1 Tehalonia 4:4 - Tokelauan New Testament

⁴ Koutou taulelea tau tokatahi uma, e tatau ke iloa oi ola fakatahi ma tana āvaga, i he auala e paia ma mamalu,

1 Tehalonia 4:4 ပူးပေါင်းရင်းမြစ်များ

Gāluega 9:15

Oi vāgana atu ai te Aliki ki ei, “Fano, auā kua kō filifilia te tagata tēnā ke kaukauna mai ki a te au, ma ke ia fakailoa atua toku igoa ki tagata nukukehe ma tupu, ma ki tagata Ihalaelu.

Loma 1:24

Ma ko te mea ia kua tīaki ai ki lātou e te Atua ke fai nā mea kino e nanau ki ei o lātou loto, ma ko o lātou māfaufauga kino, e fai ai e tētahi ki tētahi, nā uiga mātagā ki o lātou tino.

Loma 12:1

Ko te mea ia oku uho, ona ko te lahi o te alofa fakahao o te Atua mo ki tātou, e talohaga atu ai au ki a te koutou ke ofo atu outou tagata ma tāulaga ola ki te Atua, e mamā ma e fiafia ia ki ei. Ko te tāpuakiga moni tēnei e tatau ke ofo atu e koutou ki te Atua.

Loma 6:19

(E fakaaogā e au te gagana faigōfie, ona ko te hē lava o te koutou iloa.) E i ei he taimi kua teka atu, na tuku kātoa atu ai outou tagata ke fai ma pologa a te faiamio, ma fakaaogā ai ki nā mea kino. Ke vēnā foki la ona tuku kātoa atu i te taimi nei outou tagata ke fai ma pologa a te āmiotonu, ke fakaaogā mo nā mea e paia.

1 Kolinito 6:15

E hē koutou iloa ko outou tino ni itūtino e o te tino o Keliho? Ka kave nei la e au he itūtino o te tino o Keliho oi fai ma itūtino o te tino o he fafine talitāne? E matuā hē mafai lava.

1 Kolinito 7:2

Kae ona ko te lahi o nā fakaohoohoga ke fai ai nā āmioga mātagā, e tatau ai nā tamāloa tau tokatahi ke i ei hana ia lava āvaga, ma fafine tau tokatahi ke i ei hana ia lava tāne.

1 Kolinito 7:9

Kae kāfai e hē lava te koutou loto onohai, e tatau la koutou ke fakaipoipo — e hili atu te fakaipoipo i lo te mu i te nauloto.

2 Kolinito 4:7

Ka ko ki mātou iēnei kua i ei te koloa fakateagaga, e vē ki mātou ko nā hiā ele fakatauva, ke iloa ai ko te mālohi hilihilikehe, e mai te Atua kae hē mai ia te ki mātou.

Filipi 4:8

Ko aku toe kupu te kau uho, ni a lava ni mea e lelei ma maua ai he vīkiga, ni mea e moni, ni mea e mamalu, ni mea e tonu, ni mea e mamā, ni mea e gali, ni mea e lelei kātoatoa, koutou ke māfaufau pea lava ki ei.

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

1 Petelu 3:7

E vēnā foki koutou tāne; e tatau ke fai fakalelei e koutou autou āvaga i te koutou māfutaga, auā e hē tutuha to lātou mālolohi ma koutou. Fakaaloalo ki ei, auā ka maua foki e ki lātou fakatahi ma koutou te ola e ala i te alofa tūnoa o te Atua. Fai te mea tēnei kae ke nahe i ei ai he mea e fokotahi e fai ma fakalavelave i autou tatalo.