1 Petelu 4:18 - Tokelauan New Testament

¹⁸ E vē oi lea mai te tuhituhiga paia, “E faigatā lele nā tino lelei ke fakaolagia; he ā nei la te ka pa ki ei nā tino agahala ma hē talitonu ki te Atua?”

1 Petelu 4:18 ပူးပေါင်းရင်းမြစ်များ

Luka 15:1

I tētahi aho na ōmamai ai nā aolafoga e tokalahi, ma iētahi tino inohia oi fakalogologo ki nā akoakoga a Iehu,

Luka 23:31

Auā kāfai te mea tēnei e mafai ke tutupu ka ko te lākau koi mata, e vēhea ake nei la kāfai te lākau e mamago?”

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Gāluega 27:24

oi lea vē mai, ‘Paulo, ia koe nā mataku! Ko koe e tatau ke tū i mua o te Kaihala. Ko te agalelei o te Atua ki a te koe, kua fakahao ai ia ola o nā tino uma e faimalaga fakatahi koutou.’

Gāluega 27:31

Kae kua lea atu ia Paulo ki te takitaki o te vaegākau ma nā fitafita, “Kāfai te kauvaka e hē nonofo pea i luga o te vaka, ko koutou uma lele e feoti.”

Loma 1:18

Ko te tōkahā o te Atua e fakaalia mai te lagi, mo nā agahala ma uiga kino uma o tagata, ma e ala i o lātou uiga kino, kua faigatā ai ke fakailoa te meamoni.

Loma 5:6

Auā ka koi vāivai ki tātou ma hē mafaia he mea, ko Keliho na oti mo ki tātou nā tino kino, i te taimi na filifili lava e te Atua.

Loma 5:8

Ka kua fakaalia e te Atua tona alofa ki a te ki tātou — ko te taimi ka koi i te agahala ai ki tātou, na oti ai ia Keliho mo ki tātou.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

1 Timoteo 1:9

E tatau lava ke manatua, ko nā tūlāfono e hē faia mo nā tino e lelei, kae e fai mo nā tino holi tūlāfono ma hē uhitaki, nā tino agahala ma hē talitonu ki te Atua, nā tino e hē tāpuaki ki te Atua ma fakakinoa tona igoa, nā tino e ki lātou tāmatea o lātou tamana pe ko nā mātua, nā tino tāmate tino,

Epelu 4:1

Ko te folafolaga a te Atua e uiga ki te nuku e maua ai e ki tātou te malōlōga, e i ei pea lava. E tatau la ki tātou ke fakaeteete, nā he tino o koutou e hē ia mauagia te malōlōga kua folafola mai.

Iakopo 5:6

Kua fakahala ma tāmate e koutou nā tino e hēai ni agahala, ma nae hē teteke atu ki a te koutou.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

2 Petelu 3:7

Kae ko te lagi ma te lalolagi e i ei i te taimi nei e teu puipuia pea lava e ala i te fakatonuga foki lava tēnā e fokotahi a te Atua, kae ke fakaumatia ai i te afi. Ka tūmau pea ki lātou ke pa ki te aho e fakamahino ma fakaumatia ai nā tino e hē talitonu ki te Atua.

Iuta 1:15

ke fakamahino ia tagata uma, ma ke fakahalagia ki lātou uma mo o lātou uiga hē mātataku i te Atua ma nā kupu kino uma na tautatala ai nā tino agahala, e teteke ai ki te Aliki.”