1 Petelu 5:12 - Tokelauan New Testament

¹² Ko te tuhi pukupuku tēnei e fehoahoani mai ki ei ia Hila, toku hoa Kelihiano fakamāoni, ki te tuhiga. Ko au e fakamālohi ma molimau atu ki a te koutou, ko nā mea uma kua tuhi e au, ko te alofa tūnoa moni tēnā o te Atua. Koutou la ke mautū i te alofa tūnoa o te Atua.

1 Petelu 5:12 ပူးပေါင်းရင်းမြစ်များ

Ioane 21:21

I te kitea atuga o ia e Petelu, oi fehili ai ia Petelu ki a Iehu, “Te Aliki, kae fai vēhea te tino tēnei.”

Gāluega 11:23

I te pa atuga ma ia kiteagia nā fakamanuiaga a te Atua ki tagata, na ia lagona te fiafia ma na fakamālohi ki a te ki lātou uma, ke fakamāoni ma pipiki mau ki te Aliki ma o lātou loto kātoatoa.

Gāluega 15:22

Oi tonu ai i te kau apohitolo ma toeaina vēnā ma te Ekalehia kātoa, ke filifili ni taulelea ke olo fakatahi ma Paulo ma Panapa ki Anitioka. Na filifili ai e ki lātou ni tino e toka lua e fakamoemoegia lele e nā tino kua talitonu, ko Iuta, ko tētahi ona igoa ko Pāhapa, ma Hila,

Gāluega 20:24

Kae ko toku ola e hē tāua ia te au; oioti lava te mea e fofou au ki ei, ke fakataunuku te mea na tōfia ai au ma fakauma te gāluega na fōki mai e te Aliki ko Iehu ki a te au ke fai, ko te tālakiga tēnā o te Tala Lelei e uiga ki te alofa tūnoa o te Atua.

Loma 5:2

Kua kaumai e ia ki tātou e ala i to tātou fakatuatua, ki te alofa tūnoa o te Atua, tēia e ola ai nei ki tātou. Ko ki tātou la e fāfifia ona ko te tātou fakamoemoe, ke i ei fakatahi ki tātou i te huhulu pupula mamalu o te Atua.

1 Kolinito 15:1

I te taimi nei, e fia fakamanatu atu e au ki a te koutou oku uho, te Tala Lelei kua uma te folafola atu e au ki a te koutou, tēia kua talia e koutou ma kua mautū ai te koutou fakatuatua.

2 Kolinito 1:19

Auā ko Iehu Keliho, te Ataliki o te Atua, tē nae folafola atu ki a te koutou e ki mātou — e au vēnā ma Hila ma Timoteo, e hē ko he tino e “Io” ma “Hēai” i te taimi e fokotahi, kae e “Io” i taimi uma lava;

2 Kolinito 1:24

Ko koutou e hē fakatonu atua e ki māua ki nā mea e tatau ke talitonu koutou ki ei; e iloa e ki māua ko te koutou fakatuatua kua mautū lelei. Kae ko ki māua e gālulue fakatahi ma koutou ke fiafia ai koutou.

Efeho 3:3

Na fakailoa mai e te Atua ki a te au tana fuafuaga lilo i he fakaaliga, e vē lava oi tākua i taku tuhi.

Efeho 6:21

Ko Tuhiko, to mātou uho pele ma ko he kaukauna fakamāoni i te gāluega a te Aliki, ka maua ai e koutou nā fakamatalaga uma e uiga ki a te au, kae ke koutou iloa ai te tūlaga e i ei ai au.

Kolohe 1:7

Kua iloa e koutou te alofa tūnoa o te Atua, mai ia Epafalahi to mātou uho a kaukauna fakapelepele, te kaukauna fakamāoni a Keliho kua fai ma o mātou hui.

Kolohe 4:7

Ko to mātou uho pele ko Tuhiko, he tino faigāluega fakamāoni, ma ko he uho foki e gālulue fakatahi ki mātou i te gāluega a te Aliki, ka ia kavatua ni tala e uiga ki a te au.

Kolohe 4:9

E o atu fakatahi ki lāua ma Onehimahi te uho fakapelepele ma te fakamāoni, ma ko hētahi foki lava o koutou. Ka fakailoa atu e ki lāua nā mea uma e tutupu i kinei.

1 Tehalonia 1:1

Mai ia Paulo, Hila ma Timoteo — Ki nā tino o te Ekalehia i Tehalonika, iē kua kavea ma tagata o te Atua te Tamana, ma te Aliki ko Iehu Keliho: Ke ia te koutou te alofa tūnoa ma te fīlēmū.

2 Tehalonia 1:1

Mai ia Paulo, Hila, ma Timoteo — Ki nā tino o te Ekalehia i Tehalonika kua kavea ma tagata o te Atua to tātou Tamana, ma te Aliki ko Iehu Keliho:

Epelu 13:22

Ko au e talohaga atu ki a te koutou te kau uho, ko koutou ke fakalogo lelei ki te fekau tēnei e fakamālohi atu ki a te koutou; auā ko te tuhi tēnei e pukupuku.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 4:10

Kua tuku atu e te Atua ki a te koutou tau tokatahi nā meaalofa kehekehe ke koutou kikilagia, fakaaogā lelei la ke tautua ai ki iētahi tino.

2 Petelu 1:12

Ma ka fakamanatu atu pea lava e au ki a te koutou nā mea iēnei, e ui lava kua uma te koutou iloa ma kua mautū lelei koutou i te meamoni kua ia te koutou.

2 Petelu 2:15

Kua olo kehe ki lātou mai te auala hako ma kua hē ki lātou iloa to lātou auala; kua mulimuli ki lātou i te auala na kui ai ia Palaama te ataliki o Poholo, tē nae fiafia ki nā tupe nae totogi ai ia e ni tino mo ana mea pikopiko nae fai,

3 Ioane 1:12

E tutuha lelei lava nā molimau a nā tino ki te lelei o Temetilio; e molimau foki lava te meamoni ki a te ia. Ma e fakaopoopo foki ki ei ma ta mātou molimau, ma e iloa lelei e koe ko te mea e lea ai ki mātou e hako.

Iuta 1:3

Aku uō pele, ko au nae taumafai ke tuhi atu ki a te koutou e uiga ki te fakaolataga kua maua fakatahi e ki tātou. Kae nei kua ia te au te lagona ke tuhi vave atu loa, ma fakamālohi atu ko koutou ke tau pea lava mo te talitonuga faka-Kelihiano kua fōki mai e te Atua ki ona tagata.