1 Tehalonia 2:18 - Tokelauan New Testament

¹⁸ Ko ki mātou nae fofou ke toe foki atu ki a te koutou. Na taumafai fakafia lava au ke toe foki atu, kae e hēki mafai ona ko Hātani.

1 Tehalonia 2:18 ပူးပေါင်းရင်းမြစ်များ

Mataio 4:10

Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Loma 15:22

Ma ko tēnei te māfuaaga nae hē mafai ai au ke āhiāhi atu ki a te koutou i te lahi o taimi.

1 Kolinito 16:21

I toku lima e tuhi ai e au te mea tēnei: Fakamanuiaga mai ia Paulo.

Filipi 4:16

Ke pa foki lava ki te taimi nae i Tehalonika ai au, na fehoahoani fakafia mai lava koutou ki a te au.

Kolohe 4:18

Ko toku lima lava te tuhi atu ai au vēnei: Ni alofaaga mai ia Paulo. Nahe puli i oku filifili e noanoa ai au. Ke ia te koutou te alofa tūnoa o te Atua.

2 Tehalonia 3:17

I toku lava lima e tuhi ai e au te mea tēnei: Alofaaga mai ia Paulo. Ko tēnei taku haini e fai ki aku tuhi takitahi uma; ko tēnei te faiga o aku tuhituhiga.

Filemoni 1:9

Kae ona ko au e alofa ki a te koe, ka hē kō fakatonua atu ai koe kae ko au ka fakatālohaga atu. E fai e au te mea tēnei e ui lava ko au ko Paulo, te hui o Keliho Iehu, ma i te taimi nei ko he pagotā ona ko toku tautua ki a Keliho.

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.