1 Tehalonia 3:6 - Tokelauan New Testament

⁶ Nei kua toe liliu mai ia Timoteo, ma kua kaumai e ia ni tala fiafia e uiga ki te koutou fakatuatua ma te koutou alolofa. Kua taku mai e ia ko ki mātou e manatua pea lava e koutou ma te fiafia, ma ko koutou e fia kikila lele ki a te ki mātou e vē foki lava ko ki mātou ki a te koutou.

1 Tehalonia 3:6 ပူးပေါင်းရင်းမြစ်များ

Gāluega 16:1

Kua fakaauau pea te malaga a Paulo ki Tepene ma Luotala; te mea nae nofo ai he tino Kelihiano e igoa ki a Timoteo. Ko tona mātua he tino Kelihiano foki, ma ko he Iutaia, ka ko tona tamana he Eleni.

Gāluega 18:1

Kua teka atu nā mea iēnā, oi fano ai ia Paulo mai Atenai ki Kolinito.

Gāluega 18:5

I te taunuku ifoga o Hila ma Timoteo mai Maketonia, oi tuku ai loa e Paulo nā gāluega a ia nae fai kae kua fakaaogā tona taimi kātoa ke folafola ai te fekau ma fakamanino lelei ki tagata Iutaia, ko Iehu ko te Mehia.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 13:13

Ko nā mea la iēnei e tolu, ko te fakatuatua, ko te fakamoemoe ma te alofa; kae ko te mea e hili i nā mea iēnei, ko te alofa.

Kalatia 5:6

Auā kāfai ki tātou e i te hokotaga ma Keliho Iehu, e hēai lele he mea e kehe ai pe kua pelitome pe hēai. Oioti lava te mea e tāua ko te koutou fakatuatua e mafai ai koutou ke alolofa ki iētahi tagata.

Filipi 1:8

E iloa e te Atua te naunau lahi o toku loto ke feiloaki ki tātou. E ia iloa ko au e alofa lele atu ki a te koutou e vē foki lava ko te alofa o Keliho Iehu.

Kolohe 1:4

Auā kua fakalogo ki mātou ki te koutou fakatuatua ki a Keliho Iehu, ma te koutou alolofa ki tagata uma o te Atua.

Kolohe 4:18

Ko toku lima lava te tuhi atu ai au vēnei: Ni alofaaga mai ia Paulo. Nahe puli i oku filifili e noanoa ai au. Ke ia te koutou te alofa tūnoa o te Atua.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

1 Tehalonia 2:17

Kae e vē la ko ki mātou, te kau uho, ko ki mātou na tāofia ke nahe oatu ki a te koutou mo he taimi — na tāofia oioti i o mātou tino kae hē i o mātou māfaufau — te mihia ko o koutou e ki mātou, ma nae taumafai mālohi lava ki mātou ke toe feiloaki ma koutou.

1 Tehalonia 2:9

Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

1 Tehalonia 3:7

E ui lava la i nā fakafītāuli ma nā puapuagā e fetaiaki ma ki mātou, ko ki mātou kua fiafia lele ona ko koutou nā uho ma nā tuafafine. Ko te koutou fakatuatua kua fai ma fakamālohiaga ki a te ki mātou

2 Tehalonia 1:3

Te kau uho, ko ki mātou e tatau ke fakafetai pea ki te Atua i aho uma ona ko koutou. Ko he mea tēnei e tonu ma tatau ke fai e ki mātou, ona ko te fakatuatua o koutou kua tuputupu pea lava ma ko te alofa o koutou uma tau tokatahi mo tētahi ki tētahi, e gaholo lava e lahi.

1 Timoteo 1:5

Ko te ala o te fakatonuga tēnei kae ke tupu ake ai te alofa e hau mai te loto mamā, te lotofuatia lelei ma te fakatuatua moni.

2 Timoteo 1:3

Ko au e fakafetai ki te Atua, tē e kaukauna au ki ei ma te lotofuatia e mamā e vē ona faia e oku tupuna, ma e manatua pea lava koe i aku tatalo i te pō ma te ao.

Filemoni 1:5

Auā kua fakalogo au ki tō alofa ki tagata o te Atua, ma tō talitonu ki te Aliki ko Iehu.

Epelu 13:3

Ke manatua e koutou nā tino i te falepuipui, e vē lava koutou ni tino nae i te falepuipui ma ki lātou. Ke manatua nā tino puapuagā e vē lava ko koutou ni tino nae puapuagā e vē ko ki lātou.

Epelu 13:7

Māfaufau ki nā takitaki muamua o koutou kua momoe atu, iēia na ki lātou fakailoa atua te kupu a te Atua ki a te koutou. Māfaufau ki o lātou ōlaga ma pe na vēhea ona feoti, ma fakatakitaki ki to lātou fakatuatua.

1 Ioane 3:23

Ko te Atua e fofou ko ki tātou ke talitonu ki tona Ataliki ko Iehu Keliho, ma ke alofa tētahi ki tētahi. Ko tēnei foki lava te mea na fakatonu mai e Keliho ke fai e ki tātou.