1 Tehalonia 2:9 - Tokelauan New Testament

⁹ Te kau uho, e manatua lelei lava e koutou nā gāluega fītā nae fai e ki mātou. Nae gālulue ki mātou i te ao ma te pō, kae ke nahe kavea ki mātou ma kavega ki a te koutou, i te taimi nae folafola atu ai e ki mātou te Tala Lelei mai te Atua, ki a te koutou.

1 Tehalonia 2:9 ပူးပေါင်းရင်းမြစ်များ

Luka 18:7

Ka hē fehoahoani nei te Atua ki ona tagata e tatalo atu pea lava ki a te ia i te ao ma te pō, mo tana fehoahoani? E i na tuai nei oi fehoahoani te Atua ki a te ki lātou?

Gāluega 18:3

oi nofo ai ma faigāluega ma te toka lua tēnei, auā ko tana gāluega nae fai ke ola ai ia ko te fai falekie, e vē foki lava ko nā gāluega a te toka lua tēnei.

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Gāluega 20:31

Koutou la ke mataala, ma ke manatua te lahi o nā loimata na maligi i te pō ma te ao, i te tolu tauhaga nae kō akoakoa ai koutou uma tau tokatahi.

Loma 1:1

Mai ia Paulo, he kaukauna e a Keliho Iehu, ma ko he apohitolo na kalagagia ma filifilia e te Atua, ke tālakia tana Tala Lelei.

Loma 15:16

ke kavea ai au ma kaukauna a Keliho Iehu ke galue mo tagata nukukehe. Ko au e tautua e vē he ohitāulaga i te tālakiga o te Tala Lelei mai te Atua, kae ke ofo atu ai e te Agaga Paia ia tagata nukukehe ma tāulaga e fiafia ai te Atua.

Loma 15:19

i te mana o nā vāvega ma nā mea ofoofogia, ma i te mana o te Agaga o te Atua. Ma kua uma te tālaki e au te Tala Lelei ki a Keliho, e kāmata mai i Ieluhalema ke pa ki Ilulikou.

1 Kolinito 4:12

ma e fakaaogā o mātou lima i nā gāluega fītā. Kāfai ki mātou e fetū e tagata, e fakamanuia e ki mātou; kāfai ki mātou e maua i nā hāuāga, e onohai ki mātou;

1 Kolinito 9:15

Kae e hēki kō fakaaogāgia lele nā aiātatau iēnei, ma ko au foki e hē tuhi atu kae ke maua ai e au. E hili atu ai toku oti, i lo te kave kehea e he tino o te mea e fāfia ai au.

1 Kolinito 9:18

He totogi a la to oku e maua? Ko te avanoa ke tālaki ai te Tala Lelei e aunoa ma he totogi, e aunoa ma hoku tagi ki aku aiātatau i taku galue mo te Tala Lelei.

1 Kolinito 9:4

E hē ia te au nei te aiātatau ke fōki mai ai haku meakai ma haku vai inu e tuha ai ma taku gāluega e fai?

2 Kolinito 11:27

Ko au nae galue ma te fītā; e lahi nā pō nae hē maua haku moe; nae fia kaia ma fia inua; e lahi nā taimi nae hē maua ai haku mea ke kai, he mea ke fakamalu ki ei, pe ni kofu ke fakamāfanafana ai.

2 Kolinito 11:9

Ma i te taimi tēnā, e hēki fakafītā lele atu au ki a te koutou, kāfai au e fofou ki he tupe; ko nā mea uma lele na manakomia e au, na kaumai e nā uho Kelihiano i Maketonia. E hēki fakafītā atu au ki a te koutou i te taimi kua teka, e vēnā foki oi hē fakafītā au ki a te koutou i te lumanaki.

2 Kolinito 6:5

Ko ki mātou e kini, e falepuipui ma ogohia i te nunu fetunaki mai o tagata; e gālulue fītatā ma tau hē maua he moe, ma fia kakaia.

Filipi 4:16

Ke pa foki lava ki te taimi nae i Tehalonika ai au, na fehoahoani fakafia mai lava koutou ki a te au.

1 Tehalonia 1:3

Auā e manatua e ki mātou i mua o to tātou Atua ma te Tamana, autou gāluega lelei e fai ona ko te koutou talitonu ma te koutou alolofa, ma te tūlaga mautū e i ei te koutou fakatuatua ki te Aliki ko Iehu Keliho.

1 Tehalonia 2:2

E iloa e koutou ko ki mātou na pagātia ma fakamahiahi e nā tino i Filipi ka ko hēki āhiāhi atu ai ki mātou ki a te koutou i kinā i Tehalonika. Ma e ui nae tokalahi e teteke mai, kae na fōki mai e te Atua te loto mākeke ke mafai ai e ki mātou oi fakailoa atu ki a te koutou te Tala Lelei mai ia te ia.

1 Tehalonia 2:6

E hēki taumafai ki mātou ke maua ni o mātou vīkiga mai tagata, pe mai ia te koutou, pe mai i iētahi tino,

1 Tehalonia 3:10

I te pō ma te ao ko ki mātou e ole atu ki a te ia ma o mātou loto kātoatoa, ke maua he tātou feiloakiga ma kavatu ki a te koutou nā mea e manakomia e koutou ke haga mautū ai te koutou fakatuatua.

1 Timoteo 1:11

e tuha ai ma te tala lelei gali a te Atua tē e viviki ki ei ia tagata, kua tuku mai ke folafola e au.

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.

1 Timoteo 5:5

Ko he fafine kua oti tana āvaga e nofo tautahi ma hēai he tino e ia tauhiagia, kua tukutahi tona fakamoemoe ki te Atua, ma e tatalo pea lava i te ao ma te pō, mo he fehoahoani.

2 Timoteo 1:3

Ko au e fakafetai ki te Atua, tē e kaukauna au ki ei ma te lotofuatia e mamā e vē ona faia e oku tupuna, ma e manatua pea lava koe i aku tatalo i te pō ma te ao.