1 Tehalonia 3:11 - Tokelauan New Testament

¹¹ Ke hāunia e te Atua te Tamana ma to tātou Aliki ko Iehu, he avanoa ke oatu au ai ki mātou ke feiloaki ma koutou.

1 Tehalonia 3:11 ပူးပေါင်းရင်းမြစ်များ

Mataio 6:14

“Auā kāfai e fakamāgalo e koutou ia hehē o iētahi tino ki a te koutou, ka vēnā foki oi fakamāgalo koutou e te koutou Tamana i te lagi.

Mataio 6:18

kae ke nahe iloa e nā tino ko koe e fakalāina — nā ko tō Tamana oioti, e hē kitea e he tino, te ka ia iloa. Ko te koutou Tamana e ia kitea au mea e fai munimuni, ma ka fōki atu e ia tō taui.

Mataio 6:26

Kikila koutou ki nā manulele: e hē ki lātou totōa ni fatu haito, fakaputu he helehelega ma tuku ki loto o nā fale haito; kae e tauhi pea lava ki lātou e te koutou Tamana i te lagi. E hē hili lele atu nei te tāua o koutou i lo nā manulele?

Mataio 6:32

Auā ko nā mea uma iēnei e popole pea lava ki ei ia tagata nukukehe; ma e iloa e te koutou Tamana i te lagi ko nā mea uma iēnei e manakomia e koutou.

Mataio 6:4

kae ke nahe iloa ai e he tino tau fehoahoani kua fai. E kitea e te koutou Tamana nā mea e fai munimuni, ma ka fōki atu e ia he taui mo koe.

Mataio 6:6

Kāfai koe e tatalo, fano ki tō potu, tapuni te faitotoka, oi tatalo ai ki tō Tamana. Ko tō Tamana e hē kitea e he tino, kae e kitea e ia au mea e fai munimuni, ma ka ia fōki atua tō taui.

Maleko 1:3

Ko te leo o he tino e taukalaga i te vao; ‘Hāuni te auala o te Aliki; fakahakohako he auala mo ia ke kui ai!’ ”

Luka 12:30

(Auā ko nā mea iēnei e popole ki ei nā tino fakapaupau o te lalolagi tēnei.) E iloa e te koutou Tamana ko nā mea iēnei e manakomia e koutou.

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Loma 1:3

Ko te Tala Lelei e fakatatau ki tona Ataliki, to tātou Aliki ko Iehu Keliho! I tona itū tagata, na tupuga mai ia Tavita. Kae ko te Agaga Paia na fakamāonia ai ko Iehu ko te Ataliki o te Atua, ma e uiga kehe tona mālohi i te kua toe fakatū mai i te oti.

2 Kolinito 6:18

Ka fai au ma outou tamana, ma ko koutou ni ataliki ma ni afafine e ōku, kua vāgana ai te Aliki Hilihilikehe.”

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

Kolohe 1:2

Ki tagata o te Atua i Kolohe, o mātou uho fakamāoni i te māfutaga fakatahi ma Keliho: Ke ia te koutou te alofa tūnoa ma te fīlēmū mai te Atua to tātou Tamana.

1 Tehalonia 3:13

I te faiga tēnei, ka ia fakamākekea koutou, ma ka lelei kātoatoa ai koutou ma paia i te fakatahi mai o to tātou Atua te Tamana, kāfai to tātou Aliki ko Iehu e haele mai ma ki lātou uma e o ia.

1 Tehalonia 4:16

Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

1 Tehalonia 5:23

Ke fakapaiagia kātoatoa koutou e te Atua e o ia te fīlēmū, ma tauhi ki outou tagata kātoatoa — i te itū ki te agaga, te loto, ma te tino — ke aunoa ma he hehē, kāfai e afio mai to tātou Aliki ko Iehu Keliho.

2 Tehalonia 2:16

Ke fōki mai ki a te ki tātou i te alofa tūnoa o to tātou Aliki ko Iehu Keliho ma te Atua to tātou Tamana, tē e alofa mai ki a te ki tātou, te fakamāfanafanaga tūmau ma te fakamoemoe mautū,

2 Tehalonia 3:16

Ke fōki atu e te Aliki o te fīlēmū ki a te koutou i taimi uma ma aho uma lava, te fīlēmū. Ke fakatahi pea lava te Aliki ma koutou.

2 Tehalonia 3:5

Ke takitaki e te Aliki outou loto ke ātili mālamalama ai koutou e uiga ki te alofa o te Atua ma e uiga ki te onohai o Keliho.

1 Ioane 3:1

Kikila ki te lahi lele o te alofa o te Tamana ki a te ki tātou! Ko te lahi o tona alofa kua takua ai ki tātou ni fānau e a te Atua — ma e moni lava te mea tēnei. Ko te mea ia e hē iloa ai e te lalolagi ki tātou, ona e hē ki lātou iloa te Atua.

Fakaaliga 21:3

Na lagona atu e au he leo e tautala leo lahi mai te nofoāliki e lea vē: “Kikila, ko te fale o te Atua kua i te mea e i ei ona tagata! Ka nofo fakatahi ia ma ki lātou, ma ka kavea ki lātou ma ona tagata. Ko te Atua ka i ei ma ki lātou, ma ka fai ia ma Atua o ki lātou.