6:32

Auā ko nā mea uma iēnei e popole pea lava ki ei ia tagata nukukehe; ma e iloa e te koutou Tamana i te lagi ko nā mea uma iēnei e manakomia e koutou.

Luka 12:30

(Auā ko nā mea iēnei e popole ki ei nā tino fakapaupau o te lalolagi tēnei.) E iloa e te koutou Tamana ko nā mea iēnei e manakomia e koutou.

Gāluega 17:23

Auā i te kui atuga o oku i te koutou kakai ma kikila ki nā mea e tāpuaki ai koutou, na kō kitea ai he fata faitāulaga e tuhi ai, ‘Ki he Atua e Hē Iloa.’ Ko te Atua la tēnā e tāpuaki koutou ki ei, e ui lava e hē koutou iloa, ko te Atua ia e folafola atu nei e au ki a te koutou.

Loma 1:24

Ma ko te mea ia kua tīaki ai ki lātou e te Atua ke fai nā mea kino e nanau ki ei o lātou loto, ma ko o lātou māfaufauga kino, e fai ai e tētahi ki tētahi, nā uiga mātagā ki o lātou tino.

Loma 1:26

Ona e ki lātou faia nā mea iēnei, kua tīaki ai ki lātou e te Atua ke fai pea o lātou tuinanauga mātagā. E pa foki lava ki fafine, kua hē fia fakaaogā o lātou tino e vē ko te natula i te va o te fafine ma te taulelea, kae kua fakaaogā i ni auala e hē tuha ma te natula.

Loma 1:28

Ona ko nā tino iēnei kua hē fia talia e ki lātou te mālamalama moni e uiga ki te Atua, kua tīaki vē ai ki lātou e te Atua ma o lātou māfaufau pikopiko, kae ke fai ai pea e ki lātou nā mea e hē tatau ke ki lātou faia.

1 Kolinito 1:21

Auā ko te poto o te Atua na ia faia ai ke nahe iloa ia e tagata i ho lātou lava poto. Kae e ala i te fekau e folafola e ki mātou, tēia e lea nā tino e “valea,” na tonu ai i te Atua ke fakaola ki lātou e talitonu.

1 Kolinito 15:34

Toe tuku tonu lelei outou māfaufau, ma ke nahe toe faia e koutou te agahala. Auā e i ei nā tino o koutou e hē ki lātou iloa te Atua. Ko au e lea vēnei atu kae ke lagona ai e koutou te mā.

Kalatia 4:8

I nā aho kua teka, nae hē koutou iloa te Atua, ma nae fai koutou ma pologa a ni atua e hē ni atua moni.

Efeho 2:12

I te taimi tēnā, ko hēki koutou iloa ai ia Keliho, ma nae hē taua koutou i loto o te faigāmālō o tagata o Ihalaelu, ma hē aofia i loto o nā feagaiga na folafola e te Atua ki a te ki lātou. Ko koutou nae ola i te lalolagi tēnei e aunoa ma he fakamoemoe ma aunoa ma te Atua.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

2 Tehalonia 1:8

ma te afi mumū, ke fakahala ai nā tino e teteke ki te Atua ma hē uhitaki ki te Tala Lelei e uiga ki to tātou Aliki ko Iehu.

1 Petelu 4:3

Kua lava nā taimi nae mulimuli ai koutou i nā taimi kua teka, ki nā mea e fiafia ki ei nā tino fakapaupau. Nae fai e koutou nā āmio mātagā, nā manakoga fakatetagata, te konā, āmio hē pūlea, fai pātī ma nā uiga holi tūlāfono ko te ifo ki tupua.