1 Tehalonia 2:16 - Tokelauan New Testament

¹⁶ Na taumafai foki ki lātou ke tāofi ki mātou mai te tālakiga o te fekau ki tagata nukukehe, te fekau e maua ai e ki lātou te fakaolataga. Ona ko a lātou faiga iēnei, kua kātoatoa lelei ai lava nā agahala uma lele e ki lātou faia pea lava. Ma i te taimi nei, ko te tōkahā o te Atua kua pakū ki o lātou luga.

1 Tehalonia 2:16 ပူးပေါင်းရင်းမြစ်များ

Mataio 12:45

Oi fano ai oi kaumai iētahi agaga e fitu e hili atu to lātou kino i lo ia, oi nonofo ai i kinā. E iku ake, kua hili atu te kino lahi o te tūlaga kua pa ia ki ei, i lo te mea nae i ei ai muamua. E vēnei foki lava te mea ka pa ki ei nā tino kino i nā aho nei.”

Mataio 23:32

He ā la te koi fakatali ai koutou, fai fakauma nā mea na kāmata e o koutou tupuna!

Mataio 24:14

Ma ko te Tala Lelei tēnei e uiga ki te Mālō o te Atua, ka tālaki atu ki te lalolagi kātoa ke fai ma fakamāoniga ki mālō uma oi fātoā pa mai ai loa te gataaga.

Mataio 24:6

Ka lagona e koutou te faitapiha mai o nā taua e pili mai ma nā fakamatalaga e uiga ki ni taua i nā mea mamao, kae ia koutou nahe mātataku. Ko nā mea iēnei e tatau lava ke tutupu, kae e hē vēake ai la ko te ikuga kua pa mai.

Mataio 3:12

Kua i tona lima tana huō tuihaito ke lūlū kehe ai nā atigi haito, ma fakaputu nā fuāhaito ki loto o tona falehaito; kae ka huhunu e ia nā atigi haito i te afi e hē mafai ke mate.”

Maleko 16:16

Ko ai lava e talitonu ma papatihogia, ka fakaolagia; ka ko ai lava e hē talitonu, ka fakahalagia.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 13:50

Kae kua fakakupu e nā tino Iutaia nā takitaki o te kakai ma nā fafine nukukehe fakaaloalogia kua talitonu ki te Atua, ke teteke mālohi ki a Paulo ma Panapa, ma ke tuli kehe mai to lātou pitonuku.

Gāluega 14:19

E i ei ni tino Iutaia na ōmamai mai Anitioka i Pihitia ma Ikononu; na ki lātou mafaia oi tataki ia manatu o te kaifenua ke kau ake ki a te ki lātou. Na fetogi e ki lātou ia Paulo i nā fatu ma toho ki fafo o te kakai, ma to lātou manatu lava ko Paulo kua mate.

Gāluega 14:2

Kae ko tagata Iutaia e hēki mafai ke talitonu, ma kua fakakino e ki lātou ia loto o tagata nukukehe, kae ke teteke atu ai ki lātou ki nā tino kua talitonu.

Gāluega 14:5

Oi fai ai te tonu a ni tino nukukehe ma ni tino Iutaia fakatahi ma o lātou takitaki, ke honafai nā apohitolo ma ke fetogi i nā fatu.

Gāluega 17:13

Kae i te lagonaga e nā tino Iutaia i Tehalonika kua folafola foki e Paulo te kupu a te Atua i Peloia, oi olo ai foki ki ei ma kāmata oi fakaohooho ki nā tino kae ke tupu ai foki he vevehi.

Gāluega 19:9

Kae ko iētahi o ki lātou kua loto makaka ma hē fia talitonu, ma faikupu fakatafafai i mua o tagata, e uiga ki te Ala o te Aliki. Oi na tuku ai loa e Paulo ki lātou, kae kua fano ma kave nā tino kua talitonu, ma ko aho uma lava nae fai ana fakatalatalanoaga i te potu e fai ai nā akoakoga a Tulano.

Gāluega 21:21

Kua uma te ki lātou iloa tau gāluega e fai i te akoakoga o tagata Iutaia uma e aumau i nā nukukehe, ke nahe toe mulimuli ki te Tūlāfono a Mohe, ma ke nahe toe pelitomea a lātou fānau, pe tauhihi ki nā tū faka-Iutaia.

Gāluega 23:12

I te taeao na hohoko ai, na fono fakatahi ai ni tino Iutaia ma na fai ai te lātou tonu. Na fai te lātou tautōga ko ki lātou e hē kakai lele pe inu, heiloga ko Paulo kua tāmate e ki lātou.

Gāluega 24:9

Na kaukau fakatahi foki nā tino Iutaia ki nā mōliga tēnei, ma lea ko nā mea uma iēnei e hako.

Gāluega 25:2

Kua fakailoa ki a Fehetone e nā ohitāulaga hili ma nā takitaki o Iutaia e uiga ki a Paulo, ma fakatagi ki ei

Gāluega 25:7

I te pa maiga o Paulo, oi tutū ai nā tino Iutaia na ōmamai mai Ieluhalema i tafa o ia ma kāmata oi fai a lātou mōliga mamafa e lahi e uiga ki a Paulo, kae e hēki ki lātou mafaia oi tuku atu ni fakamāoniaga o a lātou mōliga.

Gāluega 4:12

Ko te fakaolataga e maua oioti lava e ala ia te ia; e hēai hētahi tino i te lalolagi kātoa kua fōki mai e te Atua, e ia mafaia oi fakaola ki tātou.”

Gāluega 9:23

Kua teka atu nā aho e lahi, oi maopoopo fakatahi ai nā tino Iutaia ma tau pulepule ke tāmate ia Haulo;

1 Kolinito 10:33

Fakatakitaki oioti ki nā mea e kō faia; e taumafai lava au ke fakamaliegia ia tagata uma i nā mea e kō faia, e aunoa ma he manatu ki he lelei mo oku lava, ka ko he lelei mo tagata uma, kae ke fakaola ai ki lātou.

Kalatia 5:11

Kae e vē la ko au, te kau uho, kāfai e tālaki pea e au ko te pelitome ko he mea e tatau ke fai, he ā la te koi fakahāuā mai ai pea ia tagata ki a te au? Kāfai au e lea ki nā tino ko te pelitome ko he mea e tatau ke fai, ko tona uiga ko te fekau e folafola e au e uiga ki te hātaulo, e hē tatau ke fai ma fakalavelave ki a te ki lātou.

Efeho 3:13

Ko te mea ia e lea atu ai au ki a te koutou, ia koutou nahe fakavāivai ona ko au e maua i puapuagā mo koutou; ko te mea tēnei e mo te manuia o koutou.

Efeho 3:8

E ui lava ko au ko te tino ia e pito hili ona fakatauva i lo tagata uma o te Atua, kae na tuku mai te alofa tūnoa e te Atua ki a te au, ke kō tālakia ki tagata nukukehe e uiga ki nā fakamanuiaga e lahi ma hē mafai oi fuafuagia, e maua ia Keliho

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

2 Tehalonia 2:10

ma fakaaogā nā āmioga hehē uma lele ki nā tino e tuku e fakaumatiagia. Ka fakaumatia ki lātou auā e hēki ki lātou taliagia ma alolofa ki te fekau moni e uiga ki to tātou Aliki, ma mafai ai ke fakaolagia ki lātou.

1 Timoteo 2:4

tē e fofou ko tagata uma ke fakaolagia, ma ke ki lātou iloa te meamoni.

Epelu 6:8

Kae kāfai e ola ake ai ni lākau tālatala ma ni vao kino, e hēai hona aogā, ma e ono fetū e te Atua ma huhunu i te afi.

Fakaaliga 22:11

Ko te tino e kino e tatau ke fai pea e ia nā mea e kino, ma ko te tino e ia te ia ni manatu kelekelea e tatau ke tūmau pea ia i nā manatu kelekelea; ko te tino e lelei e tatau ke fai pea lava ona uiga lelei, ma ko te tino e paia e tatau ke tūmau pea i tona paia.”