1 Tehalonia 4:16 - Tokelauan New Testament

¹⁶ Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

1 Tehalonia 4:16 ပူးပေါင်းရင်းမြစ်များ

Mataio 16:27

Auā kua tāli hau te Ataliki o te Tagata i te mamalu o tona Tamana ma ana agelu, ka ia kavatua te taui ki tagata tau tokatahi e tuha ai ma a lātou gāluega nae fai.

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 26:64

Kua tali mai ia Iehu, “Ko tēnā lava e lea ai koe. Kae ko au e lea atu ki a te koutou uma, e kāmata atu nei ka koutou kitea te Ataliki o te Tagata e nofo i te itū taumatau o te Hilihilikehe, ma e hau i luga o nā ao o te lagi.”

Gāluega 1:11

Kua lea vē mai ki lāua, “Nā tino Kalilaia, he ā te tutū ai koutou i kinā ma taukikila ki te lagi? Ko te Iehu tēnei, tēia na hikitia ake mai ia te koutou, ka toe haele mai i te auala lava e tahi na koutou kitea na fanake ai ki te lagi.”

1 Kolinito 15:18

Ko tona uiga foki ko nā tino kua oti ka nae mulimuli ki a Keliho, kua malaia.

1 Kolinito 15:20

Kae ko te meamoni, ko Keliho kua toe fakatū mai te oti, ko te tino muamua ia kua pa ki he mea vēnei, ke fai ma fakamāoniga ki a te ki lātou kua momoe atu, ko ki lātou ka toe fakatutū mai te oti.

1 Kolinito 15:23

Kae ko tagata tau tokatahi ka fakatutū i he fakahologa e tūlaga tatau: E muamua lava ia Keliho, ma i te taimi e toe haele mai ai, oi hohoko ai ki ei ia tagata o te Atua.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

1 Tehalonia 3:11

Ke hāunia e te Atua te Tamana ma to tātou Aliki ko Iehu, he avanoa ke oatu au ai ki mātou ke feiloaki ma koutou.

2 Tehalonia 1:7

ma ka fakamapu e ia koutou iēnā e puapuagā vēnā ma ki mātou. Ka ia faia te mea tēnei, kāfai te Aliki ko Iehu e haele ifo mai te lagi ma tana kau agelu mākekeke,

2 Tehalonia 2:1

E vē la ki te haele mai o to tātou Aliki ko Iehu Keliho ma te fakamāopoopoga o ki tātou ke fakatahi ma ia: ko au e fakatagi atu ki a te koutou te kau uho,

2 Petelu 3:10

Kae ko te Aho o te Aliki e hau e vē ko he tino kaihohoa. I te Aho tēnā, ka matafi kehe atu te lagi ma te tālili o he piha lahi, ka mu uma nā mea i te vāteatea ma fakaumatia, ma mou kehe atu

Iuta 1:9

Ke pa foki lava ki a Mikaele, ko hētahi ia o agelu hili a te Atua, e hēki ia mafaia oi fai ni kupu mātagā vēnei. I te la fetaliakiga ma te Tiāpolo e uiga ki te tino o Mohe, e hēki fakaaogā e ia ni kupu mātagā ke fakailoa ai ki te Tiāpolo tona hehē, kae na lea vē oioti, “Ko te Aliki e ia munaiagia koe.”

Fakaaliga 1:10

I te aho o te Aliki, na ulufia ai au e te Agaga o te Atua ma na kō lagona ai he leo lahi e vē he tagi o he pu e ili, e tautala mai ki a te au mai oku tua.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 14:13

Oi kō lagona atu ai he leo mai te lagi e lea vē, “Tuhi te mea tēnei ki lalo: Amutia nā tino e oti i luga o te gāluega a te Aliki, kāmata atu nei!” “Io,” kua vāgana te Agaga, “Ka fakamapu ki lātou mai a lātou gāluega, auā e mulimuli lava ki a te ki lātou te ikuga o a lātou gāluega.”

Fakaaliga 8:13

Oi kikila atu ai au ma na kō lagona he āeto e tagi leo lahi kae lele maualuga ake i te vānimonimo, e lea vē, “Kae hāloa la, kae hāloa la, kae hāloa la ia tagata ola uma i te lalolagi kāfai e ili nā pu a iētahi agelu e toka tolu.”

Fakaaliga 8:2

Oi kō kitea atu ai nā agelu e toka fitu e tutū i mua o te Atua ma na fōki ki a te ki lātou nā pu e fitu.