1 Tehalonia 2:4 - Tokelauan New Testament

⁴ Kae ko ki mātou e tautatala lava i te mea e fofou ki ei te Atua, auā kua uma te ia fakatagagia o ki mātou, ke tālakia te Tala Lelei. E hē taumafai ki mātou ke fai te mea e fiafia ki ei ia tagata, kae ko te mea e fiafia ki ei te Atua, tē e ia kiteagia nā mea i o mātou loto.

1 Tehalonia 2:4 ပူးပေါင်းရင်းမြစ်များ

Luka 12:42

Kua lea atu te Aliki, “Ko ai la te kaukauna e fakamāoni ma poto? Ko ia tē ka tōfia e tona matai te pule i ana kaukauna, ma fakahoa a lātou meakai i te taimi tatau?

Luka 16:11

Kāfai la koe kua hē fakamāoni i te kikilaga o nā koloa e maua i ni auala kino, e vēhea ake la ona mafai ke tuku atu nā koloa moni, ke kē kikilagia?

Ioane 21:17

Kua fakatolu oi fehili atu ia Iehu, “Himona, te ataliki o Ioane, e alofa mai koe ki a te au?” Kua lagona e Petelu te fakanoanoa ona kua fakatolu oi fehili ake ia Iehu, “E alofa mai koe ki a te au?” oi lea vē atu ai, “Te Aliki, e iloa e koe nā mea uma; e iloa e koe ko au e alofa atu ki a te koe!” Kua vāgana atu ia Iehu ki ei, “Tauhi aku māmoe.

Loma 8:27

Ma ko te Atua, tē e ati tana kikila ki o tātou loto, e ia iloa te mea e i te māfaufau o te Agaga; auā ko te Agaga e ole ki te Atua mo ona tagata, ma e tuha ai ma tona finagalo.

1 Kolinito 7:25

E vē la ko te mea na tuhi mai ai koutou e uiga ki nā tino e hēki fakaipoipo: E hē ia te au he fakatonuga mai te Aliki, kae e kavatu hoku lagona, ma e mafai ke talitonu mai koutou ki a te au, ona kua fakaalia te alofa tūnoa o te Aliki ki a te au.

1 Kolinito 9:17

Anei taku gāluega na fai i toku lava loto malie, e fakamoemoe au ko au e totogi; kae e kō faia ona ko he tiute kua tōfia ai au e te Atua.

2 Kolinito 2:17

Ko ki mātou e hē vē ko te tokalahi o iētahi tino; e folafola e ki lātou te fekau a te Atua kae ke maua ai ni a lātou tupe; kae ona ko ki mātou na uga mai e te Atua, ko ki mātou e tautatala ma te fakamāoni i mua o te Atua, e ala ia Keliho.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

2 Kolinito 5:16

Ko te mea ia, e kāmata atu nei, e hē toe ki tātou fakamahinoa he tino, i te kikilaga fakatetagata. E ui lava na i ei te taimi na ki tātou fakamahinoa ai ia Keliho i te kikilaga fakatetagata, kae kua hē toe fai vēnā e ki tātou nei.

Kalatia 1:10

Ko au e hē lea vēnei atu ona ko au e fofou ki te mea e fiafia ai ia tagata. Hēai! Ko te mea e fofou au ki ei, ko te mea e fiafia ki ei te Atua. Ko au e hē taumafai ke fiafia mai ia tagata ki a te au. Kāfai ko tēnei te mea e fai e au, ko au la e hē ko he kaukauna e a Keliho.

Kalatia 2:7

Kae na ki lātou iloa ko te tālakiga o te Tala Lelei ki tagata nukukehe, ko he mea na tuku mai e te Atua ki a te au ke fai, e vē foki lava oi tuku atu e ia ki a Petelu, te tālakiga o te Tala Lelei ki tagata Iutaia.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

Efeho 6:6

Nahe koutou faia oioti kāfai e kikila atu, kae ke fiafia atu ai ki a te koutou; kae fai ma te loto kātoatoa, koutou nā pologa a Keliho, te mea e finagalo ki ei te Atua.

Kolohe 3:22

Koutou nā pologa, uhitaki ki outou matai fakatetino i nā mea uma lele, nahe koutou uhitaki oioti ona e kikila atu kae ke taku leleia ai koutou; kae fai ma te koutou loto fakamāoni, ona ko koutou e mātataku i te Aliki.

1 Timoteo 6:20

Timoteo, tauhi lelei ki te mea kua fōki atu e te Atua ke kikila e koe. Ia koe nahe fakalogo ki nā tino e faia nā fakamatalaga valea ma hē mīgao, iē e lea iētahi tino ko te “poto.”

2 Timoteo 1:14

Puipui lelei ki nā mea kua tuku atu ki a te koe e ala i te mana o te Agaga Paia e mau i loto o ki tātou.

2 Timoteo 2:2

ma ko nā mea kua fakalogo koe e akoako e au i mua o tagata e tokalahi, ke vēnā foki oi tuku atu e koe ki ni tino fakamoemoegia, ke ki lātou akoako atua ki iētahi tino.

Tito 1:3

ma i te taimi tatau, na ia fakailoa ai te mea tēnei, e ala i tana kupu na tuku mai ki a te au, ma e kō folafolagia e tuha ai ma te fakatonuga a te Atua to tātou Fakaola.

Epelu 4:13

E hēai lele he mea e mafai ke mumuni i te Atua; ko nā mea uma lele na gaohia e hula ma e manino lele i te kikila a te Atua. Ma ko ia te tatau ki tātou ke tali atu ki ei, e tuha ai ma a tātou mea uma na fai.

1 Petelu 4:11

Kāfai ko tau meaalofa ko te poto oi tautala, folafola te fekau a te Atua. Kāfai ko tau meaalofa ko te fehoahoani ki iētahi tino, tautua la ki iētahi tino i te mālohi e fōki atu e te Atua. Kae e tatau nā mea uma iēnei ke fai i he auala e maua ai he vīkiga mo te Atua e ala ia Iehu Keliho, tē e o ia te mamalu ma te mālohi ke pa lava ki te hēgata.

Fakaaliga 2:23

Ka kō tāmatea foki nā tino e mulimuli ki te fafine, ma ka iloa ai e nā Ekalehia uma, ko au te tino e ia iloa ia manatu ma manakoga o tagata uma lele. Ka kō tauia koutou tau tokatahi uma, e tuha ai ma autou mea nae fai.