1 Petelu 5:8 - Tokelauan New Testament

⁸ Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

1 Petelu 5:8 ပူးပေါင်းရင်းမြစ်များ

Mataio 13:39

ko te fili na ia totōa nā vao kino, ko te Tiāpolo tēnā. Ko te helehelega ko te ikuga tēnā o te ōlaga nei, ka ko ki lātou e helehelea, ko te kau agelu.

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Mataio 4:1

Oi tataki ai ia Iehu e te Agaga ki te vao ke fakaohooho e te Tiāpolo.

Mataio 4:11

Oi fano kehe ai te Tiāpolo, kae kua ōmamai nā agelu oi fehoahoani ki a Iehu.

Maleko 4:15

Ko iētahi tino e fakatuha ki nā fatu haito na lūlū ki luga o te auala; ko te taimi lava e ki lātou lagona ai te fekau, oi hau ai ia Hātani oi toe kave kehe.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Luka 22:31

“Himona, Himona! Kikila, kua ia Hātani te fakatagaga mai te Atua ke ia tofotofoa ai koutou uma, ma tuku kehekehe nā tino lelei mai nā tino kino, e vē oi tuku kehekehe e te faifatoaga te haito mai te atigi haito.

Ioane 8:44

Ko koutou ko nā fānau a te koutou tamana, te Tiāpolo, ma e fofou lava koutou ke fai te mea e fofou ia ki ei. Mai te kāmataga, ko ia ko he fahioti tagata ma nae hē fofou lele ki te meamoni, ona e hēai he meamoni e ia te ia. Kāfai e tautala i te pepelo, e fai lava e ia te mea kua māhani ai, auā ko ia ko he tino talapepelo, ma ko te tamana o talapepelo uma.

2 Kolinito 2:11

kae ke nahe mafai ai ia Hātani ke manumālō ia te ki tātou; auā kua ki tātou iloa lelei ana fuafuaga.

Efeho 4:27

Nahe tukua e koutou he avanoa ki te Tiāpolo.

Efeho 6:11

Kokofu i nā kofutau kātoatoa uma e fōki atu e te Atua, kae ke koutou mafaia ai oi teteke atu ki nā togafiti kino a te Tiāpolo

1 Timoteo 2:15

Kae ka maua e fafine te fakaolataga e ala i te fānau mai e ki lātou o tamaiti, pe kāfai e tūmau pea to lātou fakatuatua, te alofa ma te āmiotonu vēnā ma te loto maulalo.

1 Timoteo 2:9

Ko au foki e fofou ko fafine ke loto maulalo ma popoto i te faiga o nā tēuga o ki lātou. E tatau ke fai fakalelei o lātou kofu; nahe fifilia o lātou laulu, pe teuteu i ni aulo pe ni pēnina pe ni kofu taugatā lahi,

1 Timoteo 3:11

Ko nā āvaga a ki lātou e tatau foki ni tino e āmio lelei ma e hē faitala fakakino; e tatau ke fai fuafua lelei o lātou uiga ma ke fakamāoni i mea uma.

1 Timoteo 3:2

Ko he takitaki o he Ekalehia e tatau ke nahe i ei hona hehē; e tatau ke fokotahi oioti tana āvaga, ke fai fuafua lelei ona uiga, ke ola pūlea ma āmio mamalu; e tatau ke talia e ia ni tino kehe i tona fale, ma lelei i te akoako atu;

2 Timoteo 4:17

Kae na fakatahi mai te Aliki ki a te au ma ia fōki maia te mālohi, kae ke mafai ai e au oi tālaki atu te kātoatoaga o te fekau ki tagata nukukehe uma; ma ko au na laveaki mai gutu o leona.

Tito 1:8

Kae ke loto alofa ki nā tino kehe, ma fiafia oi fai nā mea lelei. E tatau ko he tino e pūlea tona loto, e fai mea tonu, e āmio paia, ma e lava te onohai.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Tito 2:2

Fakatonu nā tamāloa mātutua ke nahe konanā, ke popoto ma ola pūlea; ke mautū i to lātou fakatuatua, ke alolofa ma ke onohai.

Tito 2:4

ma fakaako ia fafine talavou ke alolofa ki a lātou tāne ma a lātou fānau,

Tito 2:6

Ke vēnā foki oi fakamālohi ki taulelea talavou ke ola pūlea.

Iakopo 4:7

Ko te mea ia, e tatau koutou ke uhiuhitaki lelei ki te Atua. Teteke atu ki te Tiāpolo, oi ka hola kehe ai ia ma koutou.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

Fakaaliga 12:10

Oi kō lagona ai he leo lahi i te lagi e lea vē, “Kua fakaalia te fakaolataga a te Atua i e taimi nei. Kua fakaalia e te Atua tona mālohi ko ia ko te Tupu i te taimi nei. Kua fakaalia te pule a tona Mehia i te taimi nei! Auā ko tē nae tū i mua o te Atua ma mōlia o mātou uho Kelihiano i te ao ma te pō, kua togi ki lalo mai te lagi.

Fakaaliga 12:12

Ko te lagi la ma nā tino uma e nonofo ai e tatau ke fiafia! Kae hāloa la te lalolagi ma te tai! Auā ko te Tiāpolo kua fanaifo ki lalo ki a te koutou ma e tumu i te tōkahā lahi, auā e ia iloa e pukupuku lele tona taimi koi totoe.”

Fakaaliga 12:9

Oi togi ai te tālako ki fafo — te gata mai te kāloā e fakaigoa ko te Tiāpolo, pe ko Hātani, tē e fakahehēa ia tagata i te lalolagi kātoa. Na togi ifo ki lalo ki te lalolagi, fakatahi ma ana agelu uma.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.

Fakaaliga 20:2

Kua puke e ia te tālako, te gata mai te kāloā — ko tētahi ona igoa ko te Tiāpolo pe ko Hātani — ma haihai i te filifili mo he afe tauhaga.