1 Tehalonia 1:9 - Tokelauan New Testament

⁹ E tākua e ki lātou uma te tali leleia o ki mātou e koutou i te oatuga o ki mātou, ma te liliu kehega o koutou mai nā tupua, kae kaukauna ki te Atua moni e ola pea lava,

1 Tehalonia 1:9 ပူးပေါင်းရင်းမြစ်များ

Mataio 16:16

Kua tali mai ia Himona Petelu, “Ko koe ko te Mehia, te Ataliki o te Atua tē e ola pea lava.”

Gāluega 14:15

“He ā te fai ai e koutou he mea vēnei? Ko ki māua ni tagata ola e vē foki lava ko koutou! Ko ki māua e i kinei ke folafola atu te Tala Lelei ki a te koutou, kae ke mafai koutou ke olo kehe mai nā mea iēnā e hēai he aogā, kae liliu ki te Atua na faia te lagi, te lalolagi, te tai, ma nā mea uma lele i ei, ma e ola pea lava.

Loma 9:26

Ma i te koga tonu lava na lea vē ai te Atua ki a te ki lātou, ‘E hē ni tino koutou e ōku,’ i kinā ka takua ki lātou ni fānau e a te Atua e ola.”

1 Kolinito 12:2

E vē ona koutou iloa i te taimi ka koi fakapaupau ai koutou, ko koutou nae fakahehē i nā itū e lahi, e ala i te koutou ifo ki nā tupua e hēai ni ola.

1 Tehalonia 2:1

Te kau uho, e iloa lelei lava e koutou ko te malaga a ki mātou na fanatu ki a te koutou na aogā.

1 Tehalonia 2:13

Ma e i ei foki tētahi māfuaaga e tatau ai ki tātou ke haga fakafetai ki te Atua. I te kaumaiga e ki mātou o te fekau a te Atua ki a te koutou, na fakalogo koutou ki ei ma koutou taliagia e hē vē ko he fekau mai tagata, kae e mai te Atua lava ia. Auā ko te Atua e galue i loto o koutou iēnā kua talitonu.

1 Timoteo 4:10

Ko ki tātou e fītatā auā ko ki tātou kua fakamoemoe tahi ki te Atua e ola pea, te Fakaola o tagata uma, kae maihe ki lātou kua talitonu.

Epelu 12:22

Kae ko koutou kua ōmamai ki te Mauga o Hiona, ma ki te kakai o te Atua e ola, te Ieluhalema i te lagi, fakatahi ma te afe ma afe o agelu.

1 Ioane 5:21

Taku fānau, koutou ke tau mamao ma nā atua pepelo!

Fakaaliga 17:2

Ko nā tupu uma o te lalolagi na momoe ma ia, ma ko nā tino e nonofo i te lalolagi kua konanā auā kua feinu ki te uaina o ona tuinanauga ki te tino.”