1 Petelu 4:4 - Tokelauan New Testament

⁴ Ko tagata fakapaupau i te taimi nei, e ofo auā ko koutou kua hē toe ola i he ōlaga hē taupulea e vē ko ki lātou, ma ko te mea ia kua fai ai e ki lātou nā tala tau fakakino ki a te koutou.

1 Petelu 4:4 ပူးပေါင်းရင်းမြစ်များ

Mataio 23:25

“Kae hāloa la koutou nā faiakoga o te Tūlāfono ma te kau Falehaio! Ko koutou ni tagata fakagutugutulua. E fufulu e koutou ia fafo o autou iputi ma autou ipukai, kae ko loto e tumu i nā mea na koutou maua i te tuinanau ma te mānumanu.

Luka 15:13

Kua teka atu ni nai aho, oi fakaputu uma ai e te kimuli ana mea, ma faimalaga atu ai ki he fenua mamao. Na ola i kinā, i he ōlaga hē taupulea, ma fakamāumau ai e ia ana tupe.

Gāluega 13:45

I te kitea atuga e nā tino Iutaia te kaifenua tokalahi, oi fakatumulia ai ki lātou i te lotokino; kua taku pepelogia e ki lātou nā mea e lea ai Paulo, ma faikupu kino ki ei.

Gāluega 18:6

Na teteke ki lātou ki a Paulo ma faikupu kino ki ei, oi na tali vēnei atu ai ia Paulo ki a te ki lātou ma lūlū kehe te pefu i ona kofu, “Kāfai koutou e momotu kehe mai te Atua, ko koutou lava te na māfua ai! E hē ko he hehē e o oku. E kāmata atu nei, ko au ka fano oi tālaki ki tagata nukukehe.”

Loma 13:13

Ke lelei a tātou āmio, e vē ko nā tino e nonofo i te mālama o te ao — e hēai he fai pātī hē taupulea pe konanā, e hēai ni āmio mātagā uiga kehe pe faiamio, e hēai he tauaimiha pe fuā.

Efeho 5:18

Koutou nahe konanā i te uaina, auā nā ko te fakakino ai o koutou; kae ko koutou e tatau ke fakatumu i te Agaga.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.

1 Petelu 3:16

Tali atu ki ei ma te āva ma te fakaaloalo ma te lotofuatia e mamā. I te faiga tēnā, ka lagona ai te māhiahi e nā tino e faia nā tala ke fakakino ai nā uiga lelei o koutou nā tino kua mulimuli ki a Keliho.

2 Petelu 2:12

Kae ko nā faiakoga pepelo iēnei, e hē muamua māfaufau oi fātoā fai e ki lātou he mea. E vē ki lātou ko nā manu tāvao, e fānanau ke tapoki ma tāmate. E fāifāi ki nā mea e hēai ho lātou mālamalama ki ei, ma ka fakaumatia ki lātou e vē ko nā manu tāvao,

2 Petelu 2:22

Ko te mea na tupu ki a te ki lātou e fakaalia ai te hako o nā alagākupu e vē: “Ko te kulī e toe foki lava ki ona puakiga” ma “Ko te puaka kua uma te fufulu kehe o te palapala mai tona tino, e toe foki lava oi takafili i te palapala.”

Iuta 1:10

Kae ko nā tino iēnei, e fai kupu fakakino ki ho he mea lava e hē mālamalama ai ki lātou; ma ko nā mea iēnei e ki lātou iloa mai o lātou lagona lilo e vē ko manu vaefa tāvao, e fakaumatia ai foki lava ki lātou.