1 Petelu 4:7 - Tokelauan New Testament

⁷ Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.

1 Petelu 4:7 ပူးပေါင်းရင်းမြစ်များ

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Luka 21:34

“Kae ia koutou ke mataala, nā ia koutou ka tuahā lahi ki nā faigākai ma nā īnuga vēnā ma popōlega o te ōlaga, kae maua mai koutou e te Aho tēnā

Luka 21:36

Mataala la i taimi uma ma tatalo ke maua e koutou te mālohi, ke hōhola kehe ai koutou mai nā mea uma iēnei ka tutupu, ma ke tutū ai koutou i mua o te Ataliki o te Tagata.”

Luka 22:46

Oi lea vē atu ai ki ei, “He ā te momoe ai koutou? Nonofo ki luga oi tatalo ke nahe pa koutou ki ni fakaohoohoga”

Loma 12:12

Ke kavea te koutou fakamoemoe ma mea e fiafia ai pea lava koutou, onohai i nā puapuagā, ma tatalo i taimi uma.

1 Kolinito 15:24

Oi pa mai ai te gataaga; ka fakatōkilalogia e Keliho ia tupu fakateagaga uma, nā taupulega ma mālohiaga uma, ma ka tuku atu e ia te Mālō ki te Atua te Tamana.

1 Kolinito 7:29

Ko te uiga o taku tala, oku uho, ko tēnei: kua hē lava he taimi e totoe; ma e kāmata atu nei ko nā tino kua uma te fakaipoipo e tatau ke ola e vē lava ni tino e hēki fakaipoipo;

Efeho 6:18

Fai nā mea uma iēnei i te tatalo, e gogō atu ai ki te fehoahoani a te Atua. Tatalo i taimi uma ma mulimuli ki te mea e lea atu ai te Agaga. Ko te mea la ia, koutou ke mataala ma nahe fakavāivai lele, kae tatalo pea lava mo tagata uma o te Atua.

Filipi 4:5

Fakaali ki ho he tino te loto agamalū. Ko te Aliki kua toeititi oi hau.

Kolohe 4:2

Tatalo pea lava ma mataala i nā taimi e tatalo ai koutou, ma hiki ake te fakafetai ki te Atua.

2 Timoteo 4:5

Kae e tatau koe ke pūlea ki a te koe lava i taimi uma; onohai i nā puapuagā, ma fai tau gāluega tālaki ke uma.

Tito 2:12

Ko ki tātou e fakatonu mai e te alofa tūnoa o te Atua, ke tīaki te ōlaga e hē āmiotonu ma te naunau ki mea o te lalolagi; ke ola pūlea, ke fai mea tonu ma ola i he ōlaga āmiotonu i te lalolagi nei,

Epelu 10:25

Ki tātou nahe fakavāivai oi māfuta i nā fono māhani, e vē oi fai e iētahi tino. Kae ke fakamālohi ātili tētahi ki tētahi, auā kua iloa e koutou ko te Aho o te Aliki kua tafapili lele mai.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

1 Petelu 3:7

E vēnā foki koutou tāne; e tatau ke fai fakalelei e koutou autou āvaga i te koutou māfutaga, auā e hē tutuha to lātou mālolohi ma koutou. Fakaaloalo ki ei, auā ka maua foki e ki lātou fakatahi ma koutou te ola e ala i te alofa tūnoa o te Atua. Fai te mea tēnei kae ke nahe i ei ai he mea e fokotahi e fai ma fakalavelave i autou tatalo.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”