1 Tehalonia 4:3 - Tokelauan New Testament

³ Ko te Atua e fofou, ko koutou ke paia ma ke hē ia te koutou lele nā tuinanauga kino ki te tino.

1 Tehalonia 4:3 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 15:19

Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.

Mataio 5:32

Kae ko au e lea atu nei ki a te koutou: ho he tamāloa e tatala e ia tana āvaga i he māfuaaga e kehe mai i lo te kua hē fakamāoni o te fafine, kua fai e ia te mea e mulilua ai tana āvaga; ma ko ai lava e fakaipoipo ki he fafine kua tatala tana āvaga, kua agahala foki ia i te mulilua.

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Maleko 3:35

Ko ai lava e faia te finagalo o te Atua, ko toku uho tēnā, ko toku tuafafine tēnā, ma toku mātua tēnā.”

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Gāluega 15:20

Kae e tatau ke fai he tātou tuhi ki ei, ma lea ki ei ko ki lātou nahe kakai ki nā meakai e hē mamā i nā itū tau tāpuakiga, ona na ofo ma tāulaga ki nā tupua; ke kalo kehe ma tuinanauga kino ki te tino; ke nahe kakai ki he manuvaefa na titina, pe ho he toto.

Gāluega 15:29

nahe koutou kakai ki ni meakai kua ofo ma tāulaga mo nā tupua; nahe koutou kakai ki ni toto; nahe koutou kakai ki ni manuvaefa na titina; kalo kehe ma tuinanauga kino ki te tino. Ka lelei lele atu mo koutou, kāfai koutou e fakaeteete ma hē koutou faia nā mea iēnei. E alolofa atu ki mātou.”

Gāluega 20:32

“Ma i te taimi nei, e kō tuku atua koutou ki lima o te Atua, ma ki te fekau e uiga ki tona alofa tūnoa, e mafai ai ke tuputupu pea te koutou ola fakateagaga ma maua ai e koutou nā fakamanuiaga a te Atua mo ona tagata uma.

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Loma 1:29

Kua tumu ki lātou i ho he itūkāigā uiga hē lelei, ko te āmio kino, ko te manako lahi ma te fai o nā āmio mātagā; e tumu i te loto kino, te tāmate tino, te tauaimiha, te talapepelo ma te tau fakakino. E faitatala

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Loma 6:22

Kae i te taimi nei, ko koutou kua fakahaoloto mai te agahala, ma kua kavea ma pologa a te Atua. Ko te mea a koutou kua maua, ko he ōlaga tautua fakamāoni ki te Atua, ma ko te ikuga, ko te ola e fakavavau.

1 Kolinito 1:30

Kae kua kaumai koutou e te Atua ki te māfutaga ma Keliho Iehu, ma faia e te Atua ia Keliho ke kavea ma o tātou poto. Ona ko Keliho, kua mafai ai ke fakalelei to tātou va ma te Atua; kua fai ai ki tātou ma tagata o te Atua, ma kua maua ai e ki tātou te haolotoga.

1 Kolinito 7:2

Kae ona ko te lahi o nā fakaohoohoga ke fai ai nā āmioga mātagā, e tatau ai nā tamāloa tau tokatahi ke i ei hana ia lava āvaga, ma fafine tau tokatahi ke i ei hana ia lava tāne.

2 Kolinito 12:21

Ko au e popole auā ia au i nā fakamahiahia e toku Atua i mua o koutou kāfai au e toe pa atu, ma ono tagi ai au ma te fakanoanoa mo nā tino e tokalahi na agahala i te taimi kua teka kae e hēki halamō ia lātou āmio mātagā nae fai — te fai āmio ma te nanau ki te tino.

Kalatia 5:19

Ko nā mea e fai e te natula fakatetagata e manino lele. Ko te nanau ki te tino, ko te āmio fakamanu, ma te fai āmio mātagā;

Efeho 5:17

Koutou la nahe vālelea, kae taumafai oi hakilikili pe he ā te fofou te Aliki ke fai e koutou.

Efeho 6:6

Nahe koutou faia oioti kāfai e kikila atu, kae ke fiafia atu ai ki a te koutou; kae fai ma te loto kātoatoa, koutou nā pologa a Keliho, te mea e finagalo ki ei te Atua.

Kolohe 1:9

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

1 Tehalonia 4:2

Auā kua iloa e koutou nā fakahinoga na tuku atu e ki mātou ki a te koutou e ala i te igoa o te Aliki ko Iehu.

1 Tehalonia 4:4

Koutou taulelea tau tokatahi uma, e tatau ke iloa oi ola fakatahi ma tana āvaga, i he auala e paia ma mamalu,

1 Tehalonia 5:18

ma ke maua i te loto fakafetai i nā mea uma e pa koutou ki ei. Ko tēnei te mea e fofou ki ei te Atua mai ia te koutou, i te koutou ōlaga māfuta fakatahi ma Keliho Iehu.

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

2 Tehalonia 2:13

E tatau ki mātou ke fakafetai ki te Atua i taimi uma mo koutou, te kau uho, koutou iēnā e alofa ki ei te Aliki. Auā ko koutou na filifilia muamua e te Atua ke fakaola e ala i te mana o te Agaga ke kavea ai koutou ma ona tagata paia, ma e ala i te koutou talitonu ki te meamoni.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Epelu 10:36

E tatau koutou ke onohai, kae ke fai ai e koutou te finagalo o te Atua, ma maua ai e koutou nā mea kua uma te folafola e ia.

Epelu 12:16

Nahe i ei lele he tino e fai āmio mātagā pe hē fakaaloalo ki nā mea e paia e vē ko Ehau, tē na fakafehuiaki e ia tona tofi ko ia ko te ulumatua, mo he meakai e fokotahi.

Epelu 13:4

Ke fakamamalu e koutou uma te āvaga fakaipoipo, ma e tatau te tāne ma te fafine kua fakaipoipo, ke fakamāoni tētahi ki tētahi. Ka fakamahinogia e te Atua nā tino e faia nā āmio kino ma te mulilua.

1 Petelu 1:2

Ko koutou na filifilia e tuha ai ma fuafuaga a te Atua te Tamana, ma na fakapaiagia e tona Agaga, ke uhitaki ki a Iehu Keliho ma ke fakamamāgia i tona toto. Ke tūmau pea ia te koutou te alofa tūnoa ma te fīlēmū o te Atua.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.

1 Ioane 2:17

Ko te lalolagi ma nā mea uma e nanau ki ei te tagata, e fano e mou kehe atu; kae ko te tino e ia faia te finagalo o te Atua, e ola pea lava ke pa ki te fakavavau.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.