1 Petelu 4:15 - Tokelauan New Testament

¹⁵ Kae nahe i ei lele he tino o koutou e puapuagā ona kua tāmate tino, pe kua kaihohoa, pe kua holi tūlāfono, pe kua tautala tauanoa ki nā mea a iētahi tino.

1 Petelu 4:15 ပူးပေါင်းရင်းမြစ်များ

Mataio 5:11

“Amutia koutou kāfai koutou e fakamātagā ma fakahāuāgia e tagata, ma ki lātou faia ni talapepelo kino kehekehe e uiga ki a te koutou, ona ko koutou ni hoko e ōku.

1 Tehalonia 4:11

Fai ma autou hini, te ola i he ōlaga e fīlēmū ma hē piha, ke nahe tautala tauanoa ki mea a iētahi tino, e vē lava oi lea atu ai ki mātou muamua.

2 Tehalonia 3:11

Ko ki mātou e lea vēnei atu ona kua fakalogo ki mātou, e i ei nā tino o koutou e ola i he ōlaga paiē ma hē faigāluega, kae nā ko te aiā tauanoa lava ki nā mea a iētahi tino.

1 Timoteo 5:13

E hē gata i tēnā, kua ki lātou iloa foki oi fakamāumau o lātou taimi, i te oatu mai tēia fale ki tēia fale. Kae ko te mea e hili te kino, kua ki lātou iloa oi faitala fakakino ma aiā tauanoa ki nā mea e hēai he lātou fekau ki ei.

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

1 Petelu 3:14

Kae e tuha foki lava pe puapuagā koutou ona e fai e koutou te mea e hako, ka maua e koutou nā fakamanuiaga. Koutou nahe mātataku i he tino e fokotahi, koutou foki nahe popole.

1 Petelu 3:17

Auā e hili atu te puapuagā o koutou ona e koutou faia nā mea lelei, pe kāfai ko te finagalo ia o te Atua, i lo te puapuagā ona ko nā mea kino e koutou faia.