1 Tehalonia 4:11 - Tokelauan New Testament

¹¹ Fai ma autou hini, te ola i he ōlaga e fīlēmū ma hē piha, ke nahe tautala tauanoa ki mea a iētahi tino, e vē lava oi lea atu ai ki mātou muamua.

1 Tehalonia 4:11 ပူးပေါင်းရင်းမြစ်များ

Maleko 13:34

Ka fakatuhagia ki he tamāloa e tukua tona fale mo hana malaga, ma tuku ana mea ke kikila e ana kaukauna; ka kua uma ai te ia fakatonua ia gāluega tau tokatahi a ana kaukauna e fai, ma fakatonu te leoleo faitotoka ke taukikila fakalelei.

Gāluega 18:3

oi nofo ai ma faigāluega ma te toka lua tēnei, auā ko tana gāluega nae fai ke ola ai ia ko te fai falekie, e vē foki lava ko nā gāluega a te toka lua tēnei.

Gāluega 20:35

Kua fakahino atu e au ki a te koutou i aku mea uma e fai, ko te galue mālohi e vē ona galue ai au, e mafai ai e ki tātou ke fehoahoani ki te tino faitauale, ma manatua ai nā kupu na vāgana ai te Aliki ko Iehu e vē, ‘E lahi atu te manuia o te tino e ia fōkia, i lo te tino e ia taliagia’ ”

Loma 12:11

Koutou nahe fakavāivai lele, kae ke mumū koutou e vē he mōlī i te Agaga, ma tautua ki te Aliki ma te loto kātoa.

Loma 15:20

Ko te mea e naunau au ki ei, ke tālaki atu te Tala Lelei ki nā koga ko hēki lagona ai te igoa o Keliho, kae ke nahe ati ake ai e au ki luga o he fakavae na kāmata e hētahi tino.

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

2 Kolinito 5:9

Kae e tuha lava pe ko ki mātou e i ei fakatahi ma te Aliki, pe nonofo kehe ma ia, e fakahilihili lava to mātou naunau, ke fai e ki mātou te mea e fiafia ia ki ei.

Efeho 4:28

Kāfai koe he tino kaihohoa, tuku loa te kaihohoa kae kāmata galue mālohi ke ola koe i au gāluega ma mafai ai koe ke fehoahoani ki nā tino mātitiva.

1 Timoteo 2:2

mo tupu ma ki lātou uma e i ei te pule, kae ke mafai ai ki tātou ke ola i he ōlaga e toka fīlēmū, ma ifo atu ki te Atua ma te agaga fakaaloalo.

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

Tito 3:14

E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

1 Petelu 3:4

Kae ko te aulelei o koutou, e tatau ko nā mea e moni i loto lava o koutou, te aulelei e hē teka lele o te agaga agamalū ma fīlēmū. Ko tēnei te mea e hili atu te tāua i te kikila a te Atua.

1 Petelu 4:15

Kae nahe i ei lele he tino o koutou e puapuagā ona kua tāmate tino, pe kua kaihohoa, pe kua holi tūlāfono, pe kua tautala tauanoa ki nā mea a iētahi tino.