1 Tehalonia 3:4 - Tokelauan New Testament

⁴ Auā ka koi i ei ai ki mātou ma koutou, na taku atu lava e ki mātou i te taimi muamua tēnā, ko ki mātou ka maua i nā fakahāuāga; ma e vē ona koutou iloa, na taunuku lava nā mea iēnei.

1 Tehalonia 3:4 ပူးပေါင်းရင်းမြစ်များ

Mataio 24:25

Fakalogo lelei mai koutou! Ko au kua lea atu i nā mea iēnei, ka ko hēki pa ki te taimi e tutupu ai.

Gāluega 17:1

Na fakaauau pea te malaga a Paulo ma Hila, kua kui loto atu i Amefipoli ma Apolonia, oi taunuku ai ki Tehalonika, te mea nae i ei ai he hūnako.

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

1 Tehalonia 2:14

Te kau uho, e tutuha lava te mea na pa koutou ki ei ma te mea na pa ki ei nā tino kua ia Keliho Iehu i nā Ekalehia a te Atua i Iutea. Na pakia koutou i nā fakahāuāga mai nā tino lava o koutou, e vē foki lava oi pakia ki lātou i nā fakahāuāga a tagata Iutaia,

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

2 Tehalonia 2:5

E hē koutou manatua? Na lea atu au ki a te koutou ki te mea iēnei, ka koi i ei au fakatahi ma koutou?

2 Tehalonia 3:10

Ka koi fakatahi ki tātou, nae māhani oi lea vē atu ki mātou, “Ko te tino e hē fia galue e hē tatau ke kai.”