1 Tehalonia 2:10 - Tokelauan New Testament

¹⁰ Ko koutou a mātou molimau vēnā ma te Atua, ko a mātou faiga nae fai ki a te koutou tagata Kelihiano, nae mamā lava ma hako, ma hēai he mea na hehē ai.

1 Tehalonia 2:10 ပူးပေါင်းရင်းမြစ်များ

Luka 23:41

Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki i ei hana mea hehē na fai.”

Gāluega 20:18

Ma i to mātou taunuku atuga, oi lea atu ai ia Paulo ki a te ki lātou, “E iloa e koutou nā mea nae fakafano ki ei toku taimi i nā aho uma nae māfuta ai au ma koutou, mai te aho muamua lava na pa mai ai au ki te itūmālō o Ahia.

Gāluega 20:26

Ko te mea ia e takutino atu ai e au ki a te koutou i te aho tēnei: kāfai lava he tino o koutou e pakū ki te malaia, e hē ko au te na māfua ai.

Gāluega 24:16

Ma ko au la e taumafai i taimi uma ki te mea e gata mai ai toku mafai, ke mamā toku lotofuatia i mua o te Atua ma tagata.

2 Kolinito 1:12

Ko ki māua e mafai ke fāfifia auā ko o mā lotofuatia e mamā lava. Ko a mā gāluega i te lalolagi nei, kae maihe lava i te va ma koutou, e fai lava ma te fakamāoni ma te loto mamā mai te Atua. Ko te mana o te alofa tūnoa o te Atua te mafai ai nā mea iēnei, kae hē ona ko he poto o te tagata.

2 Kolinito 11:11

Ko au nei e lea vēnei ona ko au e hē alofa atu ki a te koutou? E iloa e te Atua ko au e alofa ki a te koutou!

2 Kolinito 11:31

Ko te Atua ma te Tamana o te Aliki ko Iehu — ke fakamanuia tona igoa ke pa ki te fakavavau — e ia iloa ko au e hē pepelo.

2 Kolinito 4:2

Kua tuku kehe e ki mātou nā uiga mātagā uma ma nā faiga fakalilolilo; e hē taumafai ki mātou ke fakahehē he tino, pe fakaliliu hehē te fekau a te Atua. E molimau te Atua ko ki mātou e tautatala oioti i te meamoni, ma ko te mea ia ka mafai ai ke talitonu mai nā tino ki a te ki mātou.

2 Kolinito 5:11

Kua iloa e ki mātou te mea e takua ko te mataku i te Aliki, ma ko te mea ia e fakamālohi atu ai ki mātou ki iētahi tino. Kua iloa lelei e te Atua ki mātou, ma e fakamoemoe ka vēnā foki oi iloa au e koutou i outou loto.

2 Kolinito 7:2

Tatala mai ko outou loto ki a te ki mātou. E hēki ki mātou fakahehēa he tino; e hēki fai kino ki mātou ki he tino, ma e hēki fakavalea e ki mātou he tino.

1 Tehalonia 1:5

Auā ko te Tala Lelei e hēki ki mātou kavatua ki a te koutou i nā kupu oioti, kae na kavatu foki i te mana o te Agaga Paia, ma te kātoatoa o te mautinoa ki te moni o te fekau. E iloa e koutou te ōlaga nae ola ai ki mātou ka koi māfuta fakatahi ai ki tātou, e mo te lelei o koutou.

1 Tehalonia 2:5

E iloa lelei lava e koutou ko ki mātou e hēki oatu ma ni tala ke fakafāfifia ai koutou, ma e hēki ki mātou fakaaogāgia foki ni fakakupuga kae ke vēake ai koutou ko a mātou gāluega e lelei — ko te Atua ko ta mātou molimau!

2 Tehalonia 3:7

Auā kua iloa lelei lava e koutou, ko koutou e tatau ke fakatakitaki mai ki a te ki mātou; ko ki mātou nae hē ola i he ōlaga paiē i te taimi nae fakatahi ai ki tātou.

1 Timoteo 4:12

Nahe i ei he tino e fakatauemu atu ona ko koe e tamaiti, kae ke kavea koe ma fakatakitakiga ki nā tino kua talitonu, e ala i tau tautala, tau āmio, tō alofa, tō fakatuatua, ma tō mamā kātoatoa.

2 Timoteo 3:10

Kae kua kē kitea te faiga o aku akoakoga, taku āmio, ma te mea e fakamoemoe au ki ei i toku ōlaga; kua kē kitea toku fakatuatua, toku fakapalepale, toku alofa, toku onohai,

1 Petelu 5:3

Nahe koutou taumafai ke pule mālohi ki nā tino e koutou kikilagia, kae taumafai ke fai koutou ma fakatakitakiga ki te lafu māmoe.