1 Tehalonia 1:6 - Tokelauan New Testament

⁶ Ko koutou na mulimuli ki nā fakatakitakiga a ki mātou ma te Aliki; ma e ui na puapuagā lahi ai koutou, kae na talia e koutou te fekau i te fiafia e maua mai i te Agaga Paia.

1 Tehalonia 1:6 ပူးပေါင်းရင်းမြစ်များ

Mataio 16:24

Oi vāgana atu ai ia Iehu ki ona hoko, “Kāfai he tino e fia mulimuli mai ki a te au, e tatau ke tīaki e ia nā mea e fiafia ia ki ei, kae amo tona hātaulo ma mulimuli mai ki a te au.

Ioane 8:12

Kua toe vāgana atu ia Iehu ki te kau Falehaio, “Ko au ko te mōlī mo tagata uma o te lalolagi. Ko te tino e mulimuli mai ki a te au, ka hē havali lele i te pōuli, kae ka maua e ia te mālamalama e takitakia ai ki te ola moni.”

Gāluega 13:52

Ko nā tino kua talitonu ki te Atua i Anitioka kua fakatumulia i te fiafia lahi ma, i te Agaga Paia.

Gāluega 5:41

I te olo kehega o te kau apohitolo mai te fono, na fiafia lele ki lātou ona ko te fakatāuagia o ki lātou e te Atua ke fakamātagāgia, i te igoa o Iehu.

Gāluega 9:31

Ma ko te mea ia na hēki toe maua ai te Ekalehia i Iutea, Kalilaia ma Hāmālia kātoa i ni fakahāuāga. Na tuputupu pea te tokalahi o tagata o te Ekalehia ma ola mātataku i te Aliki, e ala i te fehoahoani o te Agaga Paia.

Loma 15:13

Ke fakatumulia koutou e te Atua, te puna o te fakamoemoe, i te fiafia ma te fīlēmū e ala i te koutou fakatuatua, kae ke tupu ai pea te koutou fakamoemoe, i te mana o te Agaga Paia.

1 Kolinito 11:1

Fakatakitaki mai la ki a te au, e vē oi fakatakitaki au ki a Keliho.

1 Kolinito 11:2

Ko au e fakamālō atu ki a te koutou auā e koutou manatua pea lava au ma tauhi ki aku akoakoga na tuku atu ki a te koutou.

1 Kolinito 4:16

Ko au la e fautua mālohi atu ki a te koutou, ko koutou ke mulimuli ki aku fakatakitakiga.

2 Kolinito 6:10

e ui e fakanoanoa, kae ko ki mātou e fiafia i taimi uma; e ui e vē ki mātou e mātitiva, kae kua maukoloa te tokalahi o tagata ona ko ki mātou; e ui e vē ki mātou e hēai ni mea, kae ko nā mea uma lele e a ki mātou.

2 Kolinito 8:5

Kua lahi atu lele tēnei i lo te mea nae fakamoemoe ki mātou ki ei. Na muamua oi ofo atu o lātou tagata ki te Aliki; ma ofo mai ai ki a te ki mātou, e vē lava ko te finagalo o te Atua.

Kalatia 5:22

Kae ko te Agaga e fua mai ai te alofa, te fiafia, te fīlēmū, te onohai, te agalelei, te āmio lelei, te fakamāoni,

Efeho 5:1

Ona ko koutou ni fānau fakapelepele e a te Atua, e tatau ai koutou ke taumafai ke vē koutou ko ia.

Filipi 3:17

Te kau uho, fakatakitaki mai ki a te au, ma ke maua he koutou akoakoga mai nā tino e mulimuli ki nā fakatakitakiga kua tuku atu e ki mātou mo koutou.

2 Tehalonia 1:4

Kua kavea ai la koutou ma mea e fāfifia ai ki mātou i loto o nā Ekalehia a te Atua. Ko ki mātou e fāfifia ona e ui lava e maua koutou i nā fakahāuāga ma puapuagā, kae e tūmau pea lava te koutou onohai ma te koutou fakatuatua.

2 Tehalonia 3:7

Auā kua iloa lelei lava e koutou, ko koutou e tatau ke fakatakitaki mai ki a te ki mātou; ko ki mātou nae hē ola i he ōlaga paiē i te taimi nae fakatahi ai ki tātou.

2 Tehalonia 3:9

Na fai e ki mātou te mea tēnei, e hē vē ona e hē ia te ki mātou he aiātatau ke lea atu ai ki nā mea e tauhi ai ki mātou; kae na ki mātou faia ke fai ma fakatakitakiga ke mulimuli koutou ki ei.

2 Timoteo 4:2

ke tālaki te fekau. Ke fai pea lava e koe te mea tēnei, e tuha lava pe he taimi e talafeagai pe hēai. Fakahako nā tino ma fakailoa ki ei o lātou hehē. Fakamālohi ki a te ki lātou i au akoakoga ma ke lava tō onohai.

Epelu 10:34

Nae puapuagā fakatahi koutou ma nā tino nae falepuipui, ma i te kave fakamālohiga o autou meatōtino, na talia ma te fiafia e koutou, auā na iloa e koutou koi i ei lava ia te koutou nā mea e hili atu te tāua, ni mea e tūmau pea lava ke pa ki te fakavavau.

1 Petelu 1:6

Koutou ke fiafia e tuha ai ma te mea tēnei, e ui lava ko koutou e tatau ke fakanoanoa mo hina taimi, ona ko te mau tofotofoga e pa koutou ki ei.

1 Petelu 1:8

E ui lava ko hēki kikila koutou ki a Iehu, kae ko koutou e alolofa ki ei, ma e ui lava e hē koutou kitea i te taimi nei, kae ko koutou e talitonu ki ei. Te lahi lele la o te fiafia o koutou e hē mafai ke fakamatalagia,

1 Petelu 3:13

Ko ai te ka ia faia he mea ke āfāina ai koutou, kāfai koutou e naunau ke koutou faia te mea e hako?

3 Ioane 1:11

Te uō pele, nahe kē fakatakitaki ki te mea e kino, kae fakatakitaki ki te mea e lelei. Ko te tino e ia faia te mea e lelei e o te Atua ia; ko te tino e ia faia te mea e kino, ko hēki ia kiteagia te Atua.