1 Tehalonia 3:10 - Tokelauan New Testament

¹⁰ I te pō ma te ao ko ki mātou e ole atu ki a te ia ma o mātou loto kātoatoa, ke maua he tātou feiloakiga ma kavatu ki a te koutou nā mea e manakomia e koutou ke haga mautū ai te koutou fakatuatua.

1 Tehalonia 3:10 ပူးပေါင်းရင်းမြစ်များ

Gāluega 26:7

ko tēnei tonu lava te mea e fakamoemoe ia tagata o nā puikāiga e hefululua o Ihalaelu ke ki lātou mauagia, ka koi tāpuaki pea lava ki lātou ki te Atua i te ao ma te pō. Ona ko te fakamoemoe tēnei, Tau Afioga te Tupu, kua mōlia ai au e nā tino Iutaia iēnei!

2 Kolinito 1:15

Na mautinoa lelei lava e au te mea tēnei, ma ko te mea ia na fuafua ai e au ke fanatu muamua au ki a te koutou, kae ke fakaluaina ai te lahi o nā fakamanuiaga e maua e koutou, i toku āhiāhi atu fakalua.

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

2 Kolinito 13:11

Ma i te taimi nei la, ko au e fakatōfā atu ki a te koutou oku uho. Hui autou āmio ma fakalogo ki nā mea kua lea atu ai au. Fealofani ma ola i te fīlēmū, ma ka fakatahi te Atua o te alofa ma te fīlēmū ma koutou.

2 Kolinito 13:9

Ko ki mātou e fiafia kāfai ki mātou e vāivai kae mālolohi koutou. Ma ko ki mātou foki la e tatalo ke hili atu te tūlaga ka i ei ai koutou.

Filipi 1:25

E mautinoa e au te mea tēnei, ma e iloa e au ko au e hē oti kae ka fakatahi pea au ma koutou uma, ke fakatupu ātili ai te koutou fiafia e ala i te talitonu ki a Iehu Keliho;

Kolohe 1:28

Oi e folafola la e ki mātou te fekau e uiga ki a Keliho, ki tagata uma. E lapataki ma akoako e ki mātou e ala i te poto kua ki mātou mauagia, kae ke mafai ai ke kaumai ki lātou tau tokatahi ki mua o te Atua, kua āmio fakatagata matua i te māfutaga ma Keliho.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

1 Tehalonia 3:11

Ke hāunia e te Atua te Tamana ma to tātou Aliki ko Iehu, he avanoa ke oatu au ai ki mātou ke feiloaki ma koutou.

2 Tehalonia 1:11

Ko te mea ia e tatalo ai pea lava ki mātou mo koutou. Ko ki mātou e tatalo ki to tātou Atua, ke kavea koutou ma tagata e tatau ma onomea mo te itūkāigā ōlaga kua ia kalagagia ai koutou ke ola ai. Ke fakataunuku e ia i tona mana, outou manakoga uma lele mo nā mea lelei, ma fakataunuku autou gāluega e fai ona ko te koutou fakatuatua.

2 Timoteo 1:3

Ko au e fakafetai ki te Atua, tē e kaukauna au ki ei ma te lotofuatia e mamā e vē ona faia e oku tupuna, ma e manatua pea lava koe i aku tatalo i te pō ma te ao.

Filemoni 1:22

Ko tētahi mea la, hāuni ko he potu mo oku, auā ko au e fakamoemoe ka tali mai te Atua ki autou tatalo, ma ka mafai ai au ke toe fanatu ki a te koutou.

Fakaaliga 4:8

Ko nā meaola takitahi e taki ono o lātou kapahau, ma e tumu o lātou tino i nā pukāmata e fakatāmilo ke pa ki lalo o nā kapahau. I te pō ma te ao, e hē uma lele a lātou pēhega: “E paia, e paia, e paia, te Aliki te Atua Hilihilikehe te Mālohi, tē e ola nei, nae ola pea lava, ma ka haele mai.”

Fakaaliga 7:15

Ko te mea ia e tutū ai ki lātou i mua o te nofoāliki o te Atua ma tautua ki a te ia i te ao ma te pō, i tona mālumalu. Ko tē e nofo i te nofoāliki, ka ia puipuia ki lātou i tona ei ma ki lātou.